فزعتكم بخصوص الهوائية

[الكامن]

السلام عليكم
مالي خبرة بالهوائيات لكن الولد مزعجني يبيها
لاراح لخواله يتقنص استشرت ودلوني النشاما
على ديانا 27 شريتها من صاب
المهم اليوم استلمتها وجربتها وقعها يهول القلب
ووزنيتها ماشاء الله مع اني ماحركتها
المشكلة يوم افلكها والله اني اجيب جهدي كله يالله
تنفلك !! الولد ما احتال يفلكها
هل هذا طبيعي علشانها جديدة مثلا والا عايبة

[ابو عمر النوح]

للرفع

يا جماعة اللي له خبرة يفيد أخونا الكامن

أنا أشوف كونك تجيب جهدك عشان تفلكها ما أظنه طبيعي أنا عندي ديانا 45 و من شريتها و أنا صغير كان كسرها ما يصل للجهد

و رأيي تاخذها لهم يجربونها إن كانه طبيعي يعلمونك و الا تخليهم يعطونك وحدة جديدة تجربها عندهم و تقارنها باللي باعوك و هذا من أقل حقوقك

بس لا تجرب اللي في العرض عندهم لأنها مستهلكة و من سنين و هي تفلك من الناس

[الكامن]

ابوعمر
سلمت ولا ندمت
رحت لهم واشغلني المصري هيا كدا هيا كدا
لين فقع راسي وخليته... يقول مع الايام كثر الفلك تزين
بيني وبينه الله... ولاهنت على كل حال

[جني صغير]

اجل لو تجرب كسرة جامو 85 اسبانية بستم

اللي مهب متعود بيجيه عضلات

[ذاكرة الغيم]

والله ياخوك اشوف ان وضعها ماهو طبيعي
لأن المقاس صغير 27 والسبرنق ماهو قوي حتى يحتاج جهد منك
لذا انصحك تردها وتاخذ غيرها

[أبو المقانيص]

انا شريت فايروخ 35 وبالفعل إذا بغيت افلكها الاقي صعوبة .. واتوقع السبب لأنها توها جديدة ومع التكرار بتظبط والعلم عند الله

[عبار درب]

اكسرها و خلها يومين او ثلاثة و ارجع جربها بتلقاها لانت

[الكامن]

سلمتوا ولاندمتوا
اخوي عبار الدرب تقصد اكسرها واخليها مكسورة؟

[XxابومحمدxX]

ال٢٧ مب ذاك الزود كسرتها حبيبه

[XxابومحمدxX]

ال27 مب ذاك الزود كسرتها حبيبه

[اتحشى الهم]

ياهلا وغلا بلجميع
بخصوص اعلانك وسوالك عن الساكتون انا شريت دينا قبل فتره 27 والله انه ذبحتن بكسرتها لاكن مع الرمي كل مالها تخف
وهذا طبيعي خذ الكلام مني ومع الايام وكثر الرمي تخف وعزالله انها بارود حلوه وفالك الشحم