المساعد الشخصي الرقمي

مشاهدة النسخة كاملة : استفسار بخصوص التلسكوب


فتى آلصفرآت
12/09/2014, 12:56 AM
السلام عليكم اخواني هذا اول موضوع لي في الخميمه ودي اشتري لي تلسكوب خاطري فيها من زمان و ابي واحد متوسط و سعره معقول يا ليت تفيدوني اذا ما عليكم امر
ركن العز
12/09/2014, 01:47 AM
يامرحبا اخوي فتى الصفرآت واهلا بك فلكي جديد
التلسكوبات انواع واقل انواع الاحترافيه يتراوح سعره
من الفين الى خمس الاف ريال
الجنوبي2020
12/09/2014, 05:27 AM
عليكم السلام ورحمة الله وبركاته
اذا عندك استطاعة مالية خذ لك تلسكوب من شركة ميد في الشرقية ولاتاخذ يدوي لانه متعب في الرصد
وخذ من 6انش وفوق حتى ترصد الكواكب بوضوح
اما في الرياض فيه محل كمال العلوم على طريق الملك عبدالله
عندهم تلسكوبات ارخص من ميد ولكن اقل جودة من ميد
من شركة اورايون وعدسة الرصد تجي جنب التلسكوب
بعكس شركة ميد تجي في الخلف
خلف التلسكوب اسهل في الرصد من خلال تجربة
وان شاء الله الأخوان مايقصرون
فتى آلصفرآت
12/09/2014, 05:23 PM
مشكور اخوي ركن العز و اخوي الجنوبي بس عندي سوال وش المقصد با ٦ انش كبر العدسة
A_al Tamimi
12/09/2014, 08:45 PM
تعني 6 انش قطر الأنبوب البصري وكلما كبر الأنش كان افضل لدخول أضائة اكثر لكن السعر والحجم والوزن بيصر اكثر
الأفضل لك اخوي اللأكتروني لكن غالي شوي
عندك من شركة ميد فئة LX200 جداَ رائعة لكن سعرها تقريبا فوق 10000 ريال
لأنها من فئة المتقدم وليست من فئة المبتدئين
وفئة المحترفين ومصوري أعماق الفضاء بتكلف فوق 25000 الف ريال
اما المبتدئين مثلي بتكلفك من 2500 إلى 7000 ريال تقريبا
عندك دوب سونيان يجي منه يدوي والاكتروني لكن متعب جداً ولا انصح به مطلقاً
فية تلسكوب عند كمال العلوم نوع سكاي وتشر 3 انش مع الحامل بسعر 1200 ريال نوع يدوي لكن سهل التنقل وخفيف جداً
ممتاز للمجموعة الشمسية والقمر
بالتوقيق لك اخوي
فتى آلصفرآت
13/09/2014, 04:14 AM
مشكور اخوي التميمي ابسالك عن الي عند كمال العلوم تنصحني فيه لان المبلغ الي معي ٢٠٠٠ اخذه وانا مغمض:D
A_al Tamimi
13/09/2014, 02:53 PM
والله ونخوك انصحك بالأكتروني ان كان بتقدر عليه
لأني مخفيك علماً ندمت اني اخذت الدوب سونيان 8 انش بسعر 2600 ريال تحكم يدوي وثقيل جداً طالع نازل به مع الدرج للشارع متعب جداً وكذالك عملية الرصد
إلا ن كان وضعك يختلف عني وعندك مساحة في الدور الأول او استراحة وبتتركة فيها وبتفتك من التنقل به ومارايح تفكر مستقبلاً انك رايح تغيره
انا عن نفسى تمنيت اني شريت 3 انش لأن بداخل مدينة الرياض راح يخدمني في المجموعة الشمسية ولعملك تم تجربة 3 انش عند كمال العلوم وشاهدة كوكب زحل بشكل واضح جداً
سبب اختياري لل تلسكوب 8 انش كنت متوقع اني ابصور فيه المجرات والسدم لكن بعد ماشريتة وقريت عن امكانية تصوير المجرات وإعماق الفضاء علمت ان هذا التلسكوب ماينفع بريال لتصويرها فقط لتصوير المجموعة الشمسية
الخلاصة
ان كنت تبي تطور نفسك وتغوص في اعماق الفضاء وتشاهد جمال الخالق سبحانه وتستمتع بتصوير السدم والمجرات فعليك باالأكتروني وتلسكوب نوع متقدم راح يكلفك فوق6000 ريال من غير الكماليات
اما ان كنت تبي تتعلم ومن ثم تشتري تلسكوب آخر فتلسكوب 3 انش بسعر 1200 ريال خيار جيد
وكذلك عندهم 6 انش بسعر 1600 ريال دوب سونيان اخف وزن من 8 انش
ولك الحرية اخي الكريم
فتى آلصفرآت
13/09/2014, 06:41 PM
مشكور اخوي التميمي هي حبه حبه ما ابي اطب في الغويط على طول وشكلي ابتوكل على الله و اباخذ ٦انش و الله يكتب الي فيه الخير
الجنوبي2020
13/09/2014, 10:10 PM
بيض الله وجهك ياالتميمي ماقصرت كفيت ووفيت ويستاهل أخوي فتى الصفرات

اليدوي ابتعد عنه نهائياً نصيحة محب لك

لأن مع قرب المنظر للجرم المرصود يكون سريع التحرك في العدسة

يعني ترصد القمر شوي ويختفي من العدسة كذلك الكواكب

وتضطر كل شوي تحرك التلسكوب بيدك ويمكن يضيع عليك وتتعب في الرصد

الالكتروني ممتاز في التتبع
Tire_Master
16/11/2014, 08:36 PM
السلام عليكم اخواني هذا اول موضوع لي في الخميمه ودي اشتري لي تلسكوب خاطري فيها من زمان و ابي واحد متوسط و سعره معقول يا ليت تفيدوني اذا ما عليكم امر



شاهد اعلاني

Celestron POWERSEEKER 127EQ TELESCOPE
http://www.mekshat.com/vb/showthread.php?t=660540