الكارونة ومشاكلها

[عبدالله......]

السلام عليكم ..

ياجماعه عند كارونة الفورتشنر طقت "الكارونه الخلفيه"

وناوي اغيرها بإذن الله

لكن السؤال هل اغير كارونه لحالها أو لازم دفرنس كامل

لأني شفت موضوع يقول غير الدفرنس كامل لأن فيه احتمالية تطق عليك ..؟؟


مع العلم اني مغير الجرم كامل في العام الماضي بعد ماجته صدمه وانعوج ..

انتظر افادتكم ❤️

وهل تنصحوني اجرب اركب كارونه من الصناعية القديمه ولا بتكون مجازفه؟

[قطب 999]

تغيير دفرنس شد مصنع ما انفكت بسبب ان الورش عندنا ليس عندها استطاعه تعيد تركيب الكارونه حسب الميزانيه فتتعطل بعد مده

[عبدالله......]

شي يضيق الصدر ����

أجل كارونة السيارة الحالية ممكن خربت لأجل هالسبب ..؟؟ أنهم مايعرفون يوزنونها ...؟؟


لأني قبل سنه فكية الكارونه وركبت جرم دفرنس من الوكالة .. ورجع العامل ركب الكارونه ..

قسم محتااار مدري شعمل !!

لاهنت

وانتظر اراء الباقين

[مظلووم]

تبديل الدفرنش الخربان بدفرنش جاهزز مافك من اول افضل من تبديل الكارونه

[سلطان الغانم]

انا كان معي صوت في الدفرنس الخلفي وسيارتي جكس 2002 وناس تقولي غير كرونه وناس تقول ماتضبط وناس تقول غير دفرنس وهو طبعا الافضل لان الدفرنس تكون وزنية الوكاله ماتم فكه من قبل

[سلطان الغانم]

وغيرته ب4300 دفلك طبعاً

[عبدالله......]

الله لا يهينكم

التشاليح ضمان فقط أسبوع

شكلي بسوي توضيب للكارونة وأتوكل على الله

[حمزةعبدالمطلب]

اختبر الدفرنس في المخرطة اذا فيه شئ غيره واذا مافيه شئ غير الكرونة فقط فك وركب لايحتاج الى وزن ولكن انتبه افك الكرونة او يقوم الميكانيكي بوزنها او اي شى فك وركب فقط

[وااضح]

فيه ورشة بتشليح بريدة يمدحونها
الصمعاني لدفرناسات والقيور

[ls1.5700]

ركب كارونه فقط

[ميكانيك]

فيه متخصص كارونه في صناعية الأمير سلمان بالرياض تسأل أي ورشة ميكانيك ويدلونك عليه