عطوني حل في مشكلة القير

[ليتك معي]

السلام عليكم ورحمة الله وبركاته



اخواني أعضاء مكشات

لدي مشكله في جيب اكسبلور 2008 في القير وهي من وضع (R)يعطي دقه قويه واحيانا في وضع (R)كأنه في (N)واحيانا يسلك من احسن شي والتغييرات من الثاني لثالث نتعه ويبطي عزمه ويكتم ثم يفز وديته ورشه قال حساس القير وغيرته ب(1400) مع شغل اليد والزيت ونفس المشكله سويت فحص طلع

( po 715 input/turbine speed sensor cicuit error)

(po 717 input/turbine speed sensor cicuit no signal)

(p1000obo systems readiness test not complete)

أيضا (po 798)

يقول الفني القير مافيه شي غير ضفيرة كهرباء القير كامله تكفون وش الراي والحل انا من تبوك هذا تقرير ورشة ترايستار وارسلني الفني على ورشة الاسطوره باقي مارحت لهم

[ليتك معي]

الله المستعان ٨٨ مأحد رد

[الجنوبي2020]

السلام عليكم

الله يكون بعونك

والله مالي خبرة لكن ان شاء الله يفيدونك الاخوان

او اذا عندك حساب بتويتر فيه واحد اسمه أحمد الشهري بتويتر ماشاء الله عليه عارف اغلب اعطال السيارات ويستشيرونه ولايقصر ان شاء الله يفيدك

حسابه

@Mechanic1553 (https://twitter.com/Mechanic1553)

[.. PATROL ..]

والله ماودي اضيق صدرك عندنا نفس موترك وبهذلنا بهالقير وخليناه على وضعه الين خبط ووضبناه .. حالياً كويس لكن احساسي يقول ان القير بيخبط ثانيه


تم الإرسال بواسطة iPhone بإستخدام Tapatalk

[1824]

اخوي قيرك مافي شيء كمبيوتر موترك قالك وش المشكلة حساس السرعة الي في القير فيه مشكلة كهربائية يعني اما هو فيه التماس او سلك مقطوع او ان الحساس مفصول او في النهاية الحساس خربان ويبيله تغير بس عشان كذا قيرك يعشك كانه ملحوس لانه ما يدري كم سرعة السيارة الحين بالتوفيق لك

[ليتك معي]

الله يبارك فيكم جميعا