ياويش رجل في سموم القوايل....الحل:رجل الحفريات الخشبي..حله:ابوذيبان

[راعي العجراء]

السلام عليكم ورحمة الله وبركاته
لغز على الخفيف كرسترول اقل



ياويش رجل في سموم القوايل = هذا ويسهر طول ليله بالاخطار
رجل ولا هو من رجال الحمايل = قلبه فضيخ ولا يتعمق بالافكار
له وقفةٍ تحسب علينا جمايل = وان كان شكله مبدع فيه نجار
ياما وقف بدرب البنات الرحايل = يدلي بشكله من يشوفه وهو مار
مع تحياتي
اخيكم راعي العجرا
بروكسل

[شادي الشادي]

صح إلسانك ياراعي العجراء ولاهنت

وش رايك بالمخيول

[ذيب الفقارة]

وعليكم السلام ورحمة الله ويركاته

صح لسانك حبيب الكل

راعي العجراء

ها الرجال أظنه مر على في مكاتب الأمم المتحدة وطردته

تحياتي

[ذيب الفقارة]

طيب يا حبيب الكل

ما يصير

صورة الرجل اللي في إشارة المرور

[عطري]

و عليكم السلام و رحمة الله و بركاته

صح لسانك يا راعي العجراء

و سلمت أناملك على ما سطرت.

جميل هذا اللون الأحمر !!!

[راعي العجراء]

صح إلسانك ياراعي العجراء ولاهنت

وش رايك بالمخيول


هلا بك ياشادي الشادي
والمخيول حق المزارع والعصافير
اللي يوحش البعض يسميه بالفزاعه
تصدق اول مره شفته جتني النفاضه والى الحين وانا انتفض منه من الخوف
اذا طق واحد علي الباب اخاف اروح افتح له لازم اخذ معي الشغاله

مالك لوا ياطيب

[راعي العجراء]

وعليكم السلام ورحمة الله ويركاته

صح لسانك حبيب الكل

راعي العجراء

ها الرجال أظنه مر على في مكاتب الأمم المتحدة وطردته

تحياتي


هلا بك ياجدي ابو عدنان وصح بدنك يالغالي
يمكن مر عليك في الامم المتحده
وانا مر علي في منضمة العفو الدوليه اليونسيف
واذا هي رنعه مالك لوا ياجدي

[راعي العجراء]

طيب يا حبيب الكل

ما يصير

صورة الرجل اللي في إشارة المرور


مالك لوا ياجدي
اعبر لاتعبر
مره يقولولون عبر ومره يقولون لاتعبر
مايدرون ان الاملاء الى الحين وانا وياه مامن حال
وشلون يبوني اكتب تعبير عن كيف قضيت اجازتك الصيفيه
ورديت باختصار متجنب الاملاء
قلت تحت مكيف
مايدرون اني منسدح بين القربه والزير ومتوسد جحه يجي طولها متر تقول وسادة معاريس من اول
مع السلامه

[أم نورة]

صح لسانك أخوي راعي العجراء وعلا شانك

أتوقع الفخ وله اسم الشبك وهو من ادوات الصيد

[راعي العجراء]

و عليكم السلام و رحمة الله و بركاته

صح لسانك يا راعي العجراء

و سلمت أناملك على ما سطرت.

جميل هذا اللون الأحمر !!!


هلابك ياعطرنا الفواح
يالله حيوه
وسلمت اناملك وش معناها اناملك تقصد النمليه اللي يحطون فيها صحون وملاعق
جديده علي اناملك بس اعجبتني
اما عن اللون الاحمر
فقد مريت في مراحل النمو في جدران قلبي
قلب اخضر ثم تحول الى فوشي ثم الى وردي والحين وصلت الى اللون الاحمر
بعد جهد وجهيد
وعقبال اللون القربزي
دمت بسعاده مع السلامه

[راعي العجراء]

صح لسانك أخوي راعي العجراء وعلا شانك

أتوقع الفخ وله اسم الشبك وهو من ادوات الصيد


صح بدنك ياختاه يا أم نوره
وياويلتاه يا اخيتاه لم تصيبي الهدف
ادعو لكِ بالتوفيق

[ذيب الفقارة]

طيب ما يصير

الباب

تحياتي

[أم نورة]

طيب شرايك بعمود الإنارة اللي بالشوارع

[راعي العجراء]

طيب ما يصير

الباب

تحياتي


مالك لوا ياجدي ابو عدنان
تحياتي

[راعي العجراء]

طيب شرايك بعمود الإنارة اللي بالشوارع


الله يطيب حظك
ياأم نوره مالك لوا
حفظك الله

[ميكا مكشات]

