سحاب نجد راعي شقراء
12/09/2014, 10:20 AM
السلام عليكم ورحمه الله وبركاته
يالله انك تحيي اخيتي قوافي ماقويت اخليك ولوي تعبان
يالله تحييهم كلهم كبيرهم وصغيرهم ذكرهم ونثاهم ولياحيا كثر
خل اعلمكم ترا الناس منول كل امورهم تشبه بعض يعني اذكر الا اصبحنا ناخذ علاقيه الخبز وهي تجي مصنوعه من الجلد الصناعي وتجي ملونه بعد مثلن جهه تجي خظرا فاتحه وجهه تجي خضراغامقه وجهه تجي حمرا وجهه تجي صفرا تراي اقول مثلن مهوب كلهن لون واحد بس انها مخصصه نحط فيها الخبز ملهمنا ربنا للصح مهوب مثل هلحين مغير يحطون الخبز في كيس باغه وهوحار وهذا تراه مضر الله يحمانا وياكم من كل شر يقولون انه يسبب الخبيث الله يحمانا وياكم
المهم نروح للخباز يا الي عند حوش مغسله الموتا ولا الي جنب بيت الخراجا في مدخال حليوه من جنوب ولا من الباطن الجنوبي الي قبال المستشفى القديم من شرق تصدقون انه فيه ذا المخبز الين هلحين روحو وشوفوه تدرون وين اقدم خباز في شقراء الا جينا وخلينا مسجد شيحان على اليمين كنا نبي نروح للصبخه تجي سكه على اليمين الي تروح للمجباب نبتل معها وقبل المجباب بشوي يجينا الخبازعلى اليسارقبال بيت حمود العماني هو وحمارته كناس البلديه لان منول كناسين البلديه عمانيين المهم والله يعينا على المهم الا جانا باب الخباز على اليسارودخلتا يجي الفرن على اليساروكانو الي يخبزون فيه يمنيين من اليمن السعيد وكانو يشبون فيه بالحطب مهوب مثل هلحين غاز
ليت الي يذكر منكم ذا الكلام الي اقوله يعلمني لياني اهذري عليكم ونتم تصدقون
وكان الخبز منول وش طعمه وذكر بعد انهم الخبابيز حاطين رف من خشب وحاطين عليه قواطي جبن كرفت وحاطين عليه بعد قواطي زيتون وبعض المرات يحطون قواطي تونه ساردين الي تجي بيضاويه يالله حلها وشلون بيضاويه يعني مثل السفينه شكلها وذولي للي يبي يشري تدرون كان جبن الكرفت الكبير بريال الي هلحين الاوسط صار ب 8ريال والصغير ب 4 ريال والكبير مدري كم هوبه اكيد انه بشلقه دراهم وحاطين بعد قدر فيه فول اذكر نجيب معنا قدرصغير يعني يكفي الا مليناه 6 او 7 اشخاص بقرشين ولا بربعه قروش بس واوك لو ناخذ بنص ريال وش نبي نسوي به وااااجد والخبز ال 12 خبزه بريال او انه 16 بريال تراي ناسي
بس وشذاك الطعم في الفول وشذاك الطعم في الخبز شي ماله وصف ابد من زينه وحنطه
ولا اخذنا الخبز ومعه فول ولا مامعه شي الا رحنا للبيت اول ماتسمع الرادو-- الارض الطيبه -- ذوليك الي يقولون احرث وزرع ارض بلادك بكرا تجني الخير لولادك --ثمن نلقا امهاتنا ياملا الفردوس لهن كلهن ان شاء الله تعالى نلقاهن حالبات البقره ولا حالبات العنزولا الشات المهم حليب نلقاهن محميات الحليب على الضو ونلقاهن بعد مصلحات مرقه طماط وفيه احد يسميها مرقه بصل كله واحد لان فيها طميطات وبصيلات ثمن تعال شف زين الفطور يطق في الراس من طعمه وفيه احد مايسوون شي الا الحليب بس ثمن يجلسون يقطعون من الخبز ويغطون في بياله الحليب والحمد لله رب العالمين الذي اطعمنا وسقانا من غير حول لنا ولا قوه هذا الفطور منول للناس كلها ثمن الا ذاك يعني الا افطرنا اسمع ابيي جعله للفردوس