مشكلة عداد الاندكروزر

[المرعضي]

السلام عليكم
ياخوان موتري هدد 2007
بالمطر الشديد عندي العداد يفصل بالكامل :D
وش الحل يارجال ؟
ياليت اللي عنده علم يفيدنا وجزاكم الله خير

[ابوخضران]

يفيدونك الشباب ان شاء الله

[يالبى الهلا]

عندك أسلاك مكشوفة اسفل معرضة للماء وأقرب شئ حساس الدبل تأكد منة أو من حساس الريوس هذي اسلاكها خارجية بالقير اسفل

[ابوراكان تبوك]

+
شوف سلك حساس السرعه والجلده اللي عليه من برا

لانه عندك الحساس الكتروني احتمال الاسلاك حقت الحساس مجرحه وتلتمس مع المطر

[المرعضي]

جزاكم الله خير..
انا وديته للكهربائي ويقول هذا عيب مصنعي باللاندكروزر هالنوعيه..
الماء على كلامه يجي للظفيره وتفصل العداد.. لكن من وين .. الله اعلم .
بالنسبه للاسلاك مافيه شي مكشوف..؟ هل من حل.. لو مؤقت ؟

[راعي الرود]

اذا الموتر تماتيك يجي الحساس على جنب بالقير مشبوك تأكد من فيش حساس السرعه و تابع السلك يمكن متجرح واذا جاه ماء يبدأ يشكل معك
طبعاً هذا لو ان الطبلون سليم بس العطل في عداد السرعه ماعاد يمشي و ماعليك من كلام اللي شيك لك تأكد عند اكثر من واحد لان فيه عيب بحساس السرعه في اللاندكروزر 98 - 2007 بالحساس نفسه و بالفيش حق الحساس

اما لو الطبلون نفسه تطفى انوارة و حتى عداد الضغط يطيح ويرجع يشبك بسرعه هذي افياش الطبلون اللي بالخلف يبي لها شد و تحصل اذا انفك الطبلون و رجعته بعضهم مستعجل مايركب الافياش زين لانها قلق شوي اسلاكها قصيره و في الافياش مسمارين الفيش اليمين واليسار شد عليها بالسكروب

و القير العادي والله اعلم ان الحساس يجي بالاعلى في القير ما تأكدت من هالمعلومه

[ابوراكان تبوك]

اذا الموتر تماتيك يجي الحساس على جنب بالقير مشبوك تأكد من فيش حساس السرعه و تابع السلك يمكن متجرح واذا جاه ماء يبدأ يشكل معك
طبعاً هذا لو ان الطبلون سليم بس العطل في عداد السرعه ماعاد يمشي و ماعليك من كلام اللي شيك لك تأكد عند اكثر من واحد لان فيه عيب بحساس السرعه في اللاندكروزر 98 - 2007 بالحساس نفسه و بالفيش حق الحساس

اما لو الطبلون نفسه تطفى انوارة و حتى عداد الضغط يطيح ويرجع يشبك بسرعه هذي افياش الطبلون اللي بالخلف يبي لها شد و تحصل اذا انفك الطبلون و رجعته بعضهم مستعجل مايركب الافياش زين لانها قلق شوي اسلاكها قصيره و في الافياش مسمارين الفيش اليمين واليسار شد عليها بالسكروب

و القير العادي والله اعلم ان الحساس يجي بالاعلى في القير ما تأكدت من هالمعلومه

كلهم نفس الموقع تقريبا في ذيل الجربكس

[المرعضي]

اخوي راعي الرود - اخوي ابو راكان
اشكركم على المداخله ولاهنتم .
لكن اللي يفصل مو عداد السرعه وبس... الطبلون بالكامل..
عداد السرعه + الضغط+ الحراره + البنزين + الزيت .. ولابوتس من حاله:D
اتوقع لو كانت المسأله بتركيب الأفياش ليش مايفصل مع المطبات..
انا مشكلتي مع المطر القوي...لاسالت الشعبان طفى العداد عندي :D

[متميز2010]

هلا اخوي انا كانت معي نفس المشكلة,,
جيب فاكس ار2003
العيب تهريب الماء ينزل مع القوائم الي في الجنب(الي بين القزاز الامام وقزاز الراكب هذا هو القائم)
ثمل ينزل علي علبه الفويزات الي جنب ارجل السواق والركاب هذي المشكلة..
الحل:
فيه في السيارة فوق المسامير الي يثب فيها الشبك تحصلها مفتوحها سكرها وان شالله تنحل المشكلة..
وتكدا من ان القزازه الاماميه سليمه مافيه اي تهريب..
واذا عندك اي استفسار مستعد ارسل رقمي لك علي الخاص

[nayf01]

فيه مجمع فيوزات تحت الكبوت او حول البطاريه تاكد ان الموية ما تجيه