تهريب وجه الدفرنس للجمس!

[يزيد 999]

السلام عليكم ..

مساكم الله بالخير


الحاصل أخذت موتر الوالد (تاهو 2005) وكان فيه حذفه يمين فمريت لي ميزان وقلت له شيك لي على بطن الموتر كامل بعد ماخلص قالي يبيله ميزان وترصيص قلت مهب مشكلة بعدها ناداني وقالي فيه تهريب بوجه الدفرنس الخلفي (تندية) فقالي جب وجه ومعجون ومدري كم علبة زيت قلتله الموتر من وكالته ماغيرت زيت الدفرنس حقه واللحين يوم مشى 300000 أبغيره!

فسؤالي يااخوان وشرايكم أزود الزيت وأتوكل على الله ؟ ولا أحط سليكون على الدفرنس من برا عشان مايهرب ؟ مع العلم ان الدفرنس مافيه لا أصوات ولا حنة ولاغيره الحمد لله

[يزيد 999]

وش دعوى ولا رد؟

أقل شي ردوا السلام..

[MSAN]

هلا بك

التندية مامنها ضرر ابدا الا اذا بدا يقطر
اذا انه يقطر معناته الدفرنس ينقصه زيت
في هالحالة اذا لابد انك تفكه افكه وضبطه ثم رجع نفس زيته فيه وانتبه للنظافة



بالتوفيق

[ريان2002]

وعليكم السلام ورحمة الله
بالنسبه لتغيير الزيت فأنا عندي يوكن ٢٠٠٢ أنعدم فيه واحد من العكوس فأضطريت أغير الزيت لأني بأفك غطاء الكرونه
وكنت متخوف يطلع فيه حنه لأن من وكالته ماتغير وكان ماشي ٣٥٠ ألف فغيرت الزيت بأصلي وأضفت علبه مانع إحتكاك والحمد لله صلحت عطل العكس وماحنت الكرونه
بالنسبه لحل التهريب اللي عندك فهو على حسب كميته إما تغير الوجه أو تشوف له حل بدون فك أو تظيف له زيت

[ك و ح]

ابد شد مسامير الغطاء حق الكارونه واتكل على الله

[1824]

توكل على الله وغير الوجة وطلع الزيت ونظف بفوطه نظيفة وطلع كامل الزيت والرايش من داخل ونظفه مذبوط بس اذا تكسر في السنون الداخليه هنا رجع الزيت القديم وزودة وان شاء الله ما يطلع صوت واذا مافي تكسر داخل وباين انه بحاله ممتازة غير الزيت بزيت اصلي من الوكالة ضروري من الوكالة بالعيار حقه خذه برقم الشاصي بدون دواء حنة لا تضيف دواء حنة لان دفرنسك من نوع G80 لا يحتاج لدواء حنة فقط زيت اصلي وتوكل على الله وان شاء مافي لا صوت ولا شيء بالتوفيق لك

[صاروخ الغطغط]

اغلب الناس اذ كان في الدفرنس تهريب يفكه ويغير وجه ويرجع زيته فيه وانت اذ كان تنديه شيك على زيت الدفرنس اهم شي لايكون ناقص او مليان والتنديه يغسلها البنشري بقاز ونا اتوقع مامنها ظرر بس اذاكان الزيت يرش على الدفرني ويلوسه غير وجه

[رفيع المقام]

ما أزيد على كلام أخوي صاروخ الغطغط
وفىَ كفَى