ما وظيفة ساعة الريوس في السيارة?

[laurel_200L]

ما وظيفة ساعة الريوس في السيارة

[ابوراكان تبوك]

حساس الريوس


يولع لمابات الريوس فقط عند التعشيق بـ R

[1824]

وش ساعة الريوس ذي ما فهمتك اخوي

[خيال الغلبا]

ماعرفنا ساعة الريوس ممكن توضح

[ناصح]

حساس الريوس


يولع لمابات الريوس فقط عند التعشيق بـ R


:good:...................

[ابوراكان تبوك]

وش ساعة الريوس ذي ما فهمتك اخوي

مصطلح قديم عند الكهربائيين القدامى جيل الطيبين

[laurel_200L]

حساس الريوس


يولع لمابات الريوس فقط عند التعشيق بـ R


اخوي ابو راكان ,, ممكن تفيدنا

عندي فيوز يضرب علي كل فترة وهالفيوز لا ضرب يصير المكيف ما يشتغل ولمبات الريوس ما تشتغل رحت لكهربائي قال غير ساعة الريوس وغيرتها !! ومشيت يومين ونفس المشكلة الفيوز يضرب ,,, رجعت للكهربائي قال الساعة اللي شريتها او القطعة معطوبة اشتري وحدة ثانية ,,,

ليش قال معطوبة هالحين اخبرك لانو فصلت الساعة من الكبس نفس الساعة فيها كبس والكبس الثاني اللي في السيارة المهم انا كنت فاصل الكبس وماشي بدون ساعة ريوس الكهربائي قال لو في التماس من الكبس اللي في السيارة يصير الفيوز يضرب عليك حتى والكبس مفصول لكن دام الكبس مفصول وما يضرب عليك يعني الساعة (القطعة الجديدة معطوبة)

اول اومس شريت قطعة تانية جديدة من منيف النهدي ,, المهم ركبتها ومشيت يومين وتاني مرة الفيوز يضرب ما اتوقع من الساعة اتوقع في التماس لاكن كيف اعرف مكان الالتماس !! هل من طريقة

مو معقولة الساعة تكون خربانة كل يوومين :(:(:(:mad::mad:

رجاءا اسعفونا لو سمحتوووو

*** السيارة شريتها مستعملة من صديق لي ,,, قبل 11 شهر تقريبا في البداية ما كان في اي مشكلة المشكلة ظهرت قبل شهر ونص !!!

[laurel_200L]

:(:(:(:(:(:(:mad::mad::mad::mad::mad::mad::mad:

[ابوراكان تبوك]

ليتك حددت نوع السياره

منيف النهدي قطعه أصليه ماعليها كلام
ركب فيوز اللحين يكون خفيف مثلا 10 ولو مقاس 5 افضل ( كــــــــ تجربه حتى ماتضرر القطع ويفصل بسرعه )
ودق ريوس شوف الفيوز يفصل او لا

ان مافصل

شغل المكيف ولاحظ الفيوز كذلك

انتظر ردك

[laurel_200L]

ليتك حددت نوع السياره

منيف النهدي قطعه أصليه ماعليها كلام
ركب فيوز اللحين يكون خفيف مثلا 10 ولو مقاس 5 افضل ( كــــــــ تجربه حتى ماتضرر القطع ويفصل بسرعه )
ودق ريوس شوف الفيوز يفصل او لا

ان مافصل

شغل المكيف ولاحظ الفيوز كذلك

انتظر ردك

شكرا عالرد :):D
ــــــــــــــــــــــــــــــــــــــــ

ياخوي السيارة يارس 2009 قير عادي

اخوي ابو راكان الفيوز اللي يحترق دايم في الدليل اسمه Gauge وقوته 10 امبير ,,, بس كان راكب 15 اللون الازرق (بحكم السيارة مستعملة شريتها)

هالحين ركبت فيوز 20 !!:):) اللون الاصفر قلت يمقن اكبر ويتحمل

الفيوز من اغيره يرجع كل شيء تمام المكيف يشتغل واللمبات حق الريوس تشتغل عادي لكن بمجرد ما يضرب الفيوز المكيف يفصل واللمبات تفصل

غيرت الفيوز كذا مرررررة يمقن 8 مرات متفاوتة على كم اسبوووع :(

وش تتوقع التماس صح !! طيب كيف اكشف مكان الالتماس !!! هل من طريقة ؟؟

[ابوراكان تبوك]

