علبة زيت الكلتش للافجي وين مكانها؟

[حرقوصي]

السلام عليكم
اهوجس هاليومين اني اغير كل الزيوت الموجودة بموتري افجي قير عادي
بعد ما مشى 120 ألف كيلو
اغلبكم يبي يقول الزيوت كلها تزيدها اذا صار فيها نقص ما عدا المكينة
لكن انا بستبدل الزيوت من باب التجديد ولأن الزيوت الموجودة حالياً صارت سوداء مثل زيت الدركسون انقلب اسود بعد ما كان احمر مثل الدم
وانا الحين ابي علبة زيت الكلتش عشان أتم شغلي
سمعت ان علبة الكلتش هي نفسها علبة الفرامل مشتركين فيها
ومن باب التأكد وجب علي الاستفسار
ولكم الشكر

[الحميضاني]

السلام عليكم ورحمه الله وبركاته
اعتقد انها مع البريك مو علبه وحده ولاكن مكان الزيت واحد فيه لي يطلع من علبه البريك الى علبه الكلش

[حرقوصي]

السلام عليكم ورحمه الله وبركاته
اعتقد انها مع البريك مو علبه وحده ولاكن مكان الزيت واحد فيه لي يطلع من علبه البريك الى علبه الكلش
بارك الله فيك يا الحميضاني
يعني اشفط زيت الفرامل ويلحقه زيت الكلتش بما انهم على نفس المجرى

[MSAN]

اذا مافيه مشكلة في السيارة لا تغيره ولا تقربه.. ماتغير الا زيت المكينة فقط

حرّك تبلش.!


خله شد بلد


بالتوفيق

[حرقوصي]

اذا مافيه مشكلة في السيارة لا تغيره ولا تقربه.. ماتغير الا زيت المكينة فقط

حرّك تبلش.!


خله شد بلد


بالتوفيق
ما تبلش اذا صرت تعبي زيوت اصلية وشغلك صحيح ومرتب
نظام زيت بالبيد حق البناشر ما نعرفه هو اللي اعدم العالم

[ابوراكان تبوك]

هههههههههههه بالبيد شهرته وراثيه

المهم تغيير الزيوت في وقتها
شف المقطع هذا شرح مميز لتغيير زيت الفرامل انا بغير لنفس الزيت اللي بالمقطع على لاند كروز ان شاء الله

http://www.youtube.com/watch?v=7grT6xU6b3A

[الشرقيه 03]

انا غيرت زيت الباور والكلتش والفرامل عند وصول الموتر 100 الف

تقريبا اربع مراات كل مره بعد ما اجي من مشوار

بس انتبه الفرامل والكلتش لاتشفط تحت الحد الادني ولا بيدخل النظام هواء

وتبلش ..... وبعد الشفط والتغيير ادعس الكلتش والفرامل اكثر من مررره

والباور بعد الشفط والتغيير شغل الموتر وافتح غطا العلبة ولف يمين ويسار

اكثر من مره .... مع مراعاة تحريك الموتر يعني لاتلف الدركسون والسيارة مكانها

والله يوفقك

[sa13]

وعليكم السلام
زيت الدركسون لونه اصفر خفيف، الاحمر زيت القير التماتيك. تحصله عند الجميح اسمه power steering fluid
واذا حبيت تغير الزيت فمن الافضل انك تفرغ الزيت القديم كامل، لانك اذا سحبت اللي بالعلبة فقط راح يبقي زيت وسخ بمواسير الفرامل وعلبة الدركسون اللي تحت وراح يوسخ الزيت الجديد.
بالنسبة لزيت الفرامل يمكن تفريغه من بلف التنسيم اللي موجود بالكليبرات الاربعة وبعد تعبية الزيت تنسم للفرامل.
وزيت الدركسون ارفع الكفرتين الاماميات وفك اللي الطالع من العلبة التحت للعلبة اللي فوق ولف الكفرات بيديك بدون تشغيل السياره وانتبه تشغل السياره لان العلبة الفوقيه فاضيه وراح يطلع الزيت كامل وبعدها ركب اللي.
عب العلبة زيت فل وشغل السيارة وزيد الزيت بعد التشغيل. خل الغطاء مفتوح ولف الدركسون يمين ويسار لين يطلع الهواء ويروح الصوت.