المساعد الشخصي الرقمي

مشاهدة النسخة كاملة : وين القى مثل هالخيمة ؟؟


ولد شيخ
05/12/2006, 02:33 PM
السلام عليكم

في موضوع للأخ حنيني على هالرابط

http://www.mekshat.com/vb/showthread.php?t=64469&page=1&pp=15


شارك الأخ ثقيل الرجلين بصور لخيمته :
http://www.naishan.com/cpg133/albums/aaa/aad%20%2875%29.JPG
http://www.naishan.com/cpg133/albums/aaa/aad%20%2871%29.JPG



من يعرف من الأخوان وين القى مثل هالخيمة ؟؟



تحياتي للجميع
مصيول
05/12/2006, 02:41 PM
ماشاء الله خيمه طيبة وتستاهل الواحد يدور زيها

بس يمكن ياخوي ولد شيخ ان الأخ مفصلها تفصيل يعني هو مصمم والمحل مسوي مثلها

والسلام عليكم ..
ولد شيخ
05/12/2006, 02:44 PM
حياك الله يامصيول

فعلاً توقعت هالشي وراسلته لكن للحين مارد على !!

بإنتظار رده او رد أحد الأخوه يوصلنا لمطلوبنا

تحياتي لك
الجرنـاس
05/12/2006, 06:41 PM
لاتنسانا من الرد
شاركنا معك
حفيد اعقيل
05/12/2006, 11:44 PM
السلام عليكم ,,
هذه الخيمة رأيتها في محل رحلات يقال له ( عروق الشمال بمدينة بريدة)
وسعر الخيمة 600 ريال إذا كانت مقاس 4x3
م.بندر
06/12/2006, 12:24 AM
السلام عليكم ورحمت الله وبركاتوه
كلام اخوي حفيد اعقيل صحيح
لان الاسبوع الماضي اخذ من عروق الشمال خيمتين من نفس النوع
لاكن السعر بعد المكاسر 1000
يعني الوحده ب500
وشكرن
ولد شيخ
06/12/2006, 01:04 AM
الله يجزاكم خير يااخوان على المعلومات

السؤال :

هل هي نفس النوع الموجود بالصورة بالضبط ؟

وهل يوجد عنده مقاس اكبر من 3*4 ؟ لأن الموجوده بالصورة شكلها اكبر !!



تحياتي للجميع
هلال المطيري
06/12/2006, 01:38 AM
السلام عليكم : ياولد الشيخ شوف عيني ليقيتها في محطه قبل ظرمه لتفصيل الخيام نفسها بالضبط قيمتها 800 ريال 4 × 4 الوصف طريق الدرعيه من جهة الرياض كنك طالع من الرياض أبتل لا تفرق معا الدرعيه تمشي حول 130 كم أترك جميع المحطات تلقى محطه على يسارك قبل ظرمه فيها محل تجهيز رحلات من عزل عن البقاله موجوده أن شاء الله ملاحظه السقف مولونه أخضر بني غامق
((( معليش على الأطاله ))) وشكرا0000
ولد شيخ
06/12/2006, 01:44 AM
وعليكم السلام

مشكور اخوي الهوياني

لكن وصفك ماعرفته

انت تقصد ضرما ماغيرها !!

ياليت توصف ثانية


تحياتي
ثقيل الرجلين
06/12/2006, 11:55 PM
السلام عليكم

الخيمه من السنيدي في الدمام وهي 3*4 ويمكن بعضكم يشوفها اكبر لانكم اطالعون في الطولاللي هو اربعه اما العرض ماعليه بيبان وهذا اللي مخلي حجمها ممتاز يعني ينامون فيها اربعه جنب بعض واثنين عند روسهم اذا الدعوى زحمه والخيمه وذفه في مشالها ومحطها

وقيمتها فوق 800 ريال عندنا في الدمام وحقيقه مع بطانتها وتثبيت ذرياتها بالمناسيب وسمتها زين الخيمه دفيه بس مهوب دفى الضعيف وفي المطر اول مره مطرت جانا مع الخياط نز بصيط خاصه ان المطر صبحنا الفجر وجلس علينا ديم يوم كامل