وميمتي وخيي وجدي اسمع ابوي يقولي سحسح ثمن اقول سم يقولي يالله عجل اطلع للنخل علشان الغنم اضهرهن من حوشهن تراهن جويعات خلهن يرعن ثمن اطمرونا ما اشوف الدرب وروح للنخل على رجلي يمكن انه يبعد خمسه كيلو يزيد ينقص مدري بس انه حولها بس سبحان الله العظيم مانعده بعيد لا نعده قريب حذفه عصا بس من قربه منول كلش مبارك ربي فيه ان جيتا للمسافات ولا ربي سبحانه مقربها ولا جيتا لبيوتنا ولا ربي سبحانه مكبرها في عيونا كلش فيه البركه من ربن غفور سبحانه
ولا طلعت للنخل طال عمركم اروح اجمع ليمون ابو زهيره من تحت الشجر علشان ماياكلنه الغنم تصدقون اني منول اخذ اليمونه ومسحها بقشرها وحطها في اثمي وهقشها
ثمن اروح اشغل المكينه البلاكستون الهنديه يازينها ويازين صوتها له رنه في مسامعنا وحنه والله يكون في عوني كان الوقت وقت شتا وبررررد ومربعانيه اقعد اهندل في المكينه يجي ساعه ماتطيع تشتغل علشانها بارده وقبل اشغلها لازم اعبي البرميل حقها ديزل اشفط من البرميل الكبير نسميه ابو ثنعش المهم اشفط بلي وعبي تنكه وبعض المرات اشرق بالديزل وشرب منه شوي هههههههههه وش اسوي غصب ثمن تحمر عيوني بسم الله علينا المهم املا التنكه وروح اصبها في خزان المكينه ثمن ازييت المكينه كل هذا قبل التشغيل ثمن ابدا اهندل المكينه بعدماادهن عمود الهندل بشوي زيت علشان يزلق معي الهندل بسرعه وجلس اهندل المكينه الين حول ماينقطع نفسي الين تشتغل والهندل ترا فيه خطر الا ماسحبته بسرعه الا بدت تشتغل المكينه يمكن ينطلق من يدك ويهبدك ولا مافي عينك القطره يعني يمكن يموتك كلش رعب تبي ولا طر للي خلقك هذا بعد ان ما انفصخ السير وتجلس تلبس الحذاف السير وهذا فيه خطر انه يصفقك السير ويجدعك في وسط القليب بس ربي يسامت علينا
ولا صرنا مثل مااقولكم ايام شتا وبرد يازين المبرد حق المكينه يصيرحار ويدفي بعد اخليه يصب علي
المهم كل هذا والغنم مابعد طلعتهن هههههههههههههه يبي يموتن من الجوع ونا طالع من صبح رب العالمين علشانهن اطلعهن ههههههههههه
ولا امتلت الجابيه بالماء رحت وطلعت الغنم
شوفو يالغالين خل اعلمكم بشي ونتم تعرفون بس زود
المكان الي يصب فيه صباب المكينه نسميه اللزا ثمن يمشي شوي في ساقي ويصب في الجابيه هي الي نجمع الما فيها منول ونفتحه الا بغينا نروس يعني نسقي اي جهه من جهات النخل
المهم اجلس في النخل من شقه النور الين يغاب النور ونا الفلاح القدير اروس يعني اسقي النخل وحصد الزت ههههههه وش اسوي ماينكتب يعني البرسيم
وكان فيه شات تبي تالد اولدها عادي طبيب نساء وولاده مهوب الشافعي احسن مني الي موت نص اهل شقراء وهو سباك
وكان فيه عنز تبي من يقلم اضافرها هههههههههههه يعني ضلوفها طوال اقصهن بمحش لان الا طالن ضلوف العنز او الشات والضلوف يالتوالي هي مثل الضفور عند البشركلش يبي من يترجمه لكم يالتوالي :D
المهم الا طالن الضلوف معاد يقون الغنم يمشن زين الين نقصهن يعني مثل الي يقولون في المشاغل هلحين منكير وبنكير ههههههههههه
