استشاره دربيل سايز مقاس 10×25 لأصحاب الخبره

[مسوق محترف]

السلام عليكم ورحمة الله وبركاته
يالربع شريت عدد 2 درابيل سايز
من امازون من هذا الرابط
http://www.amazon.com/gp/aw/d/B001LKL610?cache=2ca97759cf5d7cb4ccb4bf6ce9981cc8&pi=AC_SX110_SY165_QL70&qid=1411616222&sr=8-5#ref=mp_s_a_1_5
وهي فالطريق الآن انتظر وصولها
لكن فيه بعض الربع قالوا إن سعره غالي وقالوا أنه صيني

وأبي من أهل الخبره التوضيح
هل النوعية جيده وكم اسعارها فالسعودية واللي عنده لغه يعلمنا بتعليقات اللي
شروه على الرابط اشوف تقييمهم جيدا 5 نجوم لكن مادري وش يقولون

[مسوق محترف]

ماهو صيني بس ما ادري اذا غالي أو لا بس مقاس 25 جدا ضيق و بالنسبة لي مستحيل اشتري دربيل بهالمقاس بالنسبة لسعر اكيد انه أرخص من هنا بس ما ادري من سعره هنا لكن مستحيل الرمايه يكون أرخص من أمازون
مرحبا يابو رغد وصدقت من ناحيت الحجم 25 ضيق شوي
لكن اللي أعجبني أن حجم الدربيل ماهو كبير
وبيض الله وجهك على الافاده والتطمين
وفي انتظار باقي الإخوان اللي عنده معرفه وتجربة لايبخل علينا

[راح الأمل]

غالي لو بهالسعر ماخذ زايس مقاس اكبر مستخدم نظيف كان افضل من وجهة نظري

[عطيه الدوسي]

وعليكم السلام ورحمةالله وبركاته
دامك شريت مبروك ماشريت
أعتقد أن السعر بهذه المواصفات غالي مع العلم أن ماركة زايس غالية الثمن
دائما اذا بغيت تشتري دربيل خذ بعين الاعتبار أن
1_الرقم الصغير يرمزإلى قوة التكبير 10 يعني يكبر الأشياء عشرة أضعاف
2_الرقم الكبير يرمزإلى اتساع قطر العدسة أو مجال الرؤية
كل مازاد الرقم الصغير زادت قوة التكبير وكل مازادالرقم الكبير زاد اتساع مجال الرؤية والوضوح

[هداج تيما]

الدربيل ممتاز جدا(عن تجربه) خاصة إذا هو من نوع *T*P
والسعر ممتاز لهذا المقاس، ومعلوم إن حجمه مناسب للجيب وخفيف جدا
ولا شك إن هذا يكون على حساب سعة الرؤية.
صناعته اوروبية (المجر) في مصنع زايس الكبير هناك

[معاذ العلي]

الدربيل ممتاز جدا ونوعية طيبة ومرغوبة
لاشكلا ولا خدمتا ولاغيره .

فالمهم أعتقد أنك وفقت باختيار هذا النوع من واقع خبرة .
والسعر رائع

[أبوحور]

هذا دربيل جيب ويعتبر من افضل الدرابيل الصغيرة الحجم سعره مرتفع لأنه زايس وهذا سعره اللي يقولك غالي مايعرف الدرابيل