المساعد الشخصي الرقمي

مشاهدة النسخة كاملة : وش احسن انواع الحطب


الخلف2010
05/12/2006, 01:39 PM
وش احسن حطب خاصا الى يبطى ما يطفى ولايرمد على طول :cool:
abu salhe
05/12/2006, 01:44 PM
الغضى,السمر, الرطى؛
جرير
05/12/2006, 01:46 PM
عليك بالطلح ياطلحه امزح
يارجال مافيه بالسوق الا السمر الخيارات غير موجوده وهو الافضل بناء علي شروطك
ولكن عندي لك فكره اذا تبغي الحطب يطول
اخلط فحم وحطب يعني الفحم تحت والحطب فوق وعليك بالفحم الزين الكبار
بالتوفيق ولا تنسانا من العزيمه بعد التجربه
الخلف2010
05/12/2006, 01:51 PM
مشكور اخوي ابو صالح على ردك وفعلا اختياراتك تعتبر احسن انواع الحطب
اخوي جرير طريقة حلوه وابشر بالدعواي لك واحنا نتعشى
مشكور على مرورك
سندهم
05/12/2006, 01:56 PM
<<<<<<<<<<<<<1 السمر بس غالي بس وينك يالمدينة يبي حطب يقول غالي ههههههههه
2 الكين بس اذا قطع قطع صغيرة وانشال القشر كويس وارخيص عليه جمر حاررررررررر مرة انا مجربه
هاوي كشته
05/12/2006, 01:58 PM
السمر أفضل الحطب
ولد شيخ
05/12/2006, 02:23 PM
سمر المدينة

لكنه قليل

ان كانك تعرف احد في القصيم وصه يشتري لك أو الله يعينك على الزرقة

تحياتي
مشعل_1001
05/12/2006, 03:11 PM
السمر وبس اقصد حطب السمر ترا ؟
سلطان النفود
05/12/2006, 03:29 PM
السلام عليكم ,,
شكرا على الموضوع

بالنسبة لي :

1- الارطى ( للرائحه الجميلة )
2- الغضاء ( لطول التدفئة و التجمير)
3- السمر ( لطول التجمير)

وشكراً
مدالنظر
05/12/2006, 03:53 PM
ياجماعة الخير هل يوجد بالأسواق سمر ((الأصلي))

كل من نشدت من راعين السيارات الكبار عن السمر
قال لاتتعب نفسك السمر محمي ولا فيه سمر أصلي يباع

قلت اللي انت جالب وش يصير
قال هذا نقول لك انه سمر ومادامك نشدتني عن الصحيح
تراه ((سلَم))

والله ضعنا بهالسمر

لكن ماعنك وعن الأرطى
بالنسبه لي هو أفضل رائحه وأطيب من السمر
لكن السمر يمكن جمره يبطي أكثر


وعلى طاري الكين
العبري أزين وأنا أخوك
لكن وييييييييييييييييييييييييين تحصله.....ومن يطيعك تقطع عبريته ((من أهل المزارع))
هنا المشكله

لكن أرجع وأقول لك الأرطى طيب بالحيييييييييييييييييييل


سلام
salimasq
05/12/2006, 04:33 PM
حطب القرض ولاكنه لا يوجد إلا بالغربية والجنوبية ولكن عليه حطب تقل حصاه وإذا جمر يبطي حييييييييييييييييييييييييل مايطفي
هذا والله أعلم
المعزب
05/12/2006, 09:59 PM
عليكم بحطب السمر حق وادي الدواسر وبيشة لانهم لا يعرفون الا هو وبعدين يعتبر من اطيب الانواع ولا يوجد به غش لانه متوفر هناك وبكثرة
عاشق البران99
05/12/2006, 10:26 PM
ما مثل القرظ ، لكن وين تقلقاه ( قليل وغااالي ) ،،،
الروض1
05/12/2006, 10:27 PM
عليك بالغضاء تره طيب ياصار يابس ولونه ابيض ومخشب تره هو الطيب ماعليك من السمر كله دخان ولاتلقا الطيب
الوفاء لها
06/12/2006, 01:15 AM
غير الأرطى لا تدور ...:)

الغضى سريع الأشتعال ... لكن عيبه ماله جمر سريع الخمده ...


