الفرامل

[ssulltan]

بسم الله الرحمن الرحيم


موتري لكزس 400 موديل 1997

اعاني من يوم شريت السيارة من حذفه مع الفرامل قوية جهة اليمين

لا يوجد حذفه بدون الفرامل

رحت لصناعية و كلن يفتي

عموما غيرت التالي و لا نفع:

1- اصلاح للكليبرات الامامية و مانفع

غيرت كليبرات من التشليح و ما نفع

2- غيرت ليات للفرامل و لا نفع

3- طقم هوبات من التشليح مع الأقمشة سيراميك و لا نفع

4- لمبة ABS والعة غيرت الجهاز و لا تغير شيء و رجعته و فصلت و لا تغير شيء ما زالت والعة

5- وزن الكفرات متساوي

6- بدلت الكفرات و لا نفع



افيدوني جزيتم خيرا


طبعا اكثر الورش ما يضمن الشغل فاضطريت امشي على آرائهم اغلب القطع انا اركبها في الجراج و اروح انسم الفرامل عند الورش

[hassan-55]

جرب تفك القسام وتنظفه ببخاخ ايسيدلكو
الطريقه بتكلفك 15 ريال قيمة البخاخ
واعملها بنفسك سهله وماتاخذ وقت لعل وعسى تستفيد
اذا الزيت جديد اشفطه بالابره من العلبه وضعه بأي علبه فارغه ونظيفه
واذا قديم غيره

https://encrypted-tbn2.gstatic.com/images?q=tbn:ANd9GcRzBLNajQ5fbvUrbggkLvzvPyCwvpwpK Tao1dghNDrKBQ8vMbBk

الله ييسر امرنا وامرك وامر كل مسلم..

[ssulltan]

آمين

جزاك الله خير

القسام وين محله؟؟

انا واحد مره قال لي نفس كلامك بس ما عرفت مكان القسام

[hassan-55]

من علبة الزيت فوق
تابع الليات الحديد اللي طالعه منه لين توصلك على القسام

وللعلم انا بأذكر سالفه صارت لاخوي معه كامري
كانت الفرامل جهه تمسك وجهه لابأس
طبعا نسمت كذا مره من كل كفر يعني ما مشى الحال
فكيت القسام ونظفته يارجال والله الفرامل تغيرت كأنه مطلعها وكاله ماشاء الله تبارك الله

الشغله سهله وما تاخذ وقت كلها خمس صواميل تفكها وتطلع القسام برا وتنفخه بالبخاخ
ونشفه وركب

بعد التنظيف نسم الهواء لازم واحد يساعدك يدبل ويمسك وانت فك وشد مرتين الى ثلاث مرات
عند كل كفر


اسأل الله لنا ولكم التوفيق..

[ssulltan]

جزاك الله خير

[ssulltan]

تتبعت المواصير ما وجدت أي قسام

لقيتها متصلة المواصير بجهاز ال ABS وبعدين تتوزع للكفرات من الABS اللي يعتبر القسام


لبقية الكفرات

[باسل نجد]

سؤال أخوي :
هل سيارتك جاها صدمه من قبل ؟؟؟
لو كان إجابتك بنعم
أقولك ومتأكد ١٠٠٪ أنه منها .

ربي يبارك لك فيها .

[ssulltan]

نعم جاتها صدمة جهة الحذفة صدمة قوية

طيب الحل؟

لأن السيارة ما فيها مسحية و لا حذفة بدون فرامل

اللهم آمين جزاك الله خير

[ls1.5700]

واضحه مايبي له خبير
المشكله عندك وجود كليبر اقوى من الثاني
يعني واحد يجيه ضغط زيت ويمسك مضبوط والثاني يمسك ضعيف
مثل ماقال احد الاخون تاكد من القسام اللي يوزع الزيت للكفرات
يمكن مسكر او احد الكليبرات ماهو مضبوط او احد الهوبات مخروط والثاني لا
بالنسبه للصدمه اللي حاصله للموتر مالها دخل بالمشكله
لو بالشاصي ميول او شي كان يكون فيها ساحكيه
وتحذف من دون المسك على الفرامل
وللمعلوميه موتري ماطقه الشاكوش
ومع ذالك اذا مسكت فرامل يحذف جهت اليسار وانا عارف مشكلته
بس مافضيت اصلحه

هذا والله اعلم

[ssulltan]

المشكلة سويت اصلاح للكليبرات الأمامية

و نفس المشكلة

وغيرتها من التشليح برضه نفس المشكلة

و ما حصلت قسام
ال ABS يعتبر القسام

و غيرت طقم هوبات و خرطتها اول خرطه


و الله يعطيك خير موترك و يكفيك شره

شاكر لك