اقرب طريق من القصيم الى وادي الدواسر ويكون الأحسن

[علم سته]

السلام عليكم ورحمة الله وبركاتة
كيف حالكم ياخواني
بغيت استفسر عن اقرب طريق من القصيم الى وادي الدواسر يكون طريق زين وكم تكون المسافة
وش القرى والمحافظات والمركز اللي بيها وهل هو مزدوج

[أبوسعد111]

وعليكم السلام ورحمة الله وبركاته
هلا بك

القصيم - الرياض - الدلم - حوطة بني تميم - الافلاج - السليل - وادي الدواسر
من الرياض للقصيم 370 كيلو
من الرياض لوادي الدواسر 550 أو 600 كيلو
تقريباً

وسلامتك

[علم سته]

الله يسلمك
بيض الله وجهك

[أبوسعد111]

الله يسلمك
بيض الله وجهك

ووجهك

موفق

[مدرس في نجد]

وعليكم السلام ورحمة الله وبركاته
القصيم الرس ضريه الدوادمي الرويضة الحصاة الأفلاج السليل وادي الدواسر
أو القصبم الرس ضرية ساجر مزعل القويعية الرين مفرق الأفلاج السليل وادي الدواسر
أو القصيم الرس ضرية الدوادمي الرويضة الحصاة كبري حدا وادي الدواسر مختصر جدا
وأحسن من اللفه القصيم الرياض الخرج الدلم حوطة بني تميم الأفلاج السليل متعب وطويل ومطبات صناعية


تحياتي

[نمبر1]

وش يوديك من الرس الى ضريه ثم ترجع الدوادمي
من الرس الى ضريه 160 كم ومن ضريه الى اادوادمي 170 كم
الطريق الافضل الرس ثم دخنه نفي الدوادمي 190 كم فقط ثم الرويضه 120 كم من الدوادمي
باقي الطريق ماعرف عنه شي

تعقيبي على مدرس في نجد

[الجنوبي2020]

الله يوصلك بالسلامة



أنصحك بطريق القصيم الرياض حوطة بني تميم الافلاج الوادي

[رزم الغرب]

أفضل طريق القصيم بريدة عنيزة المذنب ساجر المجمدية القويعية الحصاة .....

[راعي الرجم]

أقرب طريق : عنيزة روضة مساعد الأحمدية دخنة = 85 دخنة الشبيكية مبهل=50 مسكة ضرية عفيف=170 ظلم=150 الخرمة =85رنية=120 وادي الدواسر=200 هذا اقرب طريق ومن الافضل السير نهاراً

[محب الجهاد]

خذ الوصف بارك الله فيك
من بريدة للقويعية ٣٢٠
من القويعية - الرين - الحريق - الحوطة ٢٢٠ تقريبا
من الحوطة - ليلى ١٤٠
من ليلى - وادي الدواسر ٣٠٠
المجموع ٩٨٠ كلم
الخط ممتاز آمن محطات متوفرة سافر في اي وقت وإن كان النهار بالنسبة لي أفضل
أرى أن اقرب طريق كما كتبه الأخ الفاضل راعي الرجم

[اسهيل]

افضل طريق القصيم شقراء الدوادمي القويعيه الرين الافلاج الوادي