اين تباع مثل هذه المضلة او الخيمة

[هاوي البر]

خيمة او مضلة شكلها اعجبني كثير وهي في توقيع الاخ الفاضل almaghoool
سئلته وقال ما يعرف اين تباع و ان الصورة ليس هو من قام بتصويرها
فمن يعرف اين تباع يدلنا الله يجزاه خير

http://almaghoool.jeeran.com/almaghoooooooooool.jpg

[محب الفياض]

أخوي هاوي البر (السلام عليكم ورحمة الله وبركاته) أما بعد :- على ما أعتقد إن هذه الخيمة أو المظلة شفتها عند القاضي لبيع الخيام لكني ما أضمن وجودها لأني قلتلك (على ما أعتقد وإعتقادي يكون بنسبة 30% أو 40% ) وإذا حبيت تتأكد المحل موجود في طريق سعد بن عبدالرحمن (المائة سابقاً) وأنت متجه شرق يجيك على اليمين قبل شارع الجزيرة 0000 وإذا ماحصلت عندهم مالك إلا التفصيل وإحتمال هم يفصلون لك الخيمة المطلوبة 0
_____________________
http://www.mekshat.com/pix/upload/sign/images/mk39597.gif

[هاوي البر]

الله يجزاك خير اخوي زمان اول
سبق و ان مريت القاضي الي قدام مقبرة النسيم ما وجدتها عندهم المضلة هذي عمدانها المنيوم حسب ذكر احد الشباب لي ويقول فكها وتركيبها سهل جدا لكن ما يدري اين تباع

[س د ص 500]

السلام عليكم

انا شفت مثل هاذي الخيمة لكن اكبر شوي عند (الصقر والصقار) شارع سلمان الفارسي حي الخليج(الرياض)
مع التحية

[هاوي البر]

الاخ س دص 500
الله يجزاك خير
انا من الرياض بس من شكمان الرياض ( السويدي الغربي):)
مالي عرف كثير بحي الخليج
لو توصف المكان مثل تقول امسك الدائري الشرقي الين جاك جامع الراجحي مخرج 15 الخ ........
اسهل لي
شاكرا لك هذا

[almobd3]

امسك الدائري الين يجيك مخرج 15 وبعدين اطلع مع المخرج يمين وخل جامع الراجحي يمينك
واستمر تقريباً بعد ثالث او رابع اشارة راح تجيك مقبرة النسيم على اليسار
وراح تلقى المحل على اليمين

[هاوي البر]

الاخ الفاضل almobd3
جزاك الله خير
هل الوصف الي عطيتني لمحل الصقر و الصقار ولا وصف محل القاضي لاني اعرف مكان القاضي للخيام وشكل وصفك لمحل القاضي
شكرا لك
اخوك ابو عبد الله

[حنيني]

هذي موجوده في ساكو(شفتها بالكاتلوج البارح -ابنزل صورته ان شاء المولى عز وجل) وموجودة في محل رحلات بطريق الملك عبدالعزيز من الدائري الشمالي اتجه جنوبا ثم ديور من عند الاشارة الاولى تلقى المحل على يدك اليمين.

[الغريري]

زمان اول: "... وإذا حبيت تتأكد المحل موجود في طريق سعد بن عبدالرحمن (المائة سابقاً) وأنت متجه شرق يجيك على اليمين قبل شارع الجزيرة

..."

والله لي بالرياض اكثر من 38 سنة ...ولا أدري وين هالوصف اللي ذكرت ...

آمل من الإخوة عند توصيف أي محل خاصة بالرياض .. ان يعتمدوا من الدّائري مثلا أو طريق القصيم أو طريق الدمام أو طريق مكة أو طريق خريص (مخرج 13) .. وهكذا ..

:)

[بركان]

اخي هاوي بر

نصيحة لله وفر قريشاتك
تراها ما تسوى المشوار لان اخوك جربها ما تنفع في البر ولا ببيزه اذا هب هوا الله يعينك تترك اشغالك وعيالك وتقعد تصاليها. واخرتها تثنى مفصلاتها وترميها.
فهي لا تقي من الرياح ولا من الامطار , كما انها لا تضلل الا اذا كانت الشمس عموديه واذا زالت الشمس فعليك بمتابعة ضلها.
اني لك من الناصحين.

وانت ابخص.

[صليب الرأس]

هو صادق بركان خيمة بدون اروقة ماتنفع

ودممممممممممممممممتم

[المربد]

هذي مظلة فقط وعاملين لها رواق متحرك من جهتين مثل ستارة الحمام (اكرمكم الله) نعم موجودة في ساكو (الهارويير).

ومثل ما تفضل اخي بركان
ما تسوى..!!!
وانا جربت واحدة وقعدنا طول الوقت نربط اركانها بالاوتاد لعلها ما تطير وبالاخير طارت كلها ولا عاد استعملناها.

[هاوي البر]

الاخ حنيني ياليت تنزل لنا الصورة الي في كتلوج ساكو شاكرا لك
الله يجزاكم خير جميع
وفيتم وكفيتم

[المعاكس]

السلام عليكم ورحمة الله وبركاته اخوي هاوي البر رح للي قلتلك حراج ابو قاسم وتلقاها برواق وعلى علمي 400 بالرواق و200 بدون الخيمه ممتازه ما يعرفها الا اللي جربها اذا شريتها رح بها للغرابي يخيطون في اركانها سبت بحلقات حديد للاطناب ( تمنياتي لك بالسعادة الدايمه في الدنيا والاخره)

[سالم بن سالم]

انا شريت العام الماضي واحدة والحقيقة انها غير عملية ولا تصمد اما الرياح القوية وقوائمها ضعيفة جداً واذا رغبت شرائها فعليك ان تطلب منهم زيادة سماكة عمدان الاركان التيوبات التي تقوم عليها الخيمة وليس السقف من 2سم إلى 3أو 4سم حتى تستطيع المقاومة كما أن الرواقات تحتاج إلى ازارير بدلاً من الاصق .
اما تركيبها فهو سهل جداً وتحتاج في البداية إلى شخصين ويمكن لشخص واحد تكملة تركيب الرواقات .

[راعي المقانيص]

أتوقع أخوي الغالي التفصيل حسب مزاجك ومقاساتك يكون أفضل

أرخص سعر

وأقوى من ناحية مقاومة الرياح والأمطار

[هاوي البر]

الله يجزاك خير اخوي المعاكس وكثر الله من امثالك
و الشكر لجميع الاخوه في هذا المنتدى المبارك

[الجرنـاس]

اخي هاوي بر

نصيحة لله وفر قريشاتك
تراها ما تسوى المشوار لان اخوك جربها ما تنفع في البر ولا ببيزه اذا هب هوا الله يعينك تترك اشغالك وعيالك وتقعد تصاليها. واخرتها تثنى مفصلاتها وترميها.
فهي لا تقي من الرياح ولا من الامطار , كما انها لا تضلل الا اذا كانت الشمس عموديه واذا زالت الشمس فعليك بمتابعة ضلها.
اني لك من الناصحين.

وانت ابخص.


بركان صادق عز الله
انا جرنتها وجاني ماذكر اخي بركان