معاد تنفع الثمامة هاليومين [الأرشيف]

مشاهدة النسخة كاملة : معاد تنفع الثمامة هاليومين

ليالي المكشات

07/12/2006, 05:00 PM

:no2: معاد تنفع الثمامة تدرون لية لاسباب التالية.............................

اولا- بسب كثر فيها الجنس الثالث الي يطلعون بطونهم ويلبسون الضيق سدوا نفسي عن الثمامة انحشنا منهم من المقاهي لحقونا في الثمامة

ثانيا- بسب هالشباب العليمية يروعوني يجوبون هالجيوب ويطعسون ويستعرضون على ايش يستعرضون:mad: على طعيس ترقاه اكسنت يقالك طيور بر

الشباب التالي خرب خرب خرب ........................

عريدان

07/12/2006, 07:52 PM

الله الهادي سبحانه نسأله إنه يهدينا ويهديهم. أمين

غضنفر

07/12/2006, 10:22 PM

الثمامة من سنين معد تنفع
صارت مجمع للسمرمد وقليلين الادب

نقا خريم

07/12/2006, 10:32 PM

الثمامة من سنين معد تنفع
صارت مجمع للسمرمد وقليلين الادب
:D :D :D :D :D :p :p :p :p :p
ههههههههههههههههههههههههههههههههههههههههههههههههه
صدقت
لكن قل آمين
الله يهدي شباب المسلمين ويوفقهم لما فيه الخير

مجرد انسان

08/12/2006, 06:06 PM

كلام سليم..........
الثمامة ما تطاق والخط تبعها بعد ما يطاق

بواسامه

08/12/2006, 06:14 PM

منذو مبطي
طعس وجنز
وعزبه وغداء جاهز
ومتناقضات كثير
وبانشي وبنات
وقلة حياء مالها وصف

الضاري

08/12/2006, 06:20 PM

اللهم أهدي ظال المسلمين وردهم للحق ردا جميلا يارب العالمين

شي محزن والله أن نرى مثل هذه الأشكال التي تتشبه بالنساء

الفتى المجازف

08/12/2006, 08:47 PM

راجع هذا الرابط واستمتع بقصص الثمامة.

http://www.mekshat.com/vb/showthread.php?t=48169 (http://www.mekshat.com/vb/showthread.php?t=48169)

تحياتي للجميع

أسامة

08/12/2006, 09:07 PM

فعلا كلام سليم
الحياء نزع
حرمة تسوق دباب قدام الناس !!!!!!!!!!!!!!!!!!!!!!!!!!
متى صار هذا ؟؟؟؟؟؟؟
يارب لاتؤاخذنا بما فعل السفهاء منا
اللهم اهد امة محمد يارب العالمين

الخبوبي

08/12/2006, 10:36 PM

صدقت والله ياخوي ليالي الكشات

الثمامه ماعاد تنفع ولا بريال بسبب ها المبزره اللي مسوين فيها طيور بر

تلقاهم مجتمعين ومشغلين الأغاني ورافعين الصوت ويرقصون :mad:

والله قمة في قلة الأدب .....وبعدين وش ها التناقض طيور بر وخكرنه ورقص :no2:
أسأل الله الهدايه للجميع

دسم الشوارب

08/12/2006, 10:52 PM

قولو سبحان الله
هالطعوس اللي كلت ابواننا وماتو ضما من عسرها وكبرها
ذلحين جينا ناخذ الثار منها
.............
الحل عندي
إذا صار ان الواحد طاق المشوار طاقه ولا اعجبته الثمامه
المزاحميه أسهل درب وأوسع وأنظف وأوذف

