المساعد الشخصي الرقمي

مشاهدة النسخة كاملة : خيمة صغيرة لهواة الشخير


نمر بن حثلين
05/12/2006, 03:59 PM
السلام عليكم

هذي الخييمه ( تصغير خيمه ) تنفع لراعين الشخير ينامون فيها لحالهم ويمارسون هوايتهم بالعزف المنفرد بالمشاخر الى الفجر :p

مقاسها مترين في متر وثمانين وارتفاع متر وعشرين

وضد المطر وفيها باب شخال وفيها شخال فوق للتهويه ولو خفت المطر او مهب له غطا
وبعد تنفع لعبة للبزران :p
او اذا اشغلكم الذباب عند اكل وكنتو بحدود 3 او 4 ادخلو وصك الشخال وخل الذباب يناظرك من برا وهو منقهر :p

http://www.mekshat.com/pix/upload/images23/mk7373_tnt1.jpg

كرتون المنديل لايضاح حجمها على الطبيعه
http://www.mekshat.com/pix/upload/images23/mk7373_tnt2.jpg


والسعر 360 ريال :good:






















بس نقص صفر :p
السعر 36 ريال عنده بنده
الله يديم الرخص :good:
بني حسن
05/12/2006, 04:03 PM
بس معظم عازفي الشخير المنفرد يفضلون النوم مع المجموعه
نمر بن حثلين
06/12/2006, 02:07 PM
بس معظم عازفي الشخير المنفرد يفضلون النوم مع المجموعه


اجل الخيمه تنفع لغير المشخرين الهاربين من المشخرين مع المجموعه :p
almobd3
06/12/2006, 03:05 PM
خيمة حلوة بس انا شايف نفس الخيمة لاكن 3 × 3
وسعرها 140 عند هايب بندة
almobd3
06/12/2006, 03:08 PM
ايه
سعره 36 احسب سعرها 360:p
المتوكل
06/12/2006, 09:46 PM
ما تنفع ابد0000 مجربها رشت مطر خفيف ربصنا هب نسناس هواء تصفطت 000احذر 00 0احذر 000احذر 000احذر 00 الرخيص مخيس مع احترامى لنمربن حثلين
نمر بن حثلين
07/12/2006, 12:20 AM
ايه
سعره 36 احسب سعرها 360:p

ايه ياخوي بعد الاسهم ماهنا الا توفير :D
نمر بن حثلين
07/12/2006, 12:23 AM
ما تنفع ابد0000 مجربها رشت مطر خفيف ربصنا هب نسناس هواء تصفطت 000احذر 00 0احذر 000احذر 000احذر 00 الرخيص مخيس مع احترامى لنمربن حثلين

هلا بك اخوي
الي جربتها نفس النوع ؟
لان هذي تجي قطعه وحده والقماش بلاستك ما يشرب الماء يعني ماهنا مكان يدخل معه الماء ! الا كان مع السحاب بس حتى اصلا لو هرب منه بيهرب كمية قليله

وبالنسبه للتسفط اكيد انها ضعيفه بالهوا لكنها عمدانها تتركب من برا
والي من برا اقوى من الي تجي عمدانها ثابته وتطوى طوي ذيك الي من ابسط نسمه تحب الارض
مدري هي نفسها ؟

عموما النوع ذا للاستخدام العجل الي يبي دعوى خفافيه
ولا راعي الزين يطق له البيرق وطقتها بس الله يعينه على مصعة القلب من ثقلهن وغثا تركيبهن وفكهن
ابو الأيهم
07/12/2006, 03:09 AM
يا رجال صدقني
اللي يشخرون ينامون باي مكان
ماتفرق معه وين
المهم يشخر
ههههههههههه
s3ed
07/12/2006, 10:18 AM
مرة كنا طالعين البر وومرو علينا مجموعة شباب المهم قربناهم معانا عقب العشا خيمو بجمبنا وكانت خيامهم اوربية نفس هذا النوع واحد منهم تبارك الله شخيرة ينسمع من 15 متر ماتقدر تنام هوة في خيمة ونحن في ثانية صوت شخيرة مثل ماطور ماي المزارع القديم
نواف 100
08/12/2006, 08:37 PM
انا مجربها البارح 7/12/2007 بالدهناء وجانا طلوله وربص خويي لانه نام فيها وماتنفع ولابلاش
عجاج
08/12/2006, 08:57 PM
انا مجرب الخيمة في هواء شديد وممتازة جدا