نصيحه لا تزيد قوة الفيوز عن الكاتلوج لانه رايح يتضرر السلك

الشغله عندك مختصره بين المكيف ولمبة الريوس ولو سويت الطريقه اللي قلت لك عليها ممكن تحصر موقع الالتماس أسرع

عموما هذا شرحي لاحد الاخوان بس كان الموضوع التماس غير معروف موقعه

كان عندي نفس مشكلتك سحبية كهرباء وغيرت بطاريتين على جي أكس أر 2002 ماخليت كهربائي مع ان السيارة مو ملعوب في ظفيرتها وقالوا عندك مشكلة في ظفيرة السقف ولازم نفك الديكورات كلها ويكلف حول 1500 ريال شغل يد:mad:
المهم ما اقنعت من هالكلام وشهرين من محل لمحل لين وفقني الله بمهندس سيارات المانية وجدته في أحد المنتديات الله يوفقه ودلني على طريقة اكتشفت فيها المشكلة وصلحتها بـ 300 ريال
الطريقة كالآتي :-
1- تشتري لمبة اختبار الكهرباء مثل هذه بـ 10 ريال
http://www.compareautomechanics.com/wordpress/wp-content/uploads/2010/07/test-light-courtesy-of-marineengineparts.com_.jpg
2- اغلق جميع الابواب واطفيء اي شي شغال في السياارة
3- افصل اصبع البطارية + الموجب واشبك طرف لمبة الاختبار في السلك ورأس المفتاح ضعه على اصبع البطارية الموجب +
4- اذا ولعت اللمبة بإضاءة قوية كأنك شابكها على البطارية اعلم انه 100% عندك التماس وتهريب كهرب
واذا كانت اضاءتها خفيفة جداً فمعناه انه لايوجد أي التماس
طيب اذا وجدنا التماس ولم نعرف مصدره نحدده بالطريقة التالية
دع مفتاح الاختبار مشبوك كما هو واللمبة مضاءة وأبدأ بفصل الفيوزات واحد واحد وراقب اللمبة اذا خفت اضاءتها معناه الخلل من الفيوز اللي شلناه ونقدر نحدد مسارة عن طريق الكاتلوج او نقوم بالفحص عن الجهاز اللذي انقطعت عنه الكهرباء مثلا وجدنا المسجل غير شغال بعد ماشلنا الفيوز معناه الخلل في ظفيرة المسجل او نفس المسجل ونروح نفكه ونرجع الفيوز ونراقب اضاءة اللمبة مره اخرى وهكذا
او بعد فك الفيوز تذهب لكهربائي وهو يحدد لك الخلل



انا بهذه الطريقة اكتشفت عندي التماس وتهريب كهرباء في الولاعه وذهبت للكهربائي وغير لي السلك من علبة الفيوزات الى الولاعه وشغل يده 300 ريال وفرت على نفسي 1200 ريال

واي استفسار اخوي انا حاضر

والله يوفقك

[laurel_200L]

:(:eek: ما ادري ان الفيوز الاكبر من الموضح في الدليل يضر السياارة !! كويس خبرتني احسن لا تصير لي مشكلة تانية في غنى عنها :)

مشكور والله ما قصرت رح اعمل الطريقة الموضحة وان شاءالله اكتشف مكان الالتماس شكرا لك ولجميع الاعضاء الكرام وللمنتدى الكبير الاكثر من رائع : ):good2:

[laurel_200L]

سلام يالربع كيفكم

اليوم كنت بركب لمبة بروجيكتور لباب السيارة

وفكيت الديكور حق الحزام ووجدت اسلاك الظفيرة{اسلاك الباب الخلفي لباب السائق } مكشوفة وملتصقة مع بعض !!!!!!؟؟؟؟؟؟؟!؟!؟؟!

هل سبب الالتماس لحساس الريوس من هذي الاسلاك الملتصقة مع بعضها ومكشوفة
ملاحظة مكان الظفيرة صار حادث من مالك الاول للسيارة وما كنت ادري }

ـــــــــــــــــــــــــــــــ

استفسار ثاني سلكين لمبة البروجكتور وش لون اشبكها مع حساس الباب !!!

حساس الباب له سلك واحد بس لون احمر كهرباء والسالب من نفس الحساس ينربط بسمار عالبودي انا شبكت الموجب مع الكهرباء {حساس الباب} والسالب مع البودي اللمبة تشتغل لكن بالمقلوب اذا فكيت الباب اللمبة تنطفي واذا صكرت الباب اللمبة تشتغل ماهي الطريقة الصحيحة ؟؟ وشكرا