اعادة لطلبي وماقصروا اللي ردوا بس نبي حل

[ليتك معي]

عطوني حل في مشكلة القير
السلام عليكم ورحمة الله وبركاته
اخواني أعضاء مكشات
لدي مشكله في جيب اكسبلور 2008 في القير وهي من وضع (R)يعطي دقه قويه واحيانا في وضع (R)كأنه في (N)واحيانا يسلك من احسن شي والتغييرات من الثاني لثالث نتعه ويبطي عزمه ويكتم ثم يفز وديته ورشه قال حساس القير وغيرته ب(1400) مع شغل اليد والزيت ونفس المشكله سويت فحص طلع
( po 715 input/turbine speed sensor cicuit error)
(po 717 input/turbine speed sensor cicuit no signal)
(p1000obo systems readiness test not complete)
أيضا (po 798)
يقول الفني القير مافيه شي غير ضفيرة كهرباء القير كامله تكفون وش الراي والحل انا من تبوك هذا تقرير ورشة ترايستار وارسلني الفني على ورشة الاسطوره باقي مارحت لهم

[1824]

حساس السرعة الي في القير فيه مشكلة شيك على اسلاكة واذا مافيها شيء غيره

[ابوراكان تبوك]

حساس السرعه اذا جاه زيت يلخبط القير لانه مقابله صوفه
حساس الاوفر درايف يجيب العيد في القير

ترايستار تبوك والاسطوره ( عينين في راس:mad: ) اغسل يدك منهم

روح لابو دقيقه في حي الصالحيه وانت نازل من عند الجميح يقابلك تقاطع فندق العادل هو ع الشارع اللي ع اليسار لكن الطريق مسدود لازم تلف من خلف شركة الكهرباء او تجيه من الشارع اللي فيه محل قطع ابن بشير
هذا تعاملت معه 7 سنوات ما اذكر اني رديت عليه سياره
ان بغيت رقمه راسلني خاص

[ليتك معي]

الله يسعدكم جميعا وماقصرتم والله يجزاكم خير

[علوش1]

نفس المشكلة كانت عندي قبل حوالي سنه في اكسبلور ٢٠٠٦
غيرت قير ومانفع
غيرت حساس ومانفع
غيرت زيت ومانفع

ووصلت الخسائر الى حدود ٧٠٠٠ ريال

والموتر شاريه ب ٣٥ الف

وآخر شي طفشت وبيعته ب ٣٠ الف وكله الخسائر خلال شهرين بس لكن الله يعوض

والى اليوم ادعي ع راعيه الي باعني

أخذت هلي غمارتين وليتني شاريه من زمان

وعذرا ع الاطاله

[ليتك معي]

الله يوفقك خير

[IBRAHIM55]

واحد اعرفه معه نفس سيارتك خرب القير عليه بسبب التماس الظفيره
واحترق كمبيوتر القير وجلس حوالي شهرين كلما جاب كمبيوتر
مايتبرمج حصل الكمبيوتر بعد التعب وغير الظفيره ووضب القير
كلفه فوق ال10 الآف فيه مهندس سمعته يقول ان فيه قطعه تركب
على رمان القير اذا خربت تسوي الطقه او النتعه ولازم نفك القير
واذا فكيناه نظطر نوضب ونغير القطع التالفه او اللي على وشك تخرب
لأن الزبون خسران قيمة شغل يد ولايصلح نغير القطعه المكسوره
لحالها