القلب حن وحنته توجع القلب

[راعي العجراء]

السلام عليكم ورحمة الله وبركاته



القلب حن وحنته توجع القلب = وياما على صكات بقعا مشينا
انا اشهد اللي يطاوع القلب يتعب = هو يحسب الدنيا على ماهوينا
اتعبتني ياقلب من غير مرغب = اتعبت حالي بالسهر والحنينا
طلبتني ياقلب ياكم مطلب = وشعاد لوهو واحد ماقوينا
حكم الظروف وحكمها اليوم اصعب = تحكم رسنها في معاصم يدينا
ياقلب انا وياك والليل الاشهب = نسمر على جال الشقاء ماحكينا
ماغير اسج بخاطري واتغرب = والليل يطوي بعمرنا مادرينا

مع تحيات
راعي العجراء

[قوافي ( أم نهار )]

عليكم السلام ورحمة الله وبركاته

صح لسانك راعي العجراء

ابيات جميله تدل على شاعر مرهف الحس..

اشكرك حفظك المولى

تحياتي وتقديري واحترامي

[999ابوصالح]

انا اشهد اللي يطاوع القلب يتعب *** هو يحسب الدنيا على ماهوينا
صح لسانك وبيض الله وجهك

[الهاجري ج]

ماغير اسج بخاطري واتغرب والليل يطوي بعمرنا مادرينا


صح لسانك ياراعي العجراء


ابيات في قمة االروعه


تقبل اعجابي وتقديري

[نديم المجره]

صح لسانك لاهنت
ياراعي العجراء
ابيات رائعه وعذبه
الله يحقق مطالبك ومطالب قلبك

[سحاب نجد راعي شقراء]

طلبتني ياقلب ياكم مطلب :f وشعاد لوهو واحد ماقوينا


الله الله الله

ممتع بكل حزاتك ياراعي العجراء

جعل ربي يسعد قلبك ويطول بعمرك ويوسع رزقك

[هاوي عبث]

http://www.m5zn.com/newuploads/2014/10/15/jpg//0045bd6d883eb1f.jpg (http://www.m5zn.com/out.php?code=15508749)



الله الله الله صح لسانك يابو نسب والله يسعد قلبك
ويحقق لك ماتمنيت ويوفقك
تقبل تحيات اخوك هاوي

[عبدالرحمن بن ذياب]

الله الله صح الله لسانك