صوت طقطقة في مكينة الكابرس

[al3med]

السلام عليكم ورحمة الله وبركاته
يا أخوان طلع عندي صوت في ماكينة الكابرس 8 سلندر

بحثت وحصلت مقطع في اليوتيوب نفس الصوت وراعيه يقول طلعت المشكلة في طرمبة الزيت مدري الربلة حقتها .
وديتها للصناعية يقولون توضيب مكينة . قلت لهم طرمبة الزيت رفضوا واجمعوا على توضيب الماكينة أو استبدالها


مقطع اليوتيوب ? ↓

‏شاهد "صوت مكينة الكابرس" على YouTube .

http://youtu.be/y6o5MAbomRw

فما الحل يا اخواني .
تحياتي

[1824]

غير زيت بترومين 5w30 A1 والصوت يروح بأذن الله مع سيفون اصلي بالتوفيق لك

[al3med]

أنا أغير زيت كاسترول جي تي اكس من زمااان . بس كان في تهريب واشيك على الزيت كل فترة . والفترة ا?خيرة السيارة كانت مع اخوي وما شيك على الزيت الى ان ولعت لمبة الزيت ومر البنشر لقاها ناقصة وعلى طول طلع الصوت والسيارة تمشي بعدين تطفي .

والحين لها فترة واقفة مع انها تشتغل

[سوبر99]

خذ العلم من تجربه عندي فورد ماركيز موديل ٢٠٠١
طلع عندي نفس الصوت بالمقطع وكان امبير الزيت يأشر بعض الاحيان

وبعض الاحيان اذا السياره ماشيه وهديت لمطب تطفي السياره وبعض الاحيان احاول اشغلها ماتشتغل كان البطاريه ضعيفه اتركها. نصف ساعه واشغل تشتغل لكن الصوت مزعج كانه كبريش وذلك بسبب طرمبة الزيت

ونصحوني كذا ميكانيكي بتوضيب لكن ماسلمت رقبتي لهم

اليك الطريقه اصلحتها بريال واحد والله على ماأقول شهيد

جبت بريال ديزل نص لتر مقدام قارورة مويه صحه ابوريال
صبيت الديزل في المكينه على الزيت القديم الموجود فيها وشغلت السياره تقريبا ١٥ الى٢٠ دقيقه
وبعدها غيرت الزيت وفلتر الزيت ومشيت عليها وخلال ٢٤ ساعه بدأ الصوت يخف شوي شوي
حتى انتهى والان لي تقريبا ٦اشهر الحمدلله والشكر لاتوضيب ولا يحزنون

[shaalaas]

السلام عليكم يالحبيب سيارتك غير لها طربة زيت وورنق ربل يركب على شخال الزيت ويركب في طربة الزيت هذا حل السياره والله يوفقك

[al3med]

مشكورين يا أخوان على الإفادة . وجزاكم الله خيراً

[IBRAHIM55]

يمكن عندك ترسبات تحتاج غسيل مثل ماذكر الاخ سوبر 99