ولا جا مسيان يعني عقب العصر وذن المغرب اقوم وطفي المكينه ودخل الغنم وروح مشي داخل للبلاد وكل الحيايل والحيطان الي امشي معهن مشهورات بالجن بسم الله علينا بس منول مانعرف الخوف ولو حنا بزور منول نمشي في سكيك ظلما ماتشوف يدك وعادي وهلحين لو يطفا الكهرب في الليل تسمع بعض الناس فيه الصيحه والبكاء من الخوف وهم كبار ههههههههههههههه
ثمن اروح للبيت ثمن تقولي امي كان انحن في ايام الصيف والحر سحااااب ياسحااااب ونا صايربتاع كله من يد نشيط الا يد نشيط ماخلق الا سحاب ثمن اقول لمي لبيه ياروح وعمر سحاب ثمن تقولي تكفا ياوليدي ارق للطايه وفرش مراقدنا ثمن اطمر كني حصان يصهل:p بعد ورقا مع الدرجه هههههه اجل تبي ترقا مع وين اعاني روحي هههههه ولا ناوي بالزانه تطمر تراي اكلم نفسي :D
المهم ارقا ولقا المراقد محطوطات في كسره الدرجه يعني في النص وشيلهن للطايه وفرش البسط قبل كلش ذيك الي تجي مخططه بزرق وحمرالظاهر مافيه الا ذا اللون منول المهم افرش البسط ثمن احط المطارح فوقهن ثمن احط الشراشف فوق المطارح ثمن احط الوسايدالي مكتوب عليها صباح الخير ولا سمعت صوت امي ياملا الفردوس ترقا مع الدرجه هي وخواتي اقوم ونسدح على المراقد كلهن علشان اخذ البروده حقتهن اتدربا من مرقد الين مرقد واخذ البراد
ولا رقت امي ولا معها ذيك السحله المعدن مليانه ماء للي يبي يشرب وكلنا نشرب منها مهوب مثل ذا الوقت الي الولد مايشرب في الكاس الي شارب فيه ابوه
وتقوم امي جعلها للفردوس وتغطي السحله الي فيها الماء بشيله لياه يجي ابرص ولا قطو ولا شي من خشاش الارض ويشرب منها لان منول كل الارض تدبي من خشاش الارض وذكر بعد الا منا تسدحنا على مراقدنا نشوف الغيم يتشكل على نور القمر بشكال واجد مره مثل الغنم ومره مثل البقر ومره مثل القطاوه ومره مثل خروف السله هذي الي اذكرها قعدت اصيح صياح يوم صار الغيم مثل خروف السله ونا مدري وشو خروف السله بس اهلنا منول يخوفونا يقولون لا تروحون للقليب لياه يطلع عليكم خروف السله يخوفونا علشان مانطيح في القليب ونحن دلوخ نصدق كلش
تصدقون بعض المرات ونحن نايمين في الطايه ماندري الا بالسماء تمطر علينا وذكر اني اتغطا بالشرشف الي يجي مقلم يعني مخطط بخطوط عريظه سماوي وبيض ولازم يصير فيه رسمه ورد
المهم الا تغطيت والسماء يرش علينا اذكر منيب اطيع اقوم وحول تحت انوم في المجبب الين يركخ الشرشف بالمطر - دمعت عيني مدري وشبلاي
وفيه شي بعد اذكر منول يقولن امهاتنا يالله ارقدو لياه تجيكم عوافي الله ثمن نقعد ننتفض من الخوف من عوافي الله ونرقد غصب وبعض المرات نقعد نصيح خايفين من عوافي الله :D
ولا الا قال الواحدشي مهوب زين قالت امه له قل استغفر الله قبل لا تطيح عليك المقرصه الحاميه ثمن علا طول استغفر الله استغفر الله ونحن ننتفض من الخوف وناظر للسما لياها تطيح المقرصه الحاميه ولا علا بالي الا المقرصه حقه امي الي تقرص عليها الله يرحم والديني ووالديكم ويسكنهم الفردوس الاعلى من الجنه امين ويجمعني وياكم في الفردوس بس ترا مافيه سواليف هههههههههههههه
وفي النهايه اقول لااله الا انت سبحانك اني كنت من الظالمين
تراي منيب نشيط يعني تعيبان ولا عاد في العمر كثر مامضا يالله حسن الخاتمه