عقاب طويق

08/12/2006, 11:03 PM

تدري أن هذا أحسن شيئ أن كل هذولا الاشكال تتجمع في مكان واحد عشان ما ينافسون الرجال بأماكمنهم المفضله وإلا تخيل لو ما كان هناك ثمامه تجمعهم رايح تشوفهم في بران ما ودك تشوفهم فيها 0 إلا خلهم يطلعون بطولاتهم ويدمرون بقعة صغيره من البر بدل ما يعبثون في أماكن نفضلها 0
رحت قبل سنتين الى بر الكويت وقتها كان عندهم ربيع يهول ويوم نصينا مخيماتهم إللي أول ماتدخل من الحدود إلا وش اشوف تخيل ولا بقعة خضراء من الحدود الى مدينة الكويت رغم أن المطر شغال عليهم من شهرين تدرون وش السبب ( الدبابات ) نعم حى إللي مخربه كل البر وما تكاد تشوف أى خضره ويوم سألوني الاهل معقوله أخاف إنها أرض ماتخضر قلت أبدا الارض ولا أحلا منها بس الدبابات هى السبب وعشان أثبت كلامي ذهبت بهم الى مكان محوط من قبل جهه حكوميه ( م

عقاب طويق

08/12/2006, 11:11 PM

تدري أن هذا أحسن شيئ أن كل هذولا الاشكال يتجمعون في مكان واحد عشان ما ينافسون الرجال بأماكمنهم المفضله وإلا تخيل لو ما كان هناك ثمامه تجمعهم رايح تشوفهم في بران ما ودك تشوفهم فيها 0 إلا خلهم يطلعون بطولاتهم ويدمرون بقعة صغيره من البر بدل ما يعبثون في أماكن نفضلها 0
رحت قبل سنتين الى بر الكويت وقتها كان عندهم ربيع يهول ويوم نصينا مخيماتهم إللي أول ماتدخل من الحدود إلا وش اشوف تخيل ولا بقعة خضراء من الحدود الى مدينة الكويت رغم أن المطر شغال عليهم من شهرين تدرون وش السبب ( الدبابات ) نعم هى إللي مخربه كل البر وما تكاد تشوف أى خضره ويوم سألوني الاهل معقوله أخاف إنها أرض ماتخضر قلت أبدا الارض ولا أحلا منها بس الدبابات هى السبب وعشان أثبت كلامي ذهبت بهم الى مكان محوط من قبل جهه حكوميه وش نشوف خضار فوق الخيال في نفس المنطقه التي كنا بها
ذكرت هذا المثل لأن أهل الثمامه من أصحاب الدباباث المخربه للأخضر واليابس 0

قناص الحبارى

08/12/2006, 11:30 PM

السابقي

09/12/2006, 08:44 AM

بصراحه ياجماعه انا ماني من اهل المنطقه وبعد جوله في ام رقيبه نويت انا واللي معي نروح لرماح ونشوف الشعبان اللي تصب خريم وبالطلع اخذنا مخرج الحسي على الثمامه على مفرق الصمان شفت شي فالثمامه لم تصدقه عيني وتعجبت من المناظر تقل منت بالسعوديه ابد ؟؟؟؟

الله يصلحهم

الرسن

18/12/2006, 08:41 PM

انا اشهد تقل انك منتب في السعودية من كثر هالمبزرة اللي في الثمامة
ناس هايصه وناس لايصه.
معالسلامه

جبال الهملايا

18/12/2006, 11:34 PM

الي يطلعون بطونهم

يعني وشلون يطلعون أبطوووووووووووونهم :confused: :confused: :confused:

راس المال

18/12/2006, 11:40 PM

الثمامة منذ مبطي وهي ميب زينة <مجمع سمرمد>

بس فيه نفود الرثمة بعده بحوالي 20إلى 15 كم وفاضي ونظيف
وذلك لمن يرغب في بيالة شاهي بالنفود

عابرصحراء

18/12/2006, 11:58 PM

السلام عليكم / والله يااخواني من المحزن ان نشاهد مثل هذة الاشكال خصوصا وانا في عصر التطور والعلم وشبابنا الى الان وهم في هذا الحال فراغ وبنات بس ما اقول الا الله يهديهم عاجل غير آجل آميـــــــــــــــن.......:(

ليالي المكشات

19/12/2006, 06:13