بالنسبة للطلولة اتوقع ان الخيمة يجب ان يكون فيها تهويه لكي لاينحبس النفس

كذلك حجم الخيمة الصغير غير الكبير من ناحية الطلولة

اخير سعرها مغري جدا 36 ريال ارخص
ارتست
11/12/2006, 03:30 AM
ياشباب اليوم رحت واخذت وحدة والحقيقة سعرها مغري خاصة ان مقاساتها كثيرة واحسن مقاس واللي جيد في سعرة على حجمة نوع ب45 ريال حجمة 5 اشخاص 2.40 في 2.40وإرتفاع1.30سم لاكن اشوف الرفوف اليوم مابقي فيها غير وحدة اما المقاسات الثانية متوفرة بكثرة لاكن مثل ماقلت ان حجمها وسعرها يغري
اما اللي يبي اكبر فيه لاكن سعرها فرق كبير3في3 ب139ريال
وفيه اصغر مثل200في180على39
و210في120على29

لاكن لو لقيت2.40في2.40ب45ريال احسن شي رخيصة وواسعة
وعلى قولت الاخوان حلوه للشغل السريع والحمل الخفيف ودايم بالسيارة طول السنة لاتاخذ محل ولاوزن
لاني الحقيقة عندي اكثر من وحدة لاكن للمشاوير والكشتات الاسبوعية
http://www.mekshat.com/pix/upload/images23/mk19340_dsc00009k.jpg


http://www.mekshat.com/pix/upload/images23/mk19340_dsc00019lo.jpg

وفي النهاية وعذراً على الاطالة عطياالله على الرواق والزبنة عند الضوية تكفيك في الصحو

http://www.mekshat.com/pix/upload/images23/mk19340_pp.jpg
فارس طي
11/12/2006, 11:01 AM
الشخير مشكلة يالربع معنا واحد الله يستر عليه يشخر شخيرالله لايوريك إذا نام قبلنا ماأقدر أنام من شخيره والخيمة له لازم ننام معه بالخيمه

بهاالشتاء 0وتسمع شخيره على بعد مسافه بعيدهى وهو أول مايحط راسه على الوسادة ينام وهات ياشخري بس إنه شقردي وشوشلي بالبر00

نبي حل للشخير كيف نتخلص منه في البر0
smod227
12/12/2006, 06:11 PM
ويش الشور الي يشريها ويرهمها ماتستاهل مع هذا الوزن والصغر
انا بشريها واشري معا قماش تنزاني لايأم المطر = وايام الصيف ماتحتاج تحط القماش خلة بالبيت = وازود الاوتاد لها باي طريقة للجو العج
حبيب/الضيغمي
12/12/2006, 06:35 PM
مساكم الله بالخير

انا مجربها ولها سنتين عندي بس عن المطر لم يحالفني الحظ وامطرت وانا ناصبها
الاليلة وحده الاسبوع الماضي رش خيف وماندت
بس فيها خصوصية عن الفضوليين من ربعك انصبها بعيد عنهم ونم وانت مرتاح

ورحلة سعيدة مع ربيع قادم باذن الله
عنـاد
19/12/2006, 06:18 AM
.


هالخيمة ما يعرف قيمتها الا الي جربها جربتها في احدى الكشتات تقريبا اكثر من اسبوع وكانت رائعة
بلا طرابيل بلا غرابيل مافيه مثل هالخيام للي طرقي ويبي شي يرد عنه الهوا وحليب النجوم والطل في الصبح

ممتازة مرة وسعرها رخيص ولها اكثر من استخدام

تقدر تفرشها وتقعد عليها وتقدر تسوي بها امور واجد ما عندي وقت لذكرها بس اهم شي
انتبه لها عن الضو

تحياتي عنــــاد
دار منيخ
19/12/2006, 06:41 AM
بس معظم عازفي الشخير المنفرد يفضلون النوم مع المجموعه
ههههههههههههههههههههههههههه
والله انك صادق :D :D :D :D
غواص الاحلام
19/12/2006, 02:08 PM
أما أني أبخسر وأشتري خيمة علشان أحد يشخر

ياحبيبي أذا بدأ العزف المنفرد أسحبه من فراشه برا وصك عليه
دار منيخ
01/01/2007, 06:58 AM
أما أني أبخسر وأشتري خيمة علشان أحد يشخر

ياحبيبي أذا بدأ العزف المنفرد أسحبه من فراشه برا وصك عليه
المشكلة انهم من اصحاب الوزن الثقيل يعني انسى انك تقدر تسحبهم كود بالجيب والدبل بعد :D :D :D :D
riyadh m
02/01/2007, 04:58 PM
مساء الخير
يأخوان صراحة هناك تلاعب بأسعار الخيام الصغيره
مثل الخيمه السابقه عندي محلات القاضي للخيام ( النصابين ) غاليه جدا
والان جيان بطريق خريص موجودة عند بأرخص الاسعار
وهناك أشياء تعجبكم