لاتقولون أم نوره اشنوحها...................الحل:قايش....حله:ابوصالح الخلاوي

[أم نورة]

مساءالخير..


لغز جديد..









جاكم اللغز السِّمين المِرتوي = ولاتقولون أم نوره اشنوحها

مايِحِلِّه كود حلّالٍ ذكي =ساكنٍ فوق الغِطا وصروحها

منشدي رجلٍ توسّط جسم حي = اربع حروفه وهاك اشروحها

وسْطه كلمه فيها تسأل عن شي = ولابغيت اتخَيِّر أحدٍ شوحها

وإن حذفت الرّاس كلمة مثل ذي = مِثِل شنهو أو شنو بوضوحها

وإن حذفت الثاني تلقى هِي هِي = وِحده مائيّه حذار تلوحها










وسلامتكم

[أبو صالح الخلاوي]

صع لسانك على اللغز ياام نورة

ورمعة عجلة

الحزام اللي يلبسون العسكر يسمونه ( قايش ) ؟؟

[أم نورة]

كفووووو كفووووو كفوووو
كفوووو كفووووو كفوووو
كفوووووو كفووووو كفووووو


بالفعل أستاذي الكريم أبوصالح الخلاوي مابعد رمعتك رمع

الحل
قايش






مثل ماتفضلت

ورمعة في الصميم


رجل توسط جسم حي قايش

وسطه كلمة فيها تسأل عن شي ولابغيت اتخير احد شوحها
كلمة أي وهي اداة للتخيير
وشوحها يعني ارميها وقولها

وان حذفت الراس كلمة مثل شنهو او شنو وهي كلمة ايش

وان حذفت الثاني وحدة مائية وهي القيش

ودايم بالبحر نعبر بهالكلمة ونقصد فيها بداية العميق والغريق

واحيانا نقول فلان مايعرف القيش


ماشاءالله عليك

ماشاءالله عليك

الله يزيدك من فضله

[أم نورة]

ولاتقولون ام نوره اشنوحها.. أقصد لاتجاهي للناحية العسكرية اليوم

الصبح لغزي دبابة والعصر قايش

والله يستر :)

[ابوذيبان]

الله الله الله

صح قلبك مبدعتنا ، ديمة الابداع ملاييييييييييييييييييييييييييييييييين

ابداع غير مستغرب وكفووووووووووووو

،،

وكفوووووووووووووووووووووووووووووووووووو


غالينا . ابوصالح الخلاوي كفوووووووووووو

عزالله رمعة في القلب . تبارك الله

وتقاضيت من سلك اللنمبة هههههههه


بيض الله وجيهكم

0

[أبو صالح الخلاوي]

تسلمين ياام نورة وصح بدنك

وتسلم يابو ذيبان ، وأنا قايل لابو ماجد تراي جاي وبقوة >>> الله يستررر

[أم نورة]

تسلمين ياام نورة وصح بدنك

وتسلم يابو ذيبان ، وأنا قايل لابو ماجد تراي جاي وبقوة >>> الله يستررر



الله يسلمك اخوي ابوصالح..

وحياك الله .. وكلنا بانتظار هذا القدوم القوي ..