قلت الله الله ..وابتدا شغل الإبداع.................الحل:هاوي عبث.....حله:ذيب الفقارة

[أم نورة]

مساء الخير

لغز جديد








ياخيمةٍ لأهل الكرم والجزالة = فيها الوفا والطيب مع زِين الأطباع

واحِدهم ليا مِن بغا شي يناله = أصل وفصل وأخوان وصدورٍ وساع

منهو يِعَرْف اللي بِدَع في مجاله = صيته تميَّزْ بين مِن صيتهم ذاع

لاشفته أَقْبَلْ واستقرّتْ رحاله = قلت الله الله وابتدا شغل الإبداع

اسمه على شِقّين ياأهل الجزاله = الأولّه عاشق على كل الأنواع

والثانيه للي بدا في سؤاله = تعني لِعِبْ تعني بعد وَقْتُهم ضاع

له بصمةٍ بالفن مُلْكَهْ حَلالَه = وبين البحور المهْلِكَهْ رافع شراع














وسلامتكم

[ذيب الفقارة]

رمعة عجلة

يمكن

زميلنا

هاوي فن

[قوافي ( أم نهار )]

ياهلا ويامرحبا يالغاليه

صح لسانك شاعرتنا المحبوبه

رمعتي شكر لكل من بالخيمه وبمن فيهم المقصود باللغز

فجميعهم يستاهلون وانت ((ام نوره الاخت الفاضله تستاهلين معلقات ))..

فقدتك الصبح من غير شر

اشكرك الله يحفظك ويدوم عليك الصحه والعافيه برضى رب العباد..

تحياتي وتقديري واحترامي

[ابو ماجد 2]

الله الله شاعرتنا المبدعه
هاللغز ثوب معطرز بالفن لفنان يزهاه
التقيا فنين ياليت محترف فن يكمله باخراجه الراقي
لله دركما
ولله در ابو عدنان على الرمعه

[أم نورة]

رمعة عجلة

يمكن

زميلنا

هاوي فن

حياك الله أخوي الذيب

ورمعتك من تقصد فيها بالضبط

يعني انا ببالي شخص ولعله هو المقصود في رمعتك

يعني هل هاوي فن له اسم آخر بالمنتدى

[ذيب الفقارة]

هلا بشاعرتنا

أم نورة

نعم المقصود محترف فن ( هاوي عبث )

[أم نورة]

كفوووووو كفووووو كفووووو

بالفعل أخوي المبدع ذيب الفقارة وبالاصح ذيب الذيابة

الحل

هاوي عبث






مثل ماتفضلت


ماشاءالله عليك

ماشاءالله عليك

الله يزيدك من فضله

[أم نورة]

ياهلا ويامرحبا يالغاليه

صح لسانك شاعرتنا المحبوبه

رمعتي شكر لكل من بالخيمه وبمن فيهم المقصود باللغز

فجميعهم يستاهلون وانت ((ام نوره الاخت الفاضله تستاهلين معلقات ))..

فقدتك الصبح من غير شر

اشكرك الله يحفظك ويدوم عليك الصحه والعافيه برضى رب العباد..

تحياتي وتقديري واحترامي


هلا وغلا بأميرة الخيمة قوافي الكرم والطيب

حياك الله يالغالية

وصح بدنك والله يجزاك خير

وتستاهلين كل خير وعافية

وأنا موجودة ياخيتي باستمرار عسى ماتفقدين غالي

ومشكوره على كلامك الحلو ومرورك الغالي

[أم نورة]

الله الله شاعرتنا المبدعه
هاللغز ثوب معطرز بالفن لفنان يزهاه
التقيا فنين ياليت محترف فن يكمله باخراجه الراقي
لله دركما
ولله در ابو عدنان على الرمعه



تسلم أخوي أبوماجد

ومشكور على هالكلام الطيب والتشجيع الجميل

والفن منك ولك وعساك على القوة

وبالفعل صادها أبوعدنان المدهش

[ذيب الفقارة]

مشكورة أختنا

أم نورة

ويستاهل الأخ الغالي

هاوي عبث (( محترف فن ))

الاسناد

تحياتي

[عطري]

ما شاء الله تبارك الله



صح لسانك شاعرتنا أم نورة

و تشكرين على ما تقومين به ، زادك الله فضلاً و علماً.



يستاهل أخونا هاوي فن كل خير ، فله قدم سبق في إخراج

الألغاز و كأنها تحف فنية نادرة.



و



كفوووووووووووو



يالذيب الأمعط



ما شاء الله ، اليوم وش أفطرت ؟



لا تقول فول ، أنا أفطرت ساندويشة و عصير طازج ، و كبس علي النوم

كيف عاد الفول؟

[أم نورة]

مشكورة أختنا

أم نورة

ويستاهل الأخ الغالي

هاوي عبث (( محترف فن ))

الاسناد

تحياتي


العفو أخوي الذيب

هذا أقل شي نقدمه للمبدع هاوي عبث

وكل أفراد الخيمة يستاهلون كل خير

[أم نورة]

ما شاء الله تبارك الله



صح لسانك شاعرتنا أم نورة

و تشكرين على ما تقومين به ، زادك الله فضلاً و علماً.



يستاهل أخونا هاوي فن كل خير ، فله قدم سبق في إخراج

الألغاز و كأنها تحف فنية نادرة.



و



كفوووووووووووو



يالذيب الأمعط



ما شاء الله ، اليوم وش أفطرت ؟



لا تقول فول ، أنا أفطرت ساندويشة و عصير طازج ، و كبس علي النوم

كيف عاد الفول؟


صح بدنك أخوي الكريم عطري والشكر لله ياخوي

انا ماسويت الا الواجب وأهل الخير يستاهلون كل خير

وهاوي عبث مبدع ويستاهل اللغز

وبالفعل اخونا الذيب يستاهل الكفو

وبالعافية الفطور ياخوي :)