المساعد الشخصي الرقمي

مشاهدة النسخة كاملة : قير الجمس سوبربان 2001 - القير مايلقم ثالث ولا رابع


مشعل بن عبدال
14/09/2014, 11:49 AM
السلام عليكم و رحمة الله وبركاته

اتمنى ايجاد حل لمشكلتي

فجأة وانا راجع من السفر كنت امشي 140 كلم القير يفضي كأني معشق على الـ N

المهم وقفت عند اقرب محطة شيكت على القير ماهو ناص ولا شي الموتر ماشي 300 الف كلم

والزيت مغيره على 220 الف كلم مع الفلتر

المهم صرت لازم اعشق على الـ D2 عشان الموتر ما يفضي

لإن الموتر يفضي اذا جاء وقت تغيير القير من 2 الى 3

الموتر ماكذا وضعه دايم وهو بارد ولا حار ما تفرق

ولا فيه ريحة حراق او شئ غير طبيعي ولا فيه اي لمبة مولعة على الطبلون

ارجوا ايجاد حل للمشلكة ؟

بانتظاركم الله لايهينكم
مشعل بن عبدال
14/09/2014, 11:50 AM
و الموتر يعشق طبيعي للريوس والفاضي ولا فيه اي رجه او شي غير طبيعي
1824
14/09/2014, 12:50 PM
غير زيت مع فلتر زيت دكسرون 6 غيره مع الفلتر وجرب وان شاء الله خير
مشعل بن عبدال
14/09/2014, 02:40 PM
غير زيت مع فلتر زيت دكسرون 6 غيره مع الفلتر وجرب وان شاء الله خير

مرحبا اخوي

قصدك نوع الزيت ديكسرون ؟ وين يباع فيه ؟ وهل هو افظل من acdelco وهل رقم 6 قصدك العلب

هل اضيف منظف قير ولا ماله علاقه ؟
1824
14/09/2014, 05:06 PM
الزيت اسمه دكسرون 6 هذي صورته

http://www.rmsautoparts.com/prodimages/10-9029.jpg

ضروري تغير الزيت والقير حار عشان الوسخ يطلع مع الزيت

العلب والله اعلم مع الفلتر 6 اكثر او اقل اهم شيء الزيت لا يزيد عشان ما تفقع الصوف على العموم انت غير الزيت وحط 5 ونص وشغل الموتر خله 5 دقايق يسخن زيت القير وعشق النمر كاملة من 1 الى p وبعدها خله في p وشيك الزيت والسيارة شغاله وشوف ناقص زود شوي شوي وكل مرة عشق النمر قبل ما تشيك لين الزيت يصير مذبوط وبعدها اهم شيء عليه شوي شوي وشوف وان شاء الله خير اذا شفت في تحسن واضح امش عليه 1000 كيلو وعطه تغيره ثانية بس بدون فلتر وان شاء الله خير بالتوفيق لك
1824
14/09/2014, 05:08 PM
علبته ما تزيد عن 20 ريال انا لقيته ب 18 بالدمام وان شاء الله بتلقاه بسعر طيب شوف الوكالة بكم بعض الاحيان يبيعون ارخص من برى بالتوفيق لك
Brhoooom2009
14/09/2014, 06:35 PM
اتوقع والله العالم المشكلة في الكلتشات
رح لورشة قيور متخصص جموس او امريكي ويفحصه لك والله يعوضك
لكن قبل كل هذا جرب تغير الزيت والفلتر وشيك على حرارة القير اذا تزيد او لا
مشعل بن عبدال
17/09/2014, 01:24 PM
جزاكم الله خير , الحمد لله تم فك القير و وضح معي ان الكلتشات محترقة مره مقارنة بقير اخر كان موجود

شغل اليد 1800 القطع تقريبا كلتشات مع الصوف والوجه والزيت والفلتر والربلات الى اخره تجي حزمة كاملة بـ 1100 تقريبا او اقل

وجاري تجربة الموتر خلال يومين الله ييسر

مشكورين
1824
17/09/2014, 02:49 PM
اهم شيء اتسعمل الزيت الي كتبته لك لكي تعمر عمر الكلتشات بالتوفيق لك
مشعل بن عبدال
17/09/2014, 05:03 PM
اهم شيء اتسعمل الزيت الي كتبته لك لكي تعمر عمر الكلتشات بالتوفيق لك

اكيد , الله يجزاك خير

وبعطيكم خبر بعد استخدام الموتر
مشعل بن عبدال
22/09/2014, 10:23 AM
الحمد لله الموتر تمام اللهم للك , المشكلة في الكلتشات اذا واجهتك نفس المشلكة المذكورة في بداية الموضوع\

مشكورين جميعا
1824
22/09/2014, 05:50 PM
الحمدلله اهم شيء استعمل الزيت الي فوق ترى مهم جدا لعمر الكلتشات ونعومة القير