كشته 111
07/12/2006, 12:29 PM
السلام عليكم ورحمة الله وبركاته
مساكم الله بالخير والصحه والعافيه , الموضوع منقول :
احبائي الغاليين مشرفين واعضاء منتديات مكشات حبيت انقل لكم قصيدة شاعر
يحب المقناص والبر وشبة الضو ورفقة المناعير
لكم القصيده يا خيمة القصائد المكشاتية :
>< .. مقناص .. ><
ياما حلا المقناص ياسميح الذيب ........... يبعد عماس القلب واقسى الغرابيل
من عصر اوايلنا وهو فيه ترغيب .......... كل حكى به بالشعر و التماثيل
واحلى القنص من دون شك ولاريب ......... يوم انه برفقة قروم مشاكيل
ربع يعرفون السنع و المواجيب ......... نفوس خفيفات ولاعنك تفضيل
لابانت الصيده نطقنا التراحيب .......... وليا كسبناها نسينا العراقيل
لحم القنص مطلب وحنا خطاطيب .......... وكلش حلو وقته بنكهة السيل
نصيد ماصدنا بكل الاساليب .......... نرمي ونلحق في الوعر والغراميل
وليا انتهينا واقنعتنا المكاسيب .......... ناقف نعد ارباحنا والمحاصيل
نختار منزال عديم العذاريب ........... كف ورفاع مارعت بأرضه الخيل
نبدأ نعد الجلسه بكل ترتيب ............ ونذكر دعا المنزل مع زود تهليل
احد خذا سلاح القنص بامقاضيب .......... فرغ حشاها لليالي المقابيل
وواحد يشب اللي لها ريحة الطيب .......... نار تقابس تنتظر للمعاميل
في حرها البرد وكيف وتطريب .......... عطر المكان بحضرة الشمس والليل
وان جا غروب الشمس ننسى اللواهيب ..... شي يشد العين من دون تهويل
يطرد نهار ليل مثل الدواليب .......... والرابح اللي فاز يوم التهاويل
وعقب الصلاة ندير سود العراقيب ......... تلقى بها المسمار والبن والهيل
ومعها تمر من خير جلب الجلاليب ......... تسمع على وقت الغروب الفناجيل
مع كل فنجال يمر اللغابيب ......... كنك تشوف اللي رموشه مظاليل
ثم بعد راحه تزيد المطاليب ......... وين العشى وين الدسم يالرجاجيل
نفزع نجيب اقدورنا والمراكيب .......... وان ماحصل قمرا نشب القناديل
كل على ماقال مرسال ويجيب .......... سعة صدر مابه تكلف وتمثيل
ويصلح الشاهي ويقفاه تسريب ........... اللون داكن والحلا فيه تدبيل
نأكل من المقسوم واصفى المشاريب ....... ونحمد ولي الكون عقب التساهيل
يالله يالمعبود ياعالم الغيب .......... تكتب لنا مع رفقة الخير تطويل
مانفترق مهما مضى الوقت والشيب ........ وارجيك تهدينا لبيض المداهيل
واختامها صلو على مجنب العيب .......... على النبي تعداد قطر المهاليل
وصح الله لسان الشاعر والقناص / عبد العزيز الصدي
ماشالله على هذا الشاعر صور لنا رحلة المقناص مع ادق تفاصيلها
الله والله ذكرني بايام حلوه ليتها تعود
لكم مني كل الود والاحترام والتقدير واتمنا من كل قلبي تنال اعجابكم ورضاكم
اخوكم / كشته 111
وسلامتكم والسلام عليكم ,,,
مساكم الله بالخير والصحه والعافيه , الموضوع منقول :
احبائي الغاليين مشرفين واعضاء منتديات مكشات حبيت انقل لكم قصيدة شاعر
يحب المقناص والبر وشبة الضو ورفقة المناعير
لكم القصيده يا خيمة القصائد المكشاتية :
>< .. مقناص .. ><
ياما حلا المقناص ياسميح الذيب ........... يبعد عماس القلب واقسى الغرابيل
من عصر اوايلنا وهو فيه ترغيب .......... كل حكى به بالشعر و التماثيل
واحلى القنص من دون شك ولاريب ......... يوم انه برفقة قروم مشاكيل
ربع يعرفون السنع و المواجيب ......... نفوس خفيفات ولاعنك تفضيل
لابانت الصيده نطقنا التراحيب .......... وليا كسبناها نسينا العراقيل
لحم القنص مطلب وحنا خطاطيب .......... وكلش حلو وقته بنكهة السيل
نصيد ماصدنا بكل الاساليب .......... نرمي ونلحق في الوعر والغراميل
وليا انتهينا واقنعتنا المكاسيب .......... ناقف نعد ارباحنا والمحاصيل
نختار منزال عديم العذاريب ........... كف ورفاع مارعت بأرضه الخيل
نبدأ نعد الجلسه بكل ترتيب ............ ونذكر دعا المنزل مع زود تهليل
احد خذا سلاح القنص بامقاضيب .......... فرغ حشاها لليالي المقابيل
وواحد يشب اللي لها ريحة الطيب .......... نار تقابس تنتظر للمعاميل
في حرها البرد وكيف وتطريب .......... عطر المكان بحضرة الشمس والليل
وان جا غروب الشمس ننسى اللواهيب ..... شي يشد العين من دون تهويل
يطرد نهار ليل مثل الدواليب .......... والرابح اللي فاز يوم التهاويل
وعقب الصلاة ندير سود العراقيب ......... تلقى بها المسمار والبن والهيل
ومعها تمر من خير جلب الجلاليب ......... تسمع على وقت الغروب الفناجيل
مع كل فنجال يمر اللغابيب ......... كنك تشوف اللي رموشه مظاليل
ثم بعد راحه تزيد المطاليب ......... وين العشى وين الدسم يالرجاجيل
نفزع نجيب اقدورنا والمراكيب .......... وان ماحصل قمرا نشب القناديل
كل على ماقال مرسال ويجيب .......... سعة صدر مابه تكلف وتمثيل
ويصلح الشاهي ويقفاه تسريب ........... اللون داكن والحلا فيه تدبيل
نأكل من المقسوم واصفى المشاريب ....... ونحمد ولي الكون عقب التساهيل
يالله يالمعبود ياعالم الغيب .......... تكتب لنا مع رفقة الخير تطويل
مانفترق مهما مضى الوقت والشيب ........ وارجيك تهدينا لبيض المداهيل
واختامها صلو على مجنب العيب .......... على النبي تعداد قطر المهاليل
وصح الله لسان الشاعر والقناص / عبد العزيز الصدي
ماشالله على هذا الشاعر صور لنا رحلة المقناص مع ادق تفاصيلها
الله والله ذكرني بايام حلوه ليتها تعود
لكم مني كل الود والاحترام والتقدير واتمنا من كل قلبي تنال اعجابكم ورضاكم
اخوكم / كشته 111
وسلامتكم والسلام عليكم ,,,