كان ودكم تدعون لي بظهر الغيب ولا بالي تبون بس لا تخلوني ولكم بالمثل
يالله انك تحيي اخيتي قوافي ماقويت اخليك ولوي تعبان
يالله تحييهم كلهم كبيرهم وصغيرهم ذكرهم ونثاهم ولياحيا كثر
خل اعلمكم ترا الناس منول كل امورهم تشبه بعض يعني اذكر الا اصبحنا ناخذ علاقيه الخبز وهي تجي مصنوعه من الجلد الصناعي وتجي ملونه بعد مثلن جهه تجي خظرا فاتحه وجهه تجي خضراغامقه وجهه تجي حمرا وجهه تجي صفرا تراي اقول مثلن مهوب كلهن لون واحد بس انها مخصصه نحط فيها الخبز ملهمنا ربنا للصح مهوب مثل هلحين مغير يحطون الخبز في كيس باغه وهوحار وهذا تراه مضر الله يحمانا وياكم من كل شر يقولون انه يسبب الخبيث الله يحمانا وياكم
المهم نروح للخباز يا الي عند حوش مغسله الموتا ولا الي جنب بيت الخراجا في مدخال حليوه من جنوب ولا من الباطن الجنوبي الي قبال المستشفى القديم من شرق تصدقون انه فيه ذا المخبز الين هلحين روحو وشوفوه تدرون وين اقدم خباز في شقراء الا جينا وخلينا مسجد شيحان على اليمين كنا نبي نروح للصبخه تجي سكه على اليمين الي تروح للمجباب نبتل معها وقبل المجباب بشوي يجينا الخبازعلى اليسارقبال بيت حمود العماني هو وحمارته كناس البلديه لان منول كناسين البلديه عمانيين المهم والله يعينا على المهم الا جانا باب الخباز على اليسارودخلتا يجي الفرن على اليساروكانو الي يخبزون فيه يمنيين من اليمن السعيد وكانو يشبون فيه بالحطب مهوب مثل هلحين غاز
ليت الي يذكر منكم ذا الكلام الي اقوله يعلمني لياني اهذري عليكم ونتم تصدقون
وكان الخبز منول وش طعمه وذكر بعد انهم الخبابيز حاطين رف من خشب وحاطين عليه قواطي جبن كرفت وحاطين عليه بعد قواطي زيتون وبعض المرات يحطون قواطي تونه ساردين الي تجي بيضاويه يالله حلها وشلون بيضاويه يعني مثل السفينه شكلها وذولي للي يبي يشري تدرون كان جبن الكرفت الكبير بريال الي هلحين الاوسط صار ب 8ريال والصغير ب 4 ريال والكبير مدري كم هوبه اكيد انه بشلقه دراهم وحاطين بعد قدر فيه فول اذكر نجيب معنا قدرصغير يعني يكفي الا مليناه 6 او 7 اشخاص بقرشين ولا بربعه قروش بس واوك لو ناخذ بنص ريال وش نبي نسوي به وااااجد والخبز ال 12 خبزه بريال او انه 16 بريال تراي ناسي
بس وشذاك الطعم في الفول وشذاك الطعم في الخبز شي ماله وصف ابد من زينه وحنطه
ولا اخذنا الخبز ومعه فول ولا مامعه شي الا رحنا للبيت اول ماتسمع الرادو-- الارض الطيبه -- ذوليك الي يقولون احرث وزرع ارض بلادك بكرا تجني الخير لولادك --ثمن نلقا امهاتنا ياملا الفردوس لهن كلهن ان شاء الله تعالى نلقاهن حالبات البقره ولا حالبات العنزولا الشات المهم حليب نلقاهن محميات الحليب على الضو ونلقاهن بعد مصلحات مرقه طماط وفيه احد يسميها مرقه بصل كله واحد لان فيها طميطات وبصيلات ثمن تعال شف زين الفطور يطق في الراس من طعمه وفيه احد مايسوون شي الا الحليب بس ثمن يجلسون يقطعون من الخبز ويغطون في بياله الحليب والحمد لله رب العالمين الذي اطعمنا وسقانا من غير حول لنا ولا قوه هذا الفطور منول للناس كلها ثمن الا ذاك يعني الا افطرنا اسمع ابيي جعله للفردوس وميمتي وخيي وجدي اسمع ابوي يقولي