كفر الاستبنه

[أم نورة]

طيب اسمحلي ياخوي ولو اني ازعجتك

طرا لي برج المراقبة حق الطيارات

او احد الابراج اللي فيها ساهر لمراقبة السيارات

[ابوذيبان]

الله الله الله الله

صح قلبك غالينا ، راعي الجزلات ملايييييييييييييييييييييييييييييييييين

ابداع وصياغة خبير . تبارك الله

رمعة ياجدي

الان عند الحفريات او التحويلات . يحطون مجسم على شكل عامل حفريات

ويلبسونه ملابس العامل . وتشوفه من بعيد كأنه عامل حقيقي وبيده خرقة او علم

وهو خشبي . والحقيقة . فكرته روووعة . احسن من سهم او برميل يحترق .

وسلامة راسك
0

[ابو اسامه 2]

صح لسانك ملاااين يا راعي العجرا
وبيض الله وجهك

وش رايك في

حاجز دخول وخروج السيارات
http://www.eg.all.biz/img/eg/catalog/7733.jpeg

تحياتي لك

[ابو اسامه 2]

راعي العجرا
الغازك حلوه يا حلو

[شادي الشادي]

وش رايك بعمود سكة القطار اللي على تقاطع السكه مع الأسفلت

[عابر الموج]

حياك الله مؤيد لرمعة ابو ذيبان لك تحياتي

[عدم الانحياز]

السلام عليكم ورحمة الله وبركاته
لغز على الخفيف كرسترول اقل



ياويش رجل في سموم القوايل = هذا ويسهر طول ليله بالاخطار
رجل ولا هو من رجال الحمايل = قلبه فضيخ ولا يتعمق بالافكار
له وقفةٍ تحسب علينا جمايل = وان كان شكله مبدع فيه نجار
ياما وقف بدرب البنات الرحايل = يدلي بشكله من يشوفه وهو مار
مع تحياتي
اخيكم راعي العجرا
بروكسل

المبدع راعي العجراء
الجزل من الجزل غير مستغرب
وبما أن اخواني واحبتي لم يتركوا مما يوجد على قارعة الطريق
الا وذكروه وسردوه فلم يتبقى لكي الا الصرافه متأملاً أن تفي بالغرض

تقبلني الله يقبلك

[النبهاني]

وعليكم السلام والرحمه
صح السانك ياراعي العجراء
والله يسعد صباحك بالمسرات
مع الربع يانبها
السهم لتحديد الاتجاه

https://encrypted-tbn0.gstatic.com/images?q=tbn:ANd9GcQW0DHYgNoyMxbV8VZRAs0Vhs8NGQuXp xt8aCwfGnKYcr7_wwgB

[هيل]

السلام عليكم ورحمة الله وبركاته
مداعبه رد الله يكفينا شر العجراء

ياويش رجل في سموم القوايل
هذا ويسهر طول ليله بالاخطار
رجل ولا هو من رجال الحمايل
قلبه فضيخ ولا يتعمق بالافكار
له وقفةٍ تحسب علينا جمايل
وان كان شكله مبدع فيه نجار
ياما وقف بدرب البنات الرحايل
يدلي بشكله من يشوفه وهو مار


عجراء وجلنبوصايل وجايل
ماكن لك بالبلد ياولد دار
ساعي بريد يادليل القبايل
من قبل كدالهاف راكب حمار
عقب الثمانين باقي قلايل
أركد قبل ماتقول صارماصار
أظنك مدوخل داخلك حمايل
عجزومعه شيبان كبار وصغار
مره على الموال تراقص تمايل
ومره تشكى من عجزوأعمار
الرمع عارظني في درب حايل
فنان من صنعه فنان بيطار
تحياتي

[راعي العجراء]

الله الله الله الله


صح قلبك غالينا ، راعي الجزلات ملايييييييييييييييييييييييييييييييييين

ابداع وصياغة خبير . تبارك الله

رمعة ياجدي

الان عند الحفريات او التحويلات . يحطون مجسم على شكل عامل حفريات

ويلبسونه ملابس العامل . وتشوفه من بعيد كأنه عامل حقيقي وبيده خرقة او علم

وهو خشبي . والحقيقة . فكرته روووعة . احسن من سهم او برميل يحترق .

وسلامة راسك
0


السلام عليكم ورحمة الله وبركاته
اعتذر منكم اخواني على هذا الرد الجماعي
وذلك لصعوبة الارسال والسبب يعود الى البطى في النت

واللغز حله ابوذيبان
وكفو يابو ذيبان عوايدك الرمعات القاتله
نعم رجل الحفريات الخشبي
حسب توضيحك للرمعه
ومع السلامه