لا أحد يبخل علينا...

[mshtag]

السلام عليكم ورحمة الله وبركاته

مساكم الله بالخير

يا أعضاء المنتدى الكرام
تدرون مر هالاسبوع بدون غيوم
اقصد كان الجو مشرق بالشمس
والظاهر ان الشعبان نشفت اي جفت من الماء على حد علمي

ولاكني ارغب في اخذ الاهل في كشته خفافيه غدا الاربعاء حقت ابو غدا واعود اخلي هالعيال ينبصطون


المشكله اني ما اخبر مكان قريب فيه الشعبان ماشيه
فالمرجو من اللي عنده علم عن مكان زين وحليو حول الرياض لا يزيد عن 120ــ140 كم

فيه الارض زينه وحقت تمشيه وشعبانها ما بعد جفت للي عنده علم لا يبخل علينا....
وهل احد عنده علم عن روضة خريم هذي اليومين...


وجزاكم الله خير






أخوكم: المشتـــــــــــــاق

[مشعل_1001]

اخوي مشتاق انا لست من اهل الرياض بس اذا رحت عمره اشوف المنطقة الي ناحية القويعية مناسبة للكشتات . وكشتة سعيده انشاللة بس لاتنسون الكرة علشان الأولاد

[راشد الحربي]

انا ماسبق جيت المنطقة اللي حول العتش على طريق القصيم - لكن امرها وانا رايح جاي لبريدة - .. لكن اتوقع انها خياااااااال بعد هالمطر وتبعد حوالي ..110 كيلو ..عن الرياض

[راعي الطلعات]

هلابك اخوي المشتاق

بنسبه للا شعبان الي توها مابعد جفة مره يعني فيها خير انشاءالله

عندك العماريه بس هذا بعيد عن مدينة العماريه بعد وعندك شعيب صلبوخ وشعيب حريملا والله اعلم انا سمعة اخبارها من الاصدقاء
فيه لو قليل وعندك شعيب الطيري مو بعيد مره ولاقريب كل مشواره قرابة الساعه وهو احلى شعيب مر عليه السي بالعلم ان الشعيب من قطع عنه السيل من سنتين ورعه صراحه الشعيب وبالتوفيق

واتمنا لك رحله موفقه الله يحفظك ويحفظ لك عائلتك

دمت بحفظ الله

[هلال المطيري]

السلام عليكم اخوي المشتاق عندك شعبان طيبه بس أني ناسي أسم الطريق الوصف خل محطة خزام الي عند الثمامه على يسارك ولف يمين ومش 52 كليو وتلقا كفر على يسارك وأدخل معه وأمش 7 كيلو منتب شايف ولا شجره ولين تعديت ال 7 كيلو يقطعك شعيب فيه أشجار تقول حديقه وخبريبه فبل ثلاث أيام أسمه شعيب الحميم وباقي فيه ماء الي يونس وأن شاء الله كشته موفقه
((( معلومه الأرض مطينه وخفاس لاتاخذ غير جيب ))) وشكرا000

[الاقبال]

اقول مالاتروح للقويعية ولا حلبان عليك بطريق القصيم 120كم ثم لف لليمين احد شعبان سدير ولا تمير تمش فيها انت وعيالك وارجع وسع صدرك المطر شمال الرياض مو جنوب الرياض