سحسح ثمن اقول سم يقولي يالله عجل اطلع للنخل علشان الغنم اضهرهن من حوشهن تراهن جويعات خلهن يرعن ثمن اطمرونا ما اشوف الدرب وروح للنخل على رجلي يمكن انه يبعد خمسه كيلو يزيد ينقص مدري بس انه حولها بس سبحان الله العظيم مانعده بعيد لا نعده قريب حذفه عصا بس من قربه منول كلش مبارك ربي فيه ان جيتا للمسافات ولا ربي سبحانه مقربها ولا جيتا لبيوتنا ولا ربي سبحانه مكبرها في عيونا كلش فيه البركه من ربن غفور سبحانه
ولا طلعت للنخل طال عمركم اروح اجمع ليمون ابو زهيره من تحت الشجر علشان ماياكلنه الغنم تصدقون اني منول اخذ اليمونه ومسحها بقشرها وحطها في اثمي وهقشها
ثمن اروح اشغل المكينه البلاكستون الهنديه يازينها ويازين صوتها له رنه في مسامعنا وحنه والله يكون في عوني كان الوقت وقت شتا وبررررد ومربعانيه اقعد اهندل في المكينه يجي ساعه ماتطيع تشتغل علشانها بارده وقبل اشغلها لازم اعبي البرميل حقها ديزل اشفط من البرميل الكبير نسميه ابو ثنعش المهم اشفط بلي وعبي تنكه وبعض المرات اشرق بالديزل وشرب منه شوي هههههههههه وش اسوي غصب ثمن تحمر عيوني بسم الله علينا المهم املا التنكه وروح اصبها في خزان المكينه ثمن ازييت المكينه كل هذا قبل التشغيل ثمن ابدا اهندل المكينه بعدماادهن عمود الهندل بشوي زيت علشان يزلق معي الهندل بسرعه وجلس اهندل المكينه الين حول ماينقطع نفسي الين تشتغل والهندل ترا فيه خطر الا ماسحبته بسرعه الا بدت تشتغل المكينه يمكن ينطلق من يدك ويهبدك ولا مافي عينك القطره يعني يمكن يموتك كلش رعب تبي ولا طر للي خلقك هذا بعد ان ما انفصخ السير وتجلس تلبس الحذاف السير وهذا فيه خطر انه يصفقك السير ويجدعك في وسط القليب بس ربي يسامت علينا
ولا صرنا مثل مااقولكم ايام شتا وبرد يازين المبرد حق المكينه يصيرحار ويدفي بعد اخليه يصب علي
المهم كل هذا والغنم مابعد طلعتهن هههههههههههههه يبي يموتن من الجوع ونا طالع من صبح رب العالمين علشانهن اطلعهن ههههههههههه
ولا امتلت الجابيه بالماء رحت وطلعت الغنم
شوفو يالغالين خل اعلمكم بشي ونتم تعرفون بس زود
المكان الي يصب فيه صباب المكينه نسميه اللزا ثمن يمشي شوي في ساقي ويصب في الجابيه هي الي نجمع الما فيها منول ونفتحه الا بغينا نروس يعني نسقي اي جهه من جهات النخل
المهم اجلس في النخل من شقه النور الين يغاب النور ونا الفلاح القدير اروس يعني اسقي النخل وحصد الزت ههههههه وش اسوي ماينكتب يعني البرسيم
وكان فيه شات تبي تالد اولدها عادي طبيب نساء وولاده مهوب الشافعي احسن مني الي موت نص اهل شقراء وهو سباك
وكان فيه عنز تبي من يقلم اضافرها هههههههههههه يعني ضلوفها طوال اقصهن بمحش لان الا طالن ضلوف العنز او الشات والضلوف يالتوالي هي مثل الضفور عند البشركلش يبي من يترجمه لكم يالتوالي :D
المهم الا طالن الضلوف معاد يقون الغنم يمشن زين الين نقصهن يعني مثل الي يقولون في المشاغل هلحين منكير وبنكير ههههههههههه
ولا جا مسيان يعني عقب العصر وذن المغرب اقوم وطفي المكينه ودخل الغنم وروح مشي داخل للبلاد وكل الحيايل والحيطان الي امشي معهن مشهورات بالجن بسم الله علينا بس منول مانعرف الخوف ولو حنا بزور منول نمشي في سكيك ظلما ماتشوف يدك وعادي وهلحين لو يطفا الكهرب في الليل تسمع بعض الناس فيه الصيحه والبكاء من الخوف وهم كبار ههههههههههههههه
ثمن اروح للبيت ثمن تقولي امي كان انحن في ايام الصيف والحر سحااااب ياسحااااب ونا صايربتاع كله من يد نشيط الا يد نشيط ماخلق الا سحاب ثمن اقول لمي لبيه ياروح وعمر سحاب ثمن تقولي تكفا ياوليدي ارق للطايه وفرش مراقدنا ثمن اطمر كني حصان يصهل:p بعد ورقا مع الدرجه هههههه اجل تبي ترقا مع وين اعاني روحي هههههه ولا ناوي بالزانه تطمر تراي اكلم نفسي :D
المهم ارقا ولقا المراقد محطوطات في كسره الدرجه يعني في النص وشيلهن للطايه وفرش البسط قبل كلش ذيك الي تجي مخططه بزرق وحمرالظاهر مافيه الا ذا اللون منول المهم افرش البسط ثمن احط المطارح فوقهن ثمن احط الشراشف فوق المطارح ثمن احط الوسايدالي مكتوب عليها صباح الخير ولا سمعت صوت امي ياملا الفردوس ترقا مع الدرجه هي وخواتي اقوم ونسدح على المراقد كلهن علشان اخذ البروده حقتهن اتدربا من مرقد الين مرقد واخذ البراد
ولا رقت امي ولا معها ذيك السحله المعدن مليانه ماء للي يبي يشرب وكلنا نشرب منها مهوب مثل ذا الوقت الي الولد مايشرب في الكاس الي شارب فيه ابوه
وتقوم امي جعلها للفردوس وتغطي السحله الي فيها الماء بشيله لياه يجي ابرص ولا قطو ولا شي من خشاش الارض ويشرب منها لان منول كل الارض تدبي من خشاش الارض وذكر بعد الا منا تسدحنا على مراقدنا نشوف الغيم يتشكل على نور القمر بشكال واجد مره مثل الغنم ومره مثل البقر ومره مثل القطاوه ومره مثل خروف السله هذي الي اذكرها قعدت اصيح صياح يوم صار الغيم مثل خروف السله ونا مدري وشو خروف السله بس اهلنا منول يخوفونا يقولون لا تروحون للقليب لياه يطلع عليكم خروف السله يخوفونا علشان مانطيح في القليب ونحن دلوخ نصدق كلش
تصدقون بعض المرات ونحن نايمين في الطايه ماندري الا بالسماء تمطر علينا وذكر اني اتغطا بالشرشف الي يجي مقلم يعني مخطط بخطوط عريظه سماوي وبيض ولازم يصير فيه رسمه ورد
المهم الا تغطيت والسماء يرش علينا اذكر منيب اطيع اقوم وحول تحت انوم في المجبب الين يركخ الشرشف بالمطر - دمعت عيني مدري وشبلاي
وفيه شي بعد اذكر منول يقولن امهاتنا يالله ارقدو لياه تجيكم عوافي الله ثمن نقعد ننتفض من الخوف من عوافي الله ونرقد غصب وبعض المرات نقعد نصيح خايفين من عوافي الله :D
ولا الا قال الواحدشي مهوب زين قالت امه له قل استغفر الله قبل لا تطيح عليك المقرصه الحاميه ثمن علا طول استغفر الله استغفر الله ونحن ننتفض من الخوف وناظر للسما لياها تطيح المقرصه الحاميه ولا علا بالي الا المقرصه حقه امي الي تقرص عليها الله يرحم والديني ووالديكم ويسكنهم الفردوس الاعلى من الجنه امين ويجمعني وياكم في الفردوس بس ترا مافيه سواليف هههههههههههههه
وفي النهايه اقول لااله الا انت سبحانك اني كنت من الظالمين
تراي منيب نشيط يعني تعيبان ولا عاد في العمر كثر مامضا يالله حسن الخاتمه
كان ودكم تدعون لي بظهر الغيب ولا بالي تبون بس لا تخلوني ولكم بالمثل