أطيب التحايا


أخوكمـ:)

الوفاء لها
م.بندر
06/12/2006, 01:27 AM
الله الله
بالكمبودي
((الارطئ))
ريحه وجمر ووقده حلوه
لأنه بعد القرار الجديد الخاص بالانضمه ببيع الحطب
متلقئ الارطئ الا عند محلات العود
يباع بالوزن
فنجال السيف
06/12/2006, 01:34 AM
عليك بالعرن تراه زين ولا شبيته لاتحركه بس نادر تلقاه

ولا خذ لك نص استواء
سندهم
06/12/2006, 02:27 PM
فيه احد يخبر : لي سمرمن المدينة هذا وقت الجمرة الحارة مع المربعانية / +ويشاركني بدينا او (سقس ) علما ا ني

متواجد في مدينة بريدة ابي =ربع الشحنة بس من يدخل معي وعليه مشوار المدينة المنورة اوكل شي بحقه باقي تلاته اشخاص ونجيب شحنة كل واحد يدفع ربع الموتر
________________________________________


حطب سمر صح بعيد عن الغشاشين

ربعنا


ومن هناك بلاش=ارخصصصصصصصصصصصصص:confused:
حفيد اعقيل
06/12/2006, 03:03 PM
لا شك أن حطب السمر يعد الأفضل ولاأدل من ذلك أن الفحم الموجود الآن هو في
الغالب من حطب السمر , والسمر يمتاز بطول بقاءه وبرائحته أيضا, يأتي بعده في
المرتبة الثانية الإرطاء وهو زكي الرائحة ويبقى أطول من الغضا , الغضا يمتاز
بحرارة جمرته إلا إنه سريعاً مايترمد ,,
إذا خذها نصيحة مجرب السمر أفضل ,,
سداااااح
06/12/2006, 03:58 PM
1- القرض
2- السمر
3-الغضى
4- الارطى
وهاذاراى
نمر بن حثلين
06/12/2006, 08:26 PM
الغضى عيبه يخرث ( تصيبه الارضه )
والارطى دخانه واجد

السمر عطي الله خصوصا لا صار يابس

بس الغش فيه وارد جدا يخلطونه بالسلم والطلح
imksa
06/12/2006, 11:52 PM
كيف افرق بين الطلح والسمر ؟؟؟

في امان الله
ابو الأيهم
07/12/2006, 03:11 AM
القرض يبطي والارضى يمدحووووووووونه
وسلامتك
س م ح 999
12/12/2006, 04:35 PM
حطب القرض هو الأحسن وسعر الدينا منه تقريبا 4000 ريال ويوجد بالجنوب وجمرته تظل شابه وعوده ما يشب بسرعة زي السمر ولكن ريح السمر أطيب منه

خذلك قرض وتوكل على الله على خبري بالدمام كان سعر الفحم للقرض ب 150 ريال وسعر الفحم للسمر 25 ريال لاحظ الفرق
رش السحاب
12/12/2006, 04:43 PM
شوف يالغلا


بالنسبه لي عندي سمر وارطى ورمث

السمر زين ومافيه دخان يعني بسيط دخانه لكن يغلب انه يخلط بحطب السَلم

الرمث دوا قلبي اعشق ريحته واشب ولو بالصيف وحنّا يهل الرس نستنشقه كما نتنفس الهواء :)

الارطى زين اذا كنت باول الليل وعندك عزومه والا شي وتتأخر فهو حلو لولا ان دخنته واااجد

وطب وتخيّر

وتقبل احترامي يالطلحه
هواوي2006
12/12/2006, 04:53 PM
انا ما اشتري غير القرض لأنه معروف لدى مجربينه بأن جمره يطول و لكن سعره غالي و لكنه يستاهل سعره الصراحة ...



الله يرزق الجميع من واسع فضله ...,,,



ويعطيك العافيه اخوي على هذا الطرح الجيد...
abumishary
12/12/2006, 05:08 PM
عليك بالارطى او السمر


بس انتبه من المغشوش والممطور
الرواف
13/12/2006, 12:25 AM
1- الارطى
2- الغضاء
3- السمر


وافضلها على ااطلاق بالنسبة لي هو الغضاء

الرواف
فارس طي
13/12/2006, 11:47 AM
عليك بالسمر (هو راعي الأوله ) ضو ولادخان وجمر
والقرض (يمدحونه) ماجربته

أخيرا الأرطى (الأرطى زين إذاكان يابس مره يعني له أكثر من سنتين ) أما إذا كان له من سنه سنه ونص أوأقل فأبشر بالدخان الله

لايوريك ماتقدر تجلس حوله من كثر الدخان حنا مجربينه عندناياأهل حايل مهما قالو إنه زين لايهمونك 0 مثل ماقلت سابقا الزين من

الأرطى اللي له أكثر من سنتين يابس حيل هذا زين 0 هذا والله أعلم ؟؟؟؟؟؟؟؟؟ لكم تحياتي