أبوذيبان..أستاذ الإبداع .......... الحل : الحياء .... حله : ابو ذيبان وكفووووووو

[أم نورة]

السلام عليكم

لغز جديد مسند لأخوي أبوذيبان والرمع مفتوح للجميع









ياخيمةٍ فيها هل العز والجود = وفيها أبوذيبان استاذ الإبداع

ياويش رجلٍ بيننا كان موجود = واليوم قَلّ وهقوتي يالوِفِي ضاع

يازِينَه ليا زاد يازاد محمود = وياحِلْوَه اليا صار من ضمن الأطباع

اسمه على اسم اللي ليا صار مفقود = تِمْحِل أراضينا وتحتار الأوضاع

لاتصدِّقون اللي يقولون منقود = قالوا تَخَلُّفْ والتَّخَلُّف له أنواع

خسران منهو طاعهم مابهم فود = خسران منهو للمضِلِّين مِطْواع














وسلامتكم

[راعي العجراء]

صح السانك ام نوره
ماشاءالله تبارك الله وش هالنظم وش هالابداع
ويستاهل ابوذيبان قصدي شاعرنا واستاذنا الكبير ابو ذيبان
الاسناد والتوجيه
وكفو بالجميع
جاري البحث والتحري على الرنعه
مع السلامه

[أم نورة]

صح السانك ام نوره
ماشاءالله تبارك الله وش هالنظم وش هالابداع
ويستاهل ابوذيبان قصدي شاعرنا واستاذنا الكبير ابو ذيبان
الاسناد والتوجيه
وكفو بالجميع
جاري البحث والتحري على الرنعه
مع السلامه


صح بدنك ياخوي أبوذيبان

وألف شكرلك على كلامك الطيب وتشجيعك لي

وأنا كل ماقريت تشجيعكم زادت موهبتي

الله يعز شانكم ويجبر بخوطركم يارب

وابحث عن الرمعة وحنا بانتظارك

[ابوذيبان]

الحياء
................
ولي عودة ان شاء الله

[ابو اسامه 2]

صح لسانك ملايين
ابيات قمة مسند على قمة

كل ما اشوف ابياتك اتذكر ابداعات ابو ذيبان واخلط بينكم

وكل ما اشوف ابداعات ابو ذيبان اتذكر ابداعاتك

والان اللغز مسند منك له

وش رايك في

التوازن في الامور
ودايم نسمع جملة فقدان التوازن

تحياتي لك

[أم نورة]

كفوووووو كفووووو كفووووو

بالفعل أخوي استاذ الابداع أبوذيبان

الحل
الحياء

هو الخلق المحمود
والمطر بعد يسمى حيا
لان تحيا به المخلوقات






ماشاءالله عليك

ماشاءالله عليك

الله يزيدك من فضله

[أم نورة]

صح لسانك ملايين
ابيات قمة مسند على قمة

كل ما اشوف ابياتك اتذكر ابداعات ابو ذيبان واخلط بينكم

وكل ما اشوف ابداعات ابو ذيبان اتذكر ابداعاتك

والان اللغز مسند منك له

وش رايك في

التوازن في الامور
ودايم نسمع جملة فقدان التوازن

تحياتي لك


صح بدنك أخوي أبو أسامة

وحياك الله أخوي

مرورك واشادتك فخر لي ياخوي

وياليت فيني من أخوي المبدع أبوذيبان شي لو بسيط

ومشكور ياخوي ألف شكر على كلامك الطيب

[راعي العجراء]

مارديت على راعي العجرا
بالمشاركه رقم 2
مايخالف انا وابوذيبان الحال من بعض
ويستاهل اخوي الكبير

[راعي العجراء]

صح السانك ولسان شاعرنا ابو ذيبان
ماشاءالله مصع ارقبة اللغز من تحت الاكتاف
الله لايضره شاعر ورماع
وكفو بالجميع

[ابوذيبان]

ياشاعرة تنظم بساتين وورود=سلام تسليمة وفاء والخبر شاع
ابداعكم ظاهر على النت مشهود=يبحر بنا من دون مجداف وشراع
ضفتي على الخيمة ثلاثين ويزود=خمسة مواضيعٍ طرب كل الاسماع
ديمة علينا هلت. القاف بركود=فترة بسيطة واشتهر ذكرها ذاع
مثل الحيا لابرق لاريح ورعود=يمطر وينبت قاع ممحل ورا قاع
تبارك الله موهبة مالها حدود=وعن اسرة الخيمة هلا مرحب الساع

[ابوذيبان]

ضفتي على الخيمة ثلاثين ويزود
خمسة مواضيعٍ طرب كل الاسماع

عدد مواضيعك الان ونطمع في اضعافها . اضعاف مضاعفة

0

[أم نورة]

ياشاعرة تنظم بساتين وورود=سلام تسليمة وفاء والخبر شاع
ابداعكم ظاهر على النت مشهود=يبحر بنا من دون مجداف وشراع
ضفتي على الخيمة ثلاثين ويزود=خمسة مواضيعٍ طرب كل الاسماع
ديمة علينا هلت. القاف بركود=فترة بسيطة واشتهر ذكرها ذاع
مثل الحيا لابرق لاريح ورعود=يمطر وينبت قاع ممحل ورا قاع
تبارك الله موهبة مالها حدود=وعن اسرة الخيمة هلا مرحب الساع


الله الله الله

الله عليك أخوي أبوذيبان

قصيدة غالية مكتوبة بماء الذهب

مشكور مشكور ولو انها ماتكفي كلمة مشكور

وأبياتك فخر لي وتاج على راسي

وسأحتفظ فيها ولن انساها

والله يجزاك خير ويطول عمرك على الطاعة

وماودي أكتب أي مشاركة علشان اظل محافظة على الرقم 35 اللي موجود بالقصيدة :)

[أم نورة]

ضفتي على الخيمة ثلاثين ويزود
خمسة مواضيعٍ طرب كل الاسماع

عدد مواضيعك الان ونطمع في اضعافها . اضعاف مضاعفة

0



أبياتك هي اللي تطرب كل الأسماع يابو ذيبان

وماقصرت ياخوي عساك على القوة

[ابو اسامه 2]

الله الله الله

الله عليك أخوي أبوذيبان

قصيدة غالية مكتوبة بماء الذهب

مشكور مشكور ولو انها ماتكفي كلمة مشكور

وأبياتك فخر لي وتاج على راسي

وسأحتفظ فيها ولن انساها

والله يجزاك خير ويطول عمرك على الطاعة

وماودي أكتب أي مشاركة علشان اظل محافظة على الرقم 35 اللي موجود بالقصيدة :)



لالالا

كذا احنا نعترض

ابو ذيبان الرجاء الدخول وتعديل الرقم الى ترليون

خلينا نستمتع بالابداع لا تحددها 35 مشاركه

[ذيب الفقارة]

كفوووووووووو كفووووووووو كفوووووووووو

أخي الغالي

أبو ذيبان

الحل هو كما ذكرت :

الحياء

وصح لسانك أختنا

أم نورة

تحياتي

[ابوذيبان]

صح السانك ام نوره
ماشاءالله تبارك الله وش هالنظم وش هالابداع
ويستاهل ابوذيبان قصدي شاعرنا واستاذنا الكبير ابو ذيبان
الاسناد والتوجيه
وكفو بالجميع
جاري البحث والتحري على الرنعه
مع السلامه

تستاهل الطيب ياراعي الطيب

منكم نتعلم ونستفيد

لاهنت ولاهان غاليك

دمت سعيد

0

[ابوذيبان]

صح لسانك ملايين
ابيات قمة مسند على قمة

كل ما اشوف ابياتك اتذكر ابداعات ابو ذيبان واخلط بينكم

وكل ما اشوف ابداعات ابو ذيبان اتذكر ابداعاتك

والان اللغز مسند منك له

وش رايك في

التوازن في الامور
ودايم نسمع جملة فقدان التوازن

تحياتي لك

تسلم مشرفنا الغالي ولاهنت

الشاعرة/ أم نورة . مبدعة حقيقية واتمنى لها مستقبل واعد ومبهر بإذن الله

وهذا هو المتوقع . حسب ما اراه من تمكن في الموهبة . اللهم بارك لها

لاهنت ولاهان غاليك يالحبيب

دمت بخيرات

[ابوذيبان]

كفوووووو كفووووو كفووووو

بالفعل أخوي استاذ الابداع أبوذيبان

الحل
الحياء

هو الخلق المحمود
والمطر بعد يسمى حيا
لان تحيا به المخلوقات






ماشاءالله عليك

ماشاءالله عليك

الله يزيدك من فضله







كفوك الطيب

وتستاهلين الكفو . يالشاعرة

بيض الله وجهك وسلمتِ

دمتِ في تألق مستمر

0

[ابوذيبان]

صح السانك ولسان شاعرنا ابو ذيبان
ماشاءالله مصع ارقبة اللغز من تحت الاكتاف
الله لايضره شاعر ورماع
وكفو بالجميع

صح قلبك ولاهنت استاذي

كفوك الطيب يابعدي

0

[ابوذيبان]

الله الله الله

الله عليك أخوي أبوذيبان

قصيدة غالية مكتوبة بماء الذهب

مشكور مشكور ولو انها ماتكفي كلمة مشكور

وأبياتك فخر لي وتاج على راسي

وسأحتفظ فيها ولن انساها

والله يجزاك خير ويطول عمرك على الطاعة

وماودي أكتب أي مشاركة علشان اظل محافظة على الرقم 35 اللي موجود بالقصيدة :)


سلمتِ ودمتِ يالشاعرة

وانتِ راعية السبق والاولة اخيتي

وفقك الله

0

[ابوذيبان]

لالالا

كذا احنا نعترض

ابو ذيبان الرجاء الدخول وتعديل الرقم الى ترليون

خلينا نستمتع بالابداع لا تحددها 35 مشاركه

هههههههههههههههه

ابشر يالغالي

لعل اشارتي لعدد مواضيع الشاعرة . تحفيز لها في مقبل الايام

وهذا الظن

دمت بخير

0

[ابوذيبان]

كفوووووووووو كفووووووووو كفوووووووووو

أخي الغالي

أبو ذيبان

الحل هو كما ذكرت :

الحياء

وصح لسانك أختنا

أم نورة

تحياتي

كفوك الطيب ياراعي الطيب

بصمة غالية في كل متصفح

دمت في القلوووووب يالذيب

0

[ناصر العلي]

سلمت ياأم نورة

وصح لسانك

وكفوووو ياابوذيبان

ولله درك يالغالي



الزين مثل الحيا :rمتبوع.........ان ماتلا الناس يتلونه

والشين مثل المحل مقطوع..........يمشون ليما ايتعدونه

من ذاق حب امهات اردوع...........اهل الهوا مايلومونه
يابو ثنايا برد لاموع.................انتي بلا القلب وجنونه
والقرن الاشقر يجيلة بوع................يعذب اللي يلمونه
ياشوق عنك الخطا مرفوع....وانتي عن الشين مصيونه