الخيمه ممتازه وهي اعز خيامي وانا ارتحت لها ويمكن ذا السنه ارصها بقماش تنزاني في علوها مع انها ما تحتاج

تحياتي
ولد شيخ
07/12/2006, 12:24 PM
بيض الله وجهك اخوي ثقيل

وماقصرت


تحياتي
كشاتي
07/12/2006, 12:44 PM
السلام عليكم ورحمة الله وبركاته ...

اخواني ياللي تعرفون هالخيمه ...

هل للخيمه اسم معين ...؟

لان احيانا تدخل محل تلقا كذا خيمه نفس الشكل ماتقدر تفرق ...

ياليت حد يفيدنا ولكم جزيل الشكر ...
تبراق
08/12/2006, 11:08 AM
اولا السلام عليكم ورحمة الله وبركاتة

ثانيا الخيمة الموجودة في الصورة هي من خيام السنيدي

الخيمة جدا ممتازة وعليها ضمان من المطر وجودة الشغل

الخيمة تتميز بخفتها وجودة خاماتها حيث ان يمكن حملها من قبل شخص واحد وكذلك نصبها

قيمتها حوالي 850ريال عند السنيدي في بريدة
عساف الضاري
09/12/2006, 10:55 AM
السلام عليكم

الخيمه من السنيدي في الدمام وهي 3*4 ويمكن بعضكم يشوفها اكبر لانكم اطالعون في الطولاللي هو اربعه اما العرض ماعليه بيبان وهذا اللي مخلي حجمها ممتاز يعني ينامون فيها اربعه جنب بعض واثنين عند روسهم اذا الدعوى زحمه والخيمه وذفه في مشالها ومحطها

وقيمتها فوق 800 ريال عندنا في الدمام وحقيقه مع بطانتها وتثبيت ذرياتها بالمناسيب وسمتها زين الخيمه دفيه بس مهوب دفى الضعيف وفي المطر اول مره مطرت جانا مع الخياط نز بصيط خاصه ان المطر صبحنا الفجر وجلس علينا ديم يوم كامل

الخيمه ممتازه وهي اعز خيامي وانا ارتحت لها ويمكن ذا السنه ارصها بقماش تنزاني في علوها مع انها ما تحتاج

تحياتي
وعليك السلام ورحمه الله
اخي ثقيل الرجلين ياليت وصف محل السنيدي بالدمام الله لايهينك
س م ح 999
09/12/2006, 01:04 PM
تلقاها عند محل الرجم وانت طالع من اشارة مخطط 91 متجه للمطار المحل على اليمين بعد القناص وسعرها 800 ريال وهي من خيام السنيدي
الجافي
10/12/2006, 12:44 AM
اخوي ولد شيخ ابا اعلمك العلم الوكاد هذي الخيمه يصنعها السنيدي واسمها الصحراء ومقاسها 3*4 وسعرها 950 ريال ومحلهم مخرج 15 بالتجاه الشرق تقريبا بعد ثالث اشاره على اليمين الخيمه شكلها زين وركزتها ممتازه لكن لي ملاحظه عليها من تجربه طلعت مع شباب الاسبوع قبل الماضي وكان معهم مثل هالخيمه وبعد مانمنا الا ويهل ذاك المطر القوي قلت في نفسي زين خلني اشوف هل الخيمه بتصمد ولا لا وولع الكشاف وتابع السقف وبعد ربع ساعه من هالمطر القوي حتى خارت قوها وبدت تنقط مع الخياط الي في السقف حيث ان سقف الخيمه مكون من اربع قطع مخيطه مع بعض والمفروض ان الشراع اكثر شيء يكون قطعتين ويهتمون بالخياط اسف على الإطاله وارجو ان اكون افدتك
مشعل_1001
10/12/2006, 12:47 AM
صور حلوة مشكورين علية
ولد شيخ
10/12/2006, 07:42 AM
اخوي ولد شيخ ابا اعلمك العلم الوكاد هذي الخيمه يصنعها السنيدي واسمها الصحراء ومقاسها 3*4 وسعرها 950 ريال ومحلهم مخرج 15 بالتجاه الشرق تقريبا بعد ثالث اشاره على اليمين الخيمه شكلها زين وركزتها ممتازه لكن لي ملاحظه عليها من تجربه طلعت مع شباب الاسبوع قبل الماضي وكان معهم مثل هالخيمه وبعد مانمنا الا ويهل ذاك المطر القوي قلت في نفسي زين خلني اشوف هل الخيمه بتصمد ولا لا وولع الكشاف وتابع السقف وبعد ربع ساعه من هالمطر القوي حتى خارت قوها وبدت تنقط مع الخياط الي في السقف حيث ان سقف الخيمه مكون من اربع قطع مخيطه مع بعض والمفروض ان الشراع اكثر شيء يكون قطعتين ويهتمون بالخياط اسف على الإطاله وارجو ان اكون افدتك

اشكر الجميع على تفاعله مع الموضوع

والف شكر اخي الجافي على المعلومة


تحياتي للجميع
سالم بن سالم
10/12/2006, 08:25 AM
انا اذا ماشفت الخيمة ام عامود المعروفة شامخة فوق النفود او في احد الشعبان ولا ما اعتبر نفسي كاشت صحيح ان تركيبها فيه مشقة ولاكن منظرها يفتح النفس وكل ماشفت ناس معهم هالخيمة في البر احس انهم سعيدين ومستانسين واتمنى اني كاشت معهم استخدمت خيام كثيرة ومافيه خيمة تشد انتباهي مثل ام عامود الحقيقة ان منظرها في البر متعة بحد ذاته .
فارس طي
11/12/2006, 10:22 AM
ولد شيخ تحياتي لك ولكل الأعضاء كل أدلى بدلوه حسب ماشاف أوجرب الخيمة اللي عنده 0 مثل اللتي بالصورة .والخيام تختلف حسب

الصنعة من نوع القماش وخلافه 0 وأنا جربت مثل التي بالصورة تقريبا وعندنا من الأصدقاء في الرياض وحائل جربوها أكثر من ثمان خيام

مقاس 3x4 و3*3 قماش سميك أخضر ضد الماء وفيه جيشي وفيه أبيض وتكون مبطنه لكي تكون أكثر دفأ .ويوجد غير مبطنه وقماش

أبيض خفيف تكون أكثر خفه ولاكنها بارده جدا بالشتاء 0

وجربنا المبطنه والقماش الثقيل بالمطر ولا أروع وليلة الجمعة في نهاية حفل مزايين أم رقيبة كنا هناك وكان معنا ثلاث خيام من النوعية

المبطنة والقماش السميك وجانا أمطار غزيرة تقريبا ولا حسينا بأي شيء ولا دخل المطر علينا 0 كأننا في دار ماشاء الله 0

وأنا أنصح بها حيل حيل 0 وهي موجودة عند مصنع توافق للخيام بالرياض بداية طريق الملك فهد وإنت جاي من القصيم داخل للرياض

تقريبا قبل الندوة العالمية للشباب الإسلامي وحوله تقريبا بنك سامبا 0

ملاحظه : نحن نستخدم هذه الخيام أكثر من خمس سنوات وكل من شافها إشترى مثلها.ممتازه جدا وسعرها فوق الألف شي بسيط فيه أخف

وسعر أقل لاكن الجودة تختلف 0

حبيت أدلي بدلوي ولو إني طولت عليكم 0ولكم الشكر والربيع 0
نا مق
12/12/2006, 02:10 PM
ما شاء الله خيمه حلو وشرحه وتشيل ناس
ولد شيخ
12/12/2006, 04:01 PM
الشكر لجميع الإخوان على المشاركة وابداء الرأي

تحياتي