استفسار عن الشنير - الحجل البري وموسم التزاوج

[رعود الحجاز]

السلام عليكم ورحمة الله وبركاته

http://www.islandwoodcraft.ca/newcart/images/chukar-long.jpg

انا عندي محمية كان فيها بس ذكر وثلاث اناثي ،
العام بالبرد وتحديداً بشهر 4 هجري بدأ يبيض عندي بس ماينام على البيض
اخذت البيض وحطيته بفقاسة وفقسوا والحمدلله واشكره
بعدها بفتره شرد الذكر ، وصار اللي باقي اناثي وكم واحد من الفروخ ،
الفروخ الحين كبيره عمرها تقريباً 6 شهور والمحميه كل يوم او يومين اجي احصل فيها بيضه او بيضتين ، لكن المشكله ان البيض غير مخصب يعني مايفقس لو الانثى نامت عليه او حطيته بفقاسة ،
انا الحين مستغرب من شغله ، العام بالصيف وبهالوقت ماكان يبيض ، وقريت ان موسم تزاوجه اكثر شي بشهر 4
والحين صار له من شهر 9 وهو يبيض ولكن البيض غير مخصب زي ماذكرت لكم

مع العلم ان الفروخ اللي صارت كبيره الحين طلع منها 3 ذكور او 2 مو متأكد
السؤال : هل فيكم احد عنده خبره كافيه ووافية يفيدني بمعلومات واكون شاكر له :)

[خشكاري]

سبق لي تربية الحجل من زمان أيام غزو الكويت في قريتي جنوب المملكة .. والبداية بالصدفة وكانت بصيده بالشبك أبو 20 متر وكان ذكر و4 أناثي ووحده طارت من الصندقه حصلت فتحه وهجت معها وعقبها سديت الفتحة .. ويوم حطيتهم في الصندقة وبعد أقل من شهر تقريبا وجدت بيض الحجل في أماكن متفرقه وبشكل عشوائي لكن ما أذكر أي وقت بالسنة نسيت .. المهم إني لاحظت انها ماترجن على البيض أبد وفسد البيض ماعندي فقاسة وقتها .. وسألت واحد قال لي لازم تزبط المكان وتخليه قريب من بيئتها البرية .. وفعلا حطيت صخور وشجيرات صغيرة وسويت لها حفر صغيرة جنب الشتلات والصخور .. وبعدها بأسبوعين تقريبا أطل عليهم إلا والحجل يرجن على البيض سبحان الله وفرخوا بعد حضن البيض بنص شهر تقريبا او ازود شوي وصارت أمهاتهم تأكلهم وتعتني فيهم وانبسطت آخر بسطة .. وتكاثروا بسرعه في أقل من سنه وصل عددهم 29 من غير الأربع إللي بديت فيهم لكنها جلست فترة ماتبيض تقريبا 5 شهور والله ما أذكر بالضبط لأنها في البداية كانت بعدما تحضن وتفرخ تقعد حدود شهر او أقل شوي ثم تبيض مرة ثانية لكنها عقب ماعاد باضت مدري يمكن عشان كان موسم تكاثرها ما ادري بالضبط .. وتراهي تبيض في الحفره على التراب ماتحط شي فوقه والصندقة كانت كبيرة تقريبا 5 × 4 نصها شبك ونصها صفيح .. وكنت أعطيهم كل شي من برسيم وخس أفرمه شوي لهم وبقايا الرز وحنطه وذرة مطحونه ودخن حتى بسكوت شاهي كنت أعطيهم ههههه أخلطه بحليب أو مويه ويدقون فيه دق وبيض مسلوق أفتته لهم بالذات الفروخ علشان أعوضهم عن البروتينات إللي في بيئتهم الطبيعية يحصلونها في الحشرات .. وأذكر بعد كنت أشتري لهم حبوب صناعية بروتين نسيت اسمها الكيس حقها عليه صورة ديك رومي فارش ذيله ..

وإللي أنتجتهم عندي صاروا موالفين مايشردون مني إذا دخلت الصندقة لاكن أمهاتها الاربع إللي صدتهم وبديت فيهم ينهبول إذا دخلت عليهم ما والفوا أبد .. وبعدما خلصت أزمة الكويت وقرب السفر خذيتهم وبعتهم في السوق جمله 33 وحده صحتهم من أحسن مايكون والشرايه شوي ويتطاقون عليهم ..

كانت أيام حلوه وصوت الحجل يازينه في الصندقه يطرب .. هذي تجربتي مع الحجل حبيت أذكرها لك لعلها تفيدك ..

[رعود الحجاز]

الله يعطيك العافيه ياخشكاري ، تجربتك ممتعه
انا كل اللي ذكرته بالتجارب والتربيه والعنايه صلحتها وأكثر من كذا بكثير والحمدلله الحين فيه الفقاسات لو الأم ماترجن على البيض تحطه بفقاسه ويفقس
لكن مشكلتي انا صارت انه يجي البيض مو مخصب يعني مو ملقّح ، انا اول ماقالي واحد يمكن البيض مو ملقح قلت كيف مو ملقح اجل شلون تبيض ؟ لابد يجيها الذكر عشان تبيض ، قال هذي طيور داجنه تبيض بذكر وبدون ذكر زي الدجاجه وهي تبيض بدون ديك ،
قلت اوكي وصلت المعلومة وتأكدت منها صحيحه وكثير يجهلها يعتقد ان الدجاج مايبيض الا لازم معه ديك رحت وشريت ذكر بالرغم ان الفروخ زي ماذكرت فوق الحين كبيره وعمرها تقريبا 6 شهور وفيه منهم حول 2 ذكور والباقي اناثي
لكن تبقى المشكلة بالتخصيب ( التلقيح ) ساعات اقول يمكن انه بوقت معين بالسنه الذكر يبدأ يلقح الاناث ويجي البيض ملقح واحيان اقول ممكن لصغر الذكور ماتلقح حاليا والذكر اللي شريته انجلد من الذكور الصغيره :D
سألت واحد افغاني اللي شريت منه الذكر وقال انه بالبرد موسم الذكر يبدأ يلقح الاناث وساعتها يجي البيض مخصب وقابل للتفقيس ، ويوم تذكرت انه العام بالبرد البيض كله كان ملقح بعكس الحين ونتظر البرد يجي وبشوف عن البيض ، وقلت لازم الحين اسأل بالمنتدى يمكن احد عنده خبره بهالشي

يعطيك الف عافيه اخوي على تعقيبك :)

[سامي الفلاح]

السلام عليكم مشكورين علي الموضوع الجميل بس ان عندي معلومه انه الحجل يريد مساحه واسعه لي التخصيب ذكر الحجل يتي بسرعه ويقف علي الانثا والله اعلم

[الششو]

بالتوفيق للجميع والي يخبر لي حجل للبيع قريب من مكه
يعطيني خبر ودمتم بخير وعافيه

[نفود حلوان]

والله الحجل طيب
علامة الذكر فيه اصبع زايد فوق اصبع رجله الخلفيه
وقت تبييضه في شهر مارس
عندي اربعه اثنين ذكر واثنين انثى
اثنين منهم حطيتهم بالشوايه ياسلام طعم خيالي وزن واحد بالميزان الكتروني 1114قرام
وباقي اثنين اراقبهم مدري اصبر لشهر مارس ولى اشويهم
صراحه طعم الحجل لذيذ

[حطاب البراري]

وعليكم السلام ورحمة الله وبركاته
كيف اصيدها بدون مأذية لي 3 ايام اشوفها ترعى فلحوش عندي مع باقي الطيور ومرتين جات وانا داخل الحوش لاكن اول ماتشوفني ماتسمع غير صفارت جنحانها على الجبل ابي اصيدها سالمه بشبك اوغيره بقصد تربيتها .كيف الطريقة

[هيوماكس]

وعليكم السلام ورحمة الله وبركاته
كيف اصيدها بدون مأذية لي 3 ايام اشوفها ترعى فلحوش عندي مع باقي الطيور ومرتين جات وانا داخل الحوش لاكن اول ماتشوفني ماتسمع غير صفارت جنحانها على الجبل ابي اصيدها سالمه بشبك اوغيره بقصد تربيتها .كيف الطريقة

اخوي استخدم خيوط العيون وافرش حولها شعير
مجربة ونتايجها ممتازة
صايد بها حجل وقطا وللحين موجودين عندي

[حطاب البراري]

اخوي استخدم خيوط العيون وافرش حولها شعير
مجربة ونتايجها ممتازة
صايد بها حجل وقطا وللحين موجودين عندي
اخوي هذي واين القاها وهذا اسمها خيوط العيون الله يوفق

[هيوماكس]

اخوي هذي واين القاها وهذا اسمها خيوط العيون الله يوفق

هذي أنت تسويها سهلة جدا ولها اشكال وطرق كثيرة ومتنوعة

راح اعطيك طريقة سهلة استخدمها دايما

1- خيوط نايلون (يكون لونها مناسب للون الارض اللي بتحطها عليها)
2- سيم حق معاليق الملابس
3- شعير

لاحظ الصورة

http://im69.gulfup.com/uCjcur.jpg


ملاحظة هامة ...........
- السيم اربطه بحبل في حصاه كبيرة علشان مايطير به الطير
ثم ادفنه بتراب اكرمك الله وحاول تغطيه علشان ماينفر منه الطير ويخاف

- هذي تكفي لطيرين فقط
اذا تبي مجموعة كبيرة كبّر السيم وكثّر خيوط العيون وفالك الصيد :good2:

[رعود الحجاز]

الشكر لكم جميع على الافاده ولو ان الموضوع سلك درب ثاني مير الله يحييكم :D


والله الحجل طيب
علامة الذكر فيه اصبع زايد فوق اصبع رجله الخلفيه
وقت تبييضه في شهر مارس
عندي اربعه اثنين ذكر واثنين انثى
اثنين منهم حطيتهم بالشوايه ياسلام طعم خيالي وزن واحد بالميزان الكتروني 1114قرام
وباقي اثنين اراقبهم مدري اصبر لشهر مارس ولى اشويهم
صراحه طعم الحجل لذيذ





ابشرك من رمضان وهو يبيض بس مو مخصب ويوم بدأ الشتاء صار يجي مخصب
الذكور صابتها النشيره بالبرد :good2:
ولكن المشكله الاناثي وقفت ماتبيض !!
والحمدلله طلعت بكم بيضه مخصبه ونشكر الله ونحمده