تقطيع باترول 4500 وعدم اشتغاله

[صباح القايله]

حي الله الاخوان كلن بسمه
عندي باترول 4500 بخاخ
المشكلة فيه تقطيع قوي واذا دعست
غيرت بواجي واسلاكهن
فلتر بنزين ما تغير جي
طرنبة بنزين ركبت حقت فتك والمشكلة لا زالت


طلعت مشكلة ثانية وهي أني فكيت الديلكو
ورجعته لكن رفض الموتر يشتغل

[سفاري سوبر]

سويت مثلك في الديلكو

ولا اشتغل الموتر الا بعد ماوديته الورشه ووزنه عن طريق البوجي الاول واشتغل

[صباح القايله]

جميل
كيف وزنه

[bullet4668]

الله العالم انها البخاخات واحد منهن مسكر او عندك فيش فوق المكينة اذا فتحت الكبوت فيه افياش من ظمن الظفيرة الداخلية حقت المكينه على ماظن ثلاثة افياش واحد منهم للبخاخات والثاني له علاقة بالكمبيوتر والثالث رايح لدودة الدركسون المهم حرك الافياش هذي وشف تغير الموتر عليك او اهتزت المكينه
انا صارت معي التقطيعة هذي سيارتي باترول ٤٨٠٠ لقيت فيش تحت غطا المكينه فوق الديلكو بالضبط اول ماحركته اهتزت المكينه حاول اخوي تحرك الافياش اللي على المكينه كلها وتأكد انها راكبه صح

[صباح القايله]

يعطيك العافية
جربته لكن رفض

[عنزي من نجد]

عندك حساس الهواء اللي اللي جنب اللفلتر لكن انت غير فلتر الهواء اول اذا ماضبط غير الحساس قيمته أتوقع بحدود الف وخمس لكن سمعت ان حق المكسيما يركب وقيمته حول ٤٠٠

[MSAN]

لازم تسنتر الديلكو صح. والا ماراح يشتغل.

بالتوفيق

[صباح القايله]

الفلتر مغيره
وركبت ديلكو ثاني اشتغل الموتر
لكن التقطيع موجود

[hassan-55]

غالبا التقطيع يجي من
-البواجي
-اسلاك البواجي
-الفلتر
-البخاخات
-الطرنبه
-الكويلات

وانا اخر مره غيرت كويلات وضبط الموتر
كان يقطع بشكل رهيب لا مشى الموتر
اتضح لي ان واحد من الكويلات جلدته فيها قطع بسيط
والثاني خربان
غيرت الكويلات كلها وافتكيت

وفي اشياء تسبب كتمه
مثل فلتر الهواء والحساس

اذكر مره بالجيب وايام البرد بالذات مايحمى الموتر ويكتم
السبب كان من خرطوش الهواء الكبير اللي جاي من الثروتل ورايح للفلتر
كان في شق بسيط وماينشاف الا بالتدقيق لفيت عليه شطرطون وضبط


الله ييسر امرنا وامرك وامر كل مسلم..

[صباح القايله]

غالبا التقطيع يجي من
-البواجي
-اسلاك البواجي
-الفلتر
-البخاخات
-الطرنبه
-الكويلات

وانا اخر مره غيرت كويلات وضبط الموتر
كان يقطع بشكل رهيب لا مشى الموتر
اتضح لي ان واحد من الكويلات جلدته فيها قطع بسيط

والثاني خربان
غيرت الكويلات كلها وافتكيت

وفي اشياء تسبب كتمه
مثل فلتر الهواء والحساس


اذكر مره بالجيب وايام البرد بالذات مايحمى الموتر ويكتم
السبب كان من خرطوش الهواء الكبير اللي جاي من الثروتل ورايح للفلتر
كان في شق بسيط وماينشاف الا بالتدقيق لفيت عليه شطرطون وضبط


الله ييسر امرنا وامرك وامر كل مسلم..


يعطيك العافية
اغلب الي قلته مزينه والظاهر 4500 مافيه اكويلات
جاري البحث عن المشكلة

[طيف مسافر]

المشكله من حساس الهواء يا اخوي.
Air mass flow
وإذا تبي تتأكد افصل السلك اللي موصل في الفلتر راح تحس الفرق .

[MSAN]

اشتغل موترك والا باقي طافي؟؟

[صباح القايله]

اشتغل
لكن باقي التقطيع موجود
ابحاول ابدل الحساس
وسأخبركم بما هو جديد

[سعود 28]

الله يعيننا عل تقاطيع النيسان

[صباح القايله]

بدلت الحساس ماتغير شي
الله يعين الجميع

[صباح القايله]

الحمد لله تم حل المشكلة
وهي آلهات
يجي فيها حساس الظاهر هو الخربان لكن مايبيعونه لوحده
انا غيرته كاملة والحمد لله الأمور طيبة

[مباركك]

مشكلتك في الديلكو شوفلك احد يوزنه صح

[سراي-01]

الحمدلله ... ياليت تصور لنا ذا الحساس ... تعرف حنا هل النيسان 4500 يبي لنا خيمه خاصه فينا للأعطال والحلول .. الله ييسر امرنا وامرك وكل مسلم .

[صباح القايله]

الحمدلله ... ياليت تصور لنا ذا الحساس ... تعرف حنا هل النيسان 4500 يبي لنا خيمه خاصه فينا للأعطال والحلول .. الله ييسر امرنا وامرك وكل مسلم .

واضحة الهات
هي الي يركب به خرطوش الهواء
وإذا تبي صور ارسلي رقمك أرسله لك واتساب

[سفاري سوبر]

ياليت توضح مكان الحساس

هل هو داخل اللهات والا برى

واذا امكن صوره يكون افضل