الارثميس انقلبت خرازه

[bbaass]

السلام عليكم

يالربع لاحضت الارثميس بالموسم هذا انها احيانا تنتش الفارغ واحيانا تعلق الفشقه بالماصوره والاحظ صفرة الفشقه فيه عفط الضاهر انه من الناتوش لما يحاول ينتش الفشقه وان سلكت وضبطت الامور ترمي اول فشقتين والثالثه تلك المشكله هذي حصلت بفشق ايلي 36

لكن الوضع تطور لما غيرت الفشق واستخدمت اولومبيا 32 ارمي لكن الناتوش ماينتش ابدا ولا يحاول ينتش يعني الوضع اصبح يدوي مثل ماترمي بالخرازه
لما ارمي لازم اعشقها كل مره عشان ترمي الفارغ وتلقم الفشقه الجديده

الي حصلت معه المشكله يعلمنا وش الدبره

[الوسم]

يبي لها تنظيف ومن ثم تزييت والله اعلم

[أبـو مـدمـر]

نظف نظف وبتسلك امورك إن شاء الله

[الحربي .]

هل هي جديده او مستخدمه واجد

[bbaass]

يا اخوان السالفه ماهي من التنضيف لاني منضفها من اول

والبندق انا شاريها جديده قبل سنه تقريبا

[الحربي حاتم]

تركيه وش تتوقع منها
والله يخلف عليك ويعوضك

[رائد النصار]

الله يسلمك هذا من السبرنق حق ذب الطلق يكون فيه ارتخاء لذلك ما تذب الطلق معك لذلك لازم تطلع القصبه لحاله لاحظ فيه مسمار يرجع معك اثناء الضغط فيه خابور طلع الخابور وشد السبرنق او غير السبرنق ورجع الخابور تضبط معك واتمنى اني افدتك

[سالم محمد]

المشكله في الصفره حقت الفشق الرديء مثل اولمبي فكتوري شدت .....الخ من الفشق التعبان
لكن حط فشق نظيف وصفرته شغل مصانع عالميه مثل كاكا ارسي
وشف الفرق

[ستيفنزالقصيم]

ثاني واحد اشوفه يعاني من الارثمس...الابره تتسذب وتلك

[ابو بدر4]

فكها قطعه قطعه ونظفها بقاز او بنزن

ثم نشفها زين وزيتها وركبها

هذا من عيوب الارتمس بتلقى برداة حديد مع التنظيف

ماهي مثل الشادن مثلا

موفق خير

[bbaass]

جزاكم الله خير جميع

اول شي بجرب تنضيفها ببنزين مثل ماقال ابو بدر

وان ماضبطت بجرب فكرة اخونا ناصر

واوافيكم بالنتيجه

[bbaass]

المشكله في الصفره حقت الفشق الرديء مثل اولمبي فكتوري شدت .....الخ من الفشق التعبان
لكن حط فشق نظيف وصفرته شغل مصانع عالميه مثل كاكا ارسي
وشف الفرق

يحصل معي بقشق ايلي

بجرب على الكاكا وان شاء الله تزين الامور

[ابوصالح3]

زيتها باستمرار كل مقناص نظفها وزيتها

[bbaass]

الحمد لله المشكله طلعت تنضيف

فكيناها قطعه قطعه ونضفناها وزيتناها

اشكرك الجميع على ارائهم وتفاعلهم