استفسار ضروري للي يصيد الوبر بالشوزن

[متولع البر]

استفسار ضروري الله يرحم والدينا ووالديكم
انا تعودت على صيد الوبر بالشوزن وماقدر على الخرازه
لكن المشكله احيانا تحصل الوبر بعيد او حجمه كبير وماياثر فيه الفشق
علما ان الفشق المتوفر عندي فقط ضغط 36 ارقام 1&6
سؤالي لكم هل الضغوط تنفع مع الوبر البعيد او الكبير ركزوا على هذي يابيضان الوجيه
علما ان الشوزن بيكال واستخدم وصله 660
علموني لاهنتم بالفشق الزين اللي جربتوه وهل يؤثر على الشوزن بالتشوك 660
الله يرفع قدركم

[قطاع الارماس]

ولدينا ولديك وكل مسلم



حياك ياخوي





مشكله الشوزن لصيد الوبر كثرت مايروح صويب



والعبرود اقل من الشوزن



بنسبه لفشق المناسب للوبر ان شاءالله اخوان يفيدونك



ياجعل دائما فالك الصيد السمين





تحياتي

[قناص الأشهب]

اول بداياتي في صيد الوبر بالشوزن الى عام 14017 وبعدها بالناريه وتصك في راسي بعض الاحيان آخذ الشوزن للمهمات الخاصه
مثﻻ وبر عنده حاله نفسيه من يحس فيك وهو منحاش وﻻ يدوبك يوايق براسه كذا ثم يرجع هذا يبيله شوزن من قريب ما يمديه يطلع آذانه من
المابره الا وهي جايته حشر .
على العموم الضغوط ابعد عنها كل سﻻح وله مميزاته وعيوبه في الصيد .
الشوزن تجملك للقريب وتخيب ضنك في البعيد .
وان بغيت النصيحه ابعد عن رمي المسافات لانك بتجرحه ويهرب ومصيره يموت من آثار الجروح الي فيه
وعلى كذا ﻻ انت اللي استفد منه ويمكن ما تسلم من ذنبه .
والوبر قنصته ومن كان معي بانواع كثير من الاعيره
الشوزن ا
الناريه
الدبل
الهورنت دبل الدبل
ام 16
بﻻجيك ورشاشات
وجي ثري
وخﻻصة التجارب كلها ان بغيت صيدتك بأفضل حال وماهي متقطعه
عليك بالخرازة سواء العاديه او الدبل وسﻻمتك

[ابو بدر4]

السلام عليكم

في نوع من انواع فشق الشوزن بعيد المدى يوصل 200 متر

جربوه البعض ومدحوه جدا مكتوب عليه S-SHOK
اظنه 3/36
علبته شد 10

انشد عنه بالجردة او راعين الفشق يسمونه ابو 200 متر

موفق خير

[متولع البر]

بارك الله فيكم ورحم الله والديكم
الفشق ابو ميتين متر احد جربه للوبر او الارنب
وايش رايكم في ضغط اربعين هل ينفع للمسافات

[قناص الأشهب]

فشق ابو ميتين متر جربته وليس دقيق في الأصابه على المسافات البعيده يعني اذا وصلت حد 100 متر تهفي بشكل كبير لكبر حجم الطلقه وانا قلت طلقة لانها تنطلق زي العبرود الحلبي ما ينثر الا بعد 150 متر ورميت فيه على مسافة 120 متر وهفى علي مترين وشوي . رميت فيه على استوقر 2000
افضل مسافة شفتها على الشوازن على نوعين ماكسس على تشك يغيرونه يجي اقل من حق بلاده وفعلها طيب .
وعلى ونشستر sx3 وعلى تشك ضيق رميها كان اطيب من الماكسس للمسافات البعيده .
وللمعلوميه لو رميت بفشق ابو ميتين متر على وبر واصابته قبل ما ينتشر راح تحصله اشلاء
شفت فعله على وعل رموة الشباب وجت على الأضلاع ما ودي اوصفلك المنظر ولكن طلعت مصرانه .

[متولع البر]

بيض الله وجهك ياقناص الاشهب على هالمعلومات الوافيه

[فارس حضن]

الوبر دواه الناريه متفجر ????


أرسلت بواسطة iPhone بإستخدام Tapatalk