أبي دربيل للإبل يالنشامى

[راعي الوضح 99]

السلام عليكم
ممكن أحد يفيدني أبي دربيل يصلح للابل خاصة لا ضاع شيء من الذود لا قدر الله.
وأهم شيء يقرب المسافات البعيدة ولا يهم زيادة السعر.
وكم المسافة اللي يقربها.
وجزاكم الله خير الجزاء.

[أبوحور]

http://images.hayneedle.com/mgen/master:ZEIS079.jpg?is=630,630,0xffffff

اذا ما يهمك السعر هذا يعتبر من افضل الدرابيل اللي ممكن تحصل عليها

يسمونه دربيل الشيوخ

زايس فيكتوري

قيمته بحدود 10 الاف ريال

[راح الأمل]

ابو حور ارجو تذكر لرجال القياس لان في قياس 56*10 وفي 56*8 وترا كلهن ماوصلن العشر الاف حدهن 8000 بالكثير واشكرا" وتقبل مروري ويا صاحب الموظوع كان تبي شي زوين ويمشي الحال خصوصا" انت راعي ابل عليك بالستنر 50*7 يوفي معاك وزود وبخصوص الدربيل اللي ذكر اخونا ابو حور هذا منوة القانوص وراعي الطير واشكرا" وتقبل مروري

[هآوي الصيد]

خذ لك من الي أسعارها من 850 إلى 1400 خصوصا ستنر تراه طيب أما السايز أسعاره مبالغ فيها والشوف مأمن فرق

[راعي الوضح 99]

ما قصرتوا بارك الله فيكم
لكن كم المسافة اللي يقربها

[راعي الوضح 99]

ابو حور ارجو تذكر لرجال القياس لان في قياس 56*10 وفي 56*8 وترا كلهن ماوصلن العشر الاف حدهن 8000 بالكثير واشكرا" وتقبل مروري ويا صاحب الموظوع كان تبي شي زوين ويمشي الحال خصوصا" انت راعي ابل عليك بالستنر 50*7 يوفي معاك وزود وبخصوص الدربيل اللي ذكر اخونا ابو حور هذا منوة القانوص وراعي الطير واشكرا" وتقبل مروري


طيب اخوي راح الامل وش المقياس الافضل وماهي مميزاته
وبالنسبة للستنر كم مسافته

[ابوسند باترول]

ماأزيد على كلام الأخوان الزايس والسواروفسكي النمساوي مبالغ بأسعارها كثير بــ10 آلاف ريال تلقاها في محلات الهدف

فيه بديل الياباني أبو تاج نوعيه ممتازه وسعره مناسب لايتجاوز 300 ريال مقاسه 50x8

وخذ هذه الطريقه لتعرف النوع الجيد ( دربل على أنوار الشوارع في الليل فإذا كانت إشعاعات الأنوار مزعجه وطويله فهذا

لاخير فيه ومزعج للعين وإن كانت الإشعاعات قصيره وترى ماخلفها فهذا مناسب وبارد على العين وبالتوفيق

[قناص الأشهب]

راعي الوضح اذا تسئل عن المسافة فالدرابيل لا تعتمد على المسافات بالأمتار
ولكن فمثلا 8*50 الرقم هذا مقسوم لقسمين الرقم الكبير اللي هو 50 يعني اتساع العدسة الأماميه وكل ما كان الرقم اكبر كل ما كان الرؤيا افضل .
اما الرقم الصغير وهو 8 فيعني ان الدربيل يقرب ثمان مرات اكثر من العين المجرده .
فالدرابيل لا تحسب بالامتر ابدا .
واشوفك تساوم على دربيل في احد المواضيع وهو 10 * 50 زايس فاكتوري وهو نخبة النخبة في الدرابيل .
والله لا اعرف الرجل ولا حتى معرفة . وان بغيت الشور الطيب لا تعني نفسك ولا تتخسر واجد دام الغرض منه متابعة البل .
عندك ثلاثة انواع وابحث عنها .
ليبولد 10*50
سينتر 10 *50
جوليري 10 *50
وبختصر لك الموضوع في عضو هنا اسمه هداج تيما راسله على الخاص رجال فاهم في الدرابيل وعنده درابيل يبيع .
وعساك للتوفيق

[راح الأمل]

طيب اخوي راح الامل وش المقياس الافضل وماهي مميزاته
وبالنسبة للستنر كم مسافته
والله بالنسبه لي وعن واقع تجربه افضل القياس 56*8 لانه اركد من 56*10ومثل ماهو معروف كل ماكبر مدى التقريب زاد اهتزاز الصوره وانت تدربل ولكن هناك درابيل امتازت بهالشي واضافة الى درابيلها خاصية مانع الاهتزاز مثال دربيل كانون فيه هذي الخاصيه وتقبل مروري والسلام عليكم .

[تميم2222]

تبي الانواع الطيبه عليك بالسايز والسوارفسكي ولايكا

[الآد عاصم]

دور على شيء تكبيره من 8 وفوق

اللي اظنه بيصلح لك مقاس 8x30 آو 10x42

والماركه على حسب دراهمك


ويفيدونك اهل العرف اكثر