الخبراء وأهل الشيصان القديمة تكفووووون فزعتكم

[A7MED FAHAD]

السلام عليكم ورحمة الله وبركاته

الله يصبحكم ويمسيكم بالخير جميعاً

مابي اطول عليكم، موتري شاص 2005 ذبحني بصرف البنزين!! التانكي الواحد احيان يقطع 220 كيلو واحيان250 كيلو ماهو طبيعي ابد ابد ويتأخر في التشغيل احيان ثلاث دقات احيان اربع واحيان خمس دقات واذا اشتغل تعال شف الشكمان يدخن اسود لمده نص دقيقه تقريبا وبعدما يوقف الدخان يرتفع ظغط المكينه للتسخين!! طبعاً اجتهاد من نفسي غيرت
(طرمبات البنزين والصفايه وبواجي واسلاك بواجي وتنظيف بخاخات وثلاجة)
عزم الموتر تغير للاحسن لكن مشكله صرفيه بنزين وتأخير في التشغيل والدخان الاسود تكفون اللي قد صارت معه المشكله او عنده خبره يفيدني

آسف علي الإطاله ولكم دعوه في ظهر غيب

[صويب البرق]

كأنك تكلم عن الخراب نفسه معي شاص 2003 ونفس ماتقول بالضبط وللحين اعني من المشكله ولكن صرفية البنزين اذا امشي 120 الحمدلله يمشيني حدود 470 كيلو التانكي الواحد

[A7MED FAHAD]

كأنك تكلم عن الخراب نفسه معي شاص 2003 ونفس ماتقول بالضبط وللحين اعني من المشكله ولكن صرفية البنزين اذا امشي 120 الحمدلله يمشيني حدود 470 كيلو التانكي الواحد

هلا اخوي صويب البرق ماشاء تبارك الله صرفية موترك ممتازة لكن البلا عندي في التفتفه والدخان اتمنى احد الاخوان اللي قد مرت عليه مثل هالحاله يفيدنا او يدلنا على ورشة متخصصه. ومايقصرون الاعضاء الله يعطيهم الف عافيه

[MSAN]

للاسف ما أفهم في التويوتا كثير.. لكن شيك على حساس مووجود في الثلاجة اسمه ماب MAP وحساسات الشكمان


بالتوفيق

[السبيعي 503]

اخوي تاكد يمكن المكينه تنقص ولا بد تتاكد قد صاارت لي نفس المشكله

[ابوطلال1111]

انا معي نيسان فتك 2002 كل 250 كيلو فاضيه الثنين وغيرت فلتر هواء الزيت لانه عدمان من زمان ومهمله المهم الحين الثنين ماشالله تمشيني 500 وزياده