أبي نصيحتكم بخصوص جهاز قارمن أبي أشري جهاز

[ريح القصيم]

رحت لم محل دار موجة ونصحني بجهاز قارمن موديل 52 قال يصلح

للبر و المدن وزين وش رأيكم فيه أنا محتار أبي شي للبر والمدن وفيه صوت .

[moani]

قبل النصيحة سيارتك وشهي؟ :)

[sameer_1798]

للبر فيه افضل منه لان هذا مايدعم توجيه خارج الطريق

[ريح القصيم]

((السيارة جيب تويوتا فورتشنر مشكور لكم على الرد ))

[الدينميت]

خذ جهاز نوفا شاشه 50
خفيف وعملي ورخيص

[ابو خالد 111]

واللي سيارته باترول 92 :)

ويبه للبر ودول الخليج فقط ؟؟

جزاكم الله خير

[sameer_1798]

ياخوان ويش دخل السيارة في الموضوع الجارمن تستعمله على رجولك ولا على دباب حتى .

[moani]

((السيارة جيب تويوتا فورتشنر مشكور لكم على الرد ))

بالمبلغ اللي بتدفعه ثمن لجهاز قارمن خذلك شاشة ملاحة لسيارتك بنظام أندرويد وركب عليها النافتيل بخرائط الصحراء أو أي برنامج ملاحة آخر يخطر ببالك (يكفيك Google maps و Google Navigator مبني داخل النظام). أنا أملك جهاز قارمن النوفي 3597 والحقيقة المره أنه مرمي بعد أول شهر من شرائه بسبب أن شاشة سيارتي أغنتني عنه بكثرة برامج الملاحة اللي راكبه عليها من برامج بر أو مدن. لو حبيت ومن باب التجربة قبل ماتشتري الشاشة تقدر تستخدم جوالات الأندرويد أو حتى الأيفون كبديل للقارمن وشاشة السيارة بما أن الأغلب من الموديلات الحديثه من الجوالات تدعم التقاط أشارات الأقمار الصناعيه داخل وخارج شبكات الجوال. زبدة الكلام لو ترجع العجلة للخلف مأشتريت القارمن ( القارمن زمنه ولى بدون رجعه) لكن كنت في وضعيتك والأخوان الله يجزاهم خير القوة الشرائية عندهم عالية بدون تفكر ومأعطوني النصيحة الصادقة والخيار أولاً وآخراً لك.

[تزبطي]

مساء الخير يابطل

انا اشوف ان البر حسب كﻻم اﻻخوه فئة 200 افضل شي

واشهرها 205 و 265 عشان الخطين الزهريه

اللي واحد ثابت من مكانك حتى الهدف والثاني يوضح اتجاهك انت
اذا ميلت عن الطريق شوي يتخالفن االخطوط واذا مسكت اﻻتجاه صح تركب الخطوط على بعض

بس هذي تباع مستخدمه لﻻن نزل عقبها فئة ال50

انا اخذت واحد 265 مستخدم لﻻن فيه بلوتوث وتصوير شاشه ماهي ضروريه بس
انا نفسي فيها

وجهاز 276 هذا اللي اشوف الكل متفق عليه وﻻكن سعره مبالغ فيه

انا اخذته مستخدم شتاء العام تقريبا 550

من احد اﻻخوه عارضه بالمنتدى
ويقول انه متعاون مع بيت الرحﻻت من اهالي عنيزه جزاه الله هير جهاز نظيف وخريطتين
السيار13 والثانيه مدري وش

موفق

[moani]

واشهرها 205 و 265 عشان الخطين الزهريه
اللي واحد ثابت من مكانك حتى الهدف والثاني يوضح اتجاهك انت
اذا ميلت عن الطريق شوي يتخالفن االخطوط واذا مسكت اﻻتجاه صح تركب الخطوط على بعض

كنت أتوقع من يعقب بأن الخط الزهري المتقطع أهم ميزة لشراء أجهزة القارمن لكن بديلها في برنامج النافتيل هو تحرك الخط المباشر من موقعك أينما ذهبت الى الهدف وللذهاب للهدف يجب وضع رأس السهم على الخط المباشر للوصول الى نقطة النهاية أو الهدف.

[سجة الخاطر]

السلام عليكم ورحمة الله وبركاته فزعتكم جاني جهاز ماجلان القديم تمديدات ودي اركبه على السيارة وين القى مكان بالرياض مرين (دار موجه-العامه-الاتصالات)كلهم تعذرو فزعنكم يالكشاته

[sameer_1798]

مساء الخير يابطل

انا اشوف ان البر حسب كﻻم اﻻخوه فئة 200 افضل شي

واشهرها 205 و 265 عشان الخطين الزهريه

اللي واحد ثابت من مكانك حتى الهدف والثاني يوضح اتجاهك انت
اذا ميلت عن الطريق شوي يتخالفن االخطوط واذا مسكت اﻻتجاه صح تركب الخطوط على بعض

بس هذي تباع مستخدمه لﻻن نزل عقبها فئة ال50

انا اخذت واحد 265 مستخدم لﻻن فيه بلوتوث وتصوير شاشه ماهي ضروريه بس
انا نفسي فيها

وجهاز 276 هذا اللي اشوف الكل متفق عليه وﻻكن سعره مبالغ فيه

انا اخذته مستخدم شتاء العام تقريبا 550

من احد اﻻخوه عارضه بالمنتدى
ويقول انه متعاون مع بيت الرحﻻت من اهالي عنيزه جزاه الله هير جهاز نظيف وخريطتين
السيار13 والثانيه مدري وش

موفق




مزايا رائعة بالنوفي الجديد بوصلة القبلة واوقات الصلوات واقرب المساجد والخطين الزهريه (http://www.mekshat.com/vb/showthread.php?t=583132)

[ريف النشاما]

أنا جربت معظم الاجهزة والبرامج كلها تؤدي الغرض لكن بالنسبة لي الأهم معالم الخريطة

وبالذات الطرق الجديدة المسفلته والطرق البرية والمعالم



و أشوف القارمن على نوعية استخدامك انت

ويدك .... فيك دفاشه ولا نعومه :D



ومع هذا في وقت الجد ما استخدم الا 176 :D وتوي شاري واحد شبه جديد وعندي القديم
وعندي 276 بليهان بدأ ينافس ولد عمه في تحمل دفاشتي:good:


الجوال والخرابيط والنوافي والشاشات كلها حذفتها :director: