نويت اشترى ريشه

[هبوب الحماد]

السلام عليكم ورحمة الله وبركاته
أعضاء مكشات المحترمين

نويت اشتري جهاز تتبع الطيور لاندليف ابو16 إن شاء الله

وحبيت استفسر أي أفضل ريشه بين التيربو أم لمبه أو أم قرص أو الRT

نصيحتكم يالربع

[عابر الموج]

وعليكم السلام ورحمة الله وبركاته
استخدم
RT وستخدامها طيب بالحيل وهي الدارج مع الصقارين ويفيدونك الزملاء عن مميزات الريش الاخرى لك تحياتي

[هبوب الحماد]

عابر الموج شكراً لك

[وزاري]

لنفرض ريشة تدق 10كم وضاع الطيرلاسمح الله

القرص ثاني يوم تدق 6 كم ....ثالث يوم 3كم ....ورابع يوم تدق 700م --- والسبب ان بطارية القرص ماتحتفظ الكهرب ......ويبلاش سعر بطارية ام القرص وهذا الدليل

---------------------------------

التيربو ام لمبة تدق من 18كم الى 20كم ولله يعينك على الخرابات (أم الأعطال )
المدة يومين وثالث يوم ربما 1كم...... أو أقل بسبب أستهلاكها الشديد للبطاريه

-------------------------------

البرميل RT ماشاء الله لاضاع الطير معك 5أيام الى 6أيام وتدق بقوة ........وأكثرها شعبية وأقلها أعطال وخراب

[هبوب الحماد]

وزاري الله يبيض وجهك ماقصرت على الشرح و التفصيل و بالتوفيق

[راشد الهاجري999]

عليك بريشة مارشال RTblus كد ومد واذا الجهاز طيب دقت من عشر كيلو الين 15 كيلو

[هبوب الحماد]

الله يجزاك خير ياراشد

[أبو فااارس]

افضل ر يشة ار تي صناعة مارشال امريكيه وافضل شي لو تطلبها من امريكيا تجيك مع شحنها تقريبا 1450 ريال تدق فوق العشره كيلو بالراحه وتصبر ماهي مثل اللي يجنك من دبي... شف راشد الهاجري موجود بأمريكيا وعارض خدمة شحن الجهزه والريش من امريكيا افضل لك

[تميم2222]

تبي العمليه خذ ام قرص ارحص في الحجر تبي تحافظ ووقت اطول خذ المدببه لكن الحظها في السنوات الاخيره كثيره اعطالها

[الفتى الواصلي]

انا بطلب الجهاز الاسباني من شركة ayama لقيته كامل مع شنطه وريشه ماركة فيستا من الشركه ومع الضرايب بسعر 732 يورو ما يعادل 266 دينار كويتي ما يعادل 3460 ريال سعودي

لكن سؤالي هل هي ممنوعه من قبل الجمارك ام لأ ?

ما ودي اتعب نفسي واخر شي يسوون لها اعادة تصدير ويردونها

بالنسبه للجهاز مافي احد ذمه

وشكرا

[ولد السبع]

عليكم السلام



اشوف افضل ريشة RT


التيربو حلوه بس يخلص البتري بسرعة