تهريب زيت السكان من الدودة

[Bader_vip]

السلام عليكم ورحمة الله وبركاته

اخواني الكرام قبل فترة صار عندي مشكلة بهوز السكان وقعد يهرب زيت ( http://www.mekshat.com/vb/showthread.php?p=10182237#post10182237 ) و رحت غيرته بواحد جديد بورشات الشارقة ( الامارات العربية المتحدة ) المشكلة طلع الهوز تجاري ولا قالي البنقالي ،، قال اعطيك شهر ضمان على الهوز لكن ما اعطيك ضمان على الهيدورليك ( السكان ) قلت ليش قال ممكن انت من زمان معك الخلل ولا ادري عنه ماني مسؤل عنه قلت اوكي

وصار عندي ثقل في السكان ثم صار قبل اسبوع تهريب من الدودة السفلي ( الي تحرك السكان )
و اعبي العلبة تقعد دقايق و تفضي وبعدها عبيتها ومسكت خط 90 كم ولما وصلت نص الخط شيك لقيتها فاضية عبيت زيت ،، ولما دخلت الديرة عبيت زيت ثاني مره العلبة طبعاً فاضية
و قبل يومين عبيتها و في اقل من دقيقة راح كل الزيت :(

سؤالي هل الخراب قوي ولا بسيط مدامها تهرب بهذي السرعة :(
ثاني شي قبل اعبيها احس السكان ثقيل وكاني احس بحكحكة اثناء لف السكان بشكل بسيط جداً علىشان اشوف حركته كيف ولما عبيته زيت صار ثقيل بس ما احسب بالحكحكة بس يروح الزيت بسرعة

سؤالي الأهم : هل توجد ورشات مختصة بالدمام تحل المشكلة ،، وكم التكلفة تقريباً
وهل يغيرون لي الهوز ،، ويرجع السكان خفيف مثل اول قبل اركب الهوز التجاري الي بورشات الشارقة ؟ وهل يعطوني ضمان عليها

وايش نصايحكم لأخوكم لأن عندي ارتباطات ماليه كثيرة وبحاول اوفر قدر المستطاع ،، وان ماقدرت الشكوى لله

نوع السيارة :: هوندا ،، اكورد ، 4 سلندر 2007

والله يجزاكم خير

[Bader_vip]

هل من رد احبتي

[SGL]

تأكد من مكان التهريب في الدودة هل هو من الليات أو من عمود الدودة أثنين واحد يمين والثاني يسار إذا كان من أحد العواميد فالخلل من الصوفة ويحتاج فك الدودة كاملة وتجيب طقم إصلاح وتروح القطعة كاملة للمخرطة لكي يركبون بعض الصوف ويكشفون على العمدان هل هي سليمه أو لا أما الزيت ﻻتحط غير زيت هوندا سعره 40ريال علبة بيضاء إذا حطيت أي زيت غيره أعرف إن طرمبة الدركسون والدودة راحت فيها إحذر إحذر وبخصوص تصليحها في بعض الورش يصلحونها بس الأفضل محلات الهدروليك ﻷنهم متخصصين فيها بس أبحث عن أفضلهم ويفيدونك الرجال إن شاء الله بمواقعهم في الشرقية وتحياتي لك

[Bader_vip]

تأكد من مكان التهريب في الدودة هل هو من الليات أو من عمود الدودة أثنين واحد يمين والثاني يسار إذا كان من أحد العواميد فالخلل من الصوفة ويحتاج فك الدودة كاملة وتجيب طقم إصلاح وتروح القطعة كاملة للمخرطة لكي يركبون بعض الصوف ويكشفون على العمدان هل هي سليمه أو لا أما الزيت ﻻتحط غير زيت هوندا سعره 40ريال علبة بيضاء إذا حطيت أي زيت غيره أعرف إن طرمبة الدركسون والدودة راحت فيها إحذر إحذر وبخصوص تصليحها في بعض الورش يصلحونها بس الأفضل محلات الهدروليك ﻷنهم متخصصين فيها بس أبحث عن أفضلهم ويفيدونك الرجال إن شاء الله بمواقعهم في الشرقية وتحياتي لك

بارك الله فيك اخوي على الرد والله يسعدك
بكرا بروح لمحلات الهيدرو ليك
بالنسبة للزيت للأسف استخدمت الزيت الأحمر ولا كنت اعرف انه يسبب مشاكل
و اللي كان فيه تهريب وغيرته بلي تجاري ، وصار فيه ثقل بالسكان ،، وراح اغيره بأصلي