هل فيه مكان يفصِّل هوك خلفي للسيارات ؟

[C a m r y]

السلام عليگم ورحمة الله وبرڪاتـﮧ ..

عندي بموتري للأسف مافيه لا شنكار ولا هوك لاقدام ولا بخلفية السيارة ..

اتوقع لأنه استعمال أمريكي ..

السيارة فورد إيدج 2008

الزبدة هل فيه مكان أو ورشة يفصل لنا هوك خلفي على الأقل .؟

لأن مُكلف جداً لني اطلبها من برى أو اشريها من الوكاله

[الاشهب 507]

رح عند اطرف
حداد وخله يلف لك
صيخ متين من الراس يلف
على شكل ثنيت عصات خيزران
وبكيفك تبغاه طويل قصير على راحتك
ويلحمه لك في اي مكان تبغه
لكن انصحك تلحم في مكان مناسب لك
في الشاص ورش بوه سلكون من عند نفس الحداد
وبعده بويه بخاخ سوداى ابو 5 ريال
السلكون فايدته مانع صدى لكن لونه احمر
والاسود للتجميل ماهو شرط
الاشهب 507

[Mohammed5d]

فيه ورشه في الصناعيه يسوي للفورتشنر قيمة ٦٠٠ريال مع الهوك نفس حق اللاندكروزر اذا تبي رقمه عطني خبر

[C a m r y]

فيه ورشه في الصناعيه يسوي للفورتشنر قيمة ٦٠٠ريال مع الهوك نفس حق اللاندكروزر اذا تبي رقمه عطني خبر
بالأول وين مكانه ذا يالذيب بالقصيم ولا بالرياض .؟

رح عند اطرف
حداد وخله يلف لك
صيخ متين من الراس يلف
على شكل ثنيت عصات خيزران
وبكيفك تبغاه طويل قصير على راحتك
ويلحمه لك في اي مكان تبغه
لكن انصحك تلحم في مكان مناسب لك
في الشاص ورش بوه سلكون من عند نفس الحداد
وبعده بويه بخاخ سوداى ابو 5 ريال
السلكون فايدته مانع صدى لكن لونه احمر
والاسود للتجميل ماهو شرط
الاشهب 507
يعطيك العافية على الفكرة ..

لكن أبيه يتركب تركيب ماودي باللحام على الشاص ..

=-=-=

بمر السليماني يقولون عنده من الأمور ذي .. وبعلمكم اذا حصلت وركبته ان شاء الله ..

[الاشهب 507]

صادق والله
لكن أنا مسويه في الخلف
واسحب من غير اي مشاكل
لكن إذا انت بتبيع او تستبدل
لاتسويه لين يمكن يجونك الشريطيه
يقلون الشاص مقصوص
لكن أنا مرتاح يشعاري معى السيارات
اعدم وسو ى اي شيء تبغاه في
سيارتك لحم وقص وادمر ابوه سوى إلى
في راسك بكره تبيعه لاقدر الله
وتقول كانت نضيفه وتندم على بيعتها
أنا ميع موتري مجرب فيه كل التجارب
مابقيت شيء إلى المكينه والقير على شد الوكاله
الحمد لله لكن بعض السيارات عندي مامسك فيه
مسمار اخليه وكاله
الاشهب 507

[وسيع الصدرر]

انا مركب هوك مفصله على هايلوكس واستخدمته بسحب مقطوره كبيره شوي بدون اي مشاكل وشكل جميل بسعر 500 ريال والهوك راكب بمسامير على الشاصي وطالع من تحت اللوحه موقع الورشه ببريده بصناعيه الرواف
وصف للموقع تخلي اشاره المحاكم وراك وتخلي كارفور وبيت الشوايه على يمينك تمشي مسافه قصيره تجيك صرافه الاهلي على يمينك ادخل الشارع الي قبل الصرافه يمين همن اول شارع يسار ادخل معه ابتل الين تتعدا مسجد على يمين بعد المسجد تجيك كذا ورشه على اليمين هي اخر ورشه بزاويه تشوف عنده مقطورات شغلهم نضيف الحقيقه والسعر اشوف انه مناسب

هذا الهوك وهو اساسن هوك جمس مع اضافه قاعده تناسب شاص الهايلوكس
http://im44.gulfup.com/sWA1Yq.jpg (http://www.gulfup.com/?DlEIAY)

وهذي صوره تبين ارتفاع الهوك لكي يناسب نزول الوحه حتى مانتورط مع المرور هههه
http://im44.gulfup.com/f1jXD3.jpg (http://www.gulfup.com/?otM5k1)

وهذي صوره تبين نزول الهوك تحت السياره وتبين كم انا مقرود طردي ورا السحاب وهذي اخرتها ههههه

http://im44.gulfup.com/BoIqK7.png (http://www.gulfup.com/?A7yuCt)


بنهايه اتمنا الكل يدعيلي انقبل بوزاره الاسكان اخيكم عاطل منذو مبطي

[وسيع الصدرر]

معليش ماعرفت اصغر الصور ياليت الاداره تصغره

[C a m r y]

ماقصرت يالغالي .. ويعطيك العافية .. والله يوفقك وتنقبل بأحسن مكان ..

يعني تقصد لابد أجيب لهم قطع معينه أو هم يتكفلون بكل شي .؟

[أطلال نجد]

أخوي سيارتك قد تكون غير مخصصة لجر مقطورات وخلافه تأكد قبل التركيب أو التفصيل من كُتيب دليل مالك السيارة

[C a m r y]

أخوي سيارتك قد تكون غير مخصصة لجر مقطورات وخلافه تأكد قبل التركيب أو التفصيل من كُتيب دليل مالك السيارة

اكثر السيارات الي اشوفها نفس سيارتي وفيها الهوك ..

وباين أصلاً ان سيارتي كان فيها هوكـ لكن مفكوك من صاحبها أو من المعرض الله أعلم ..

الزبدة رحت للسليماني بطريق الملك عبدالعزيز ولقيت فلبيني وسألته قال مافي عندنا شي مخصص لسيارتك ولا فيه طريقة اننا نركب لك شي يمشي الحال ..

شكلي بروح للي ببريده وأفصل عنده ان شاء الله .. :good2:

=-=-=

لكن سؤال لخوي وسيع الصدر .

هل لابد أنا أجيب لهم الهوك من برى عشان يخلونه يركب على موتري .؟