تكفون شباب استفسار حرارة اللاندكروزر

[راعي الاف جي2]

السلام عليكم ورحمة الله وبركاته
اولا موتري هدد 2004
يا اخوان انا امس وديت الاهل مشوار
المهم وقفت بالمواقف وكان زحمة سيارات والمواقف مافيها تهويه يعني حوش
المهم شغلت المكيف وانتظرت الاهل تقريبا 3 ساعات يوم جيت بحرك الا الحراره فوق النص يعني ماباقي الا شرطة وتوصل فل
واطفي الموتر وافتح الكبوت وانتظرته لين برد وشغلته وحركت والحراره على الشرطه 2

للعلم يا اخوان الموتر الحمدلله ماقد سخن معي
هل هذا طبيعي ؟
ولا يحتاج اشيك عليه

[عاشق الهدد051]

و عليكم السلام و رحمة الله و بركاته
معليش بس ما عرفت هل الحرارة وصلت
ثلاث ارباع و لا لا و لو يحصل صورة توضح فيها
شف حرارة اللاندكروزر الى تحت النص بشوي
طبيعية اما اذا تعدت النص عندك مشكلة
و اذا بغيت توقف مرة ثانية افتح الكبوت
و بتشوف الحرارة على الثلث بإذن الله
و هالكلام من واقع تجربة شخصية

[راعي الاف جي2]

بيض الله وجهك ياعاشق الهدد
يعني ان شاء الله طبيعيه ؟
لا ان شاء الله التوبه ماراح اشغل الموتر واشغل المكيف وهو واقف

صراحه صورته وموجوده عندي صوره
هو على الخط ماقبل الاخير
بحاول ان شاء الله ارفع الصوره

[ابوراكان تبوك]

ما يجيه اي ضرر ان شاء الله لانه مر علي نفس موقفك بغت تصك الحراره h وحليت المشكله

المهم الآن كيف الحراره مستقره ولا يحتر الموتر بسرعه

[يالبى الهلا]

دائما عند وقوف السيارة في المواقف حاول تفتح الكبوت ليتنفس الموتررررر والمراوح تطرد الحرارة خارج المكينة خاصة المراوح الكهربائية تساعد مع مروحة شد البلد ممتازة جدااااااا خاصة للاجواء الحارة تساعد على نقص في الحرارة ولاهم الربلات الموجودة على الرفارف الخارجية مهمة جدااااااا
تساعد على تخفيف الحرارة

[عاشق الهدد051]

لا ان شاء الله ما عليه الا العافية
بس انت شيك على نظام التبريد للاحتياط بس
و مثل ما قلت لك وقف وخل الكبوت مفتوح
و ما تشوف شر انت و موترك

[1824]

شيك مروحة المكيف تشتغل ووشيك الموية فل حقت الراديتر وان شاء الله خير

[A L - F A I Z]

وعليكم السلام ورحمه الله
الوضع طبيعي انا مثلك اذا جلست فوق نص ساعه واقف
والمكيف طقتين ترتفع
الجو حر وغير كذا مكانك كان مقفل
فان شاء الله الامور تمام

[الزنون]

غير البلف وركب بلف ديزل