المساعد الشخصي الرقمي

مشاهدة النسخة كاملة : نقص زيت المكينة لاندكروزر 6 سلندر


A L - F A I Z
20/09/2014, 04:51 PM
السلام عليكم ورحمة الله وبركاته
اخواني استفدت من المنتدى بشكل كبير
عندي مشكله اعرضها عليكم قبل ابدا فيها
لاندكروزر 2005 جي اكس ار
ينقص كل 3000 وعليها حول علبه ونص علبتين
لها حول 4 سنين واستمريت اني اغير كل 3 الاف زيت وسيفون الترا 7
الموتر مافيه دخنه وهو يمشي وواقف الا اذا تركته شوي ودعست له دخن بوقتها واختفى وخفيف
هل المشكله شنبر ام جلد بلوف ؟
وياليت توصفون لي ورشه ثقه الصدق مليت من النصب اللي حاصل
والمساعدات وش تنصحون اغير له طبعا الاربعه كامله
وعندي الدوده هذي 3 مره اوضبها وترجع تخر من جديد
ابي مشاركتكم وارائكم لاهنتوا
شاكر لكم
IBRAHIM55
20/09/2014, 04:58 PM
شغله 10دقايق بدون ماتحركه بعدها ادعس له اذا طلع دخان
ودعست ثانيه وانقطع الدخان هذي جلد بلوف من تجربه
عاشق الهدد051
20/09/2014, 05:14 PM
و عليكم السلام و رحمة الله و بركاته
بالنسبة للنقص فانه والله اعلم من جلد البلوف
وانا اشوف انه ما يضر اذا نقص زده و ما عليه الا العافية
و ان كنت صامل تغيرهن فيه ورش يغيرونهن بدون فك راس المكينة
و اما المساعدات ان كانك راعي بر ركب مساعدات استرالية
و اما الدودة يفيدونك الشباب ما لي علم فيها و الله يوفقك
ابوضاري2007
20/09/2014, 05:45 PM
حسب كلامك للنقص الزيت مشكلتك جلد بلوف غيرها وراح ينقطع النقص باذن الله

وياليت تحدد مدينتك علشان نقدر نساعدك
راعي الرود
20/09/2014, 06:23 PM
وعليكم السلام
المساعدات انصحك بالمونرو مطب مقبول و تعيش

اما الدودة مر على مركز الطائر للهدروليك انا مصلحها عندهم بـ 300 ريال قبل سنتين
و ان بغيت تغيرها جديدة سعرها حول 2700
ابوراكان تبوك
20/09/2014, 10:50 PM
ماقصرو الشباب

الدوده اذا لقيت واحد ثقه وله خبره فيها تراها تضبط بالتوضيب

النقص قبل تغير جلد البلوف انصحك تجرب زيت سوبر سبشل الذهبي 20-50 هذا امشي عليه 5000 وماشاء الله ما ينقص
وترا ابو يمن يصك الموتر مع السيفون 7.5

لكن الصحيح انه 7 علب مع السيفون انت عبه ورايح يطلع عند البنشري ناقص انتظر عليه 24 ساعه واقف تلقاه فل ع العيار
لانهم يحسبوه نفس الجيب الربع مع انه كرتير اللاندكروز اصغر قليلا
A L - F A I Z
21/09/2014, 07:26 AM
يعطيكم العافيه جميعا
ابوضاري موقعي الرياض
ولو حصل تدلوني على ورشه مضبوطه ومضمونه لاصلاح جلد البلوف اكون شاكر لكم
والله يوفق الجميع
احمد شريف
25/09/2014, 07:09 AM
الله يعينك وييسر عليك
مشكلت النقص حق المكينه لاتلمسها خلها على حالها لانك لو فكيت المكينه بتتعب وتخسر خلها على نقصها وتمشيك مده العمر وبعدها فكها ووظبها واخرطها مره وحده
اما الدوده مالي خبره فيها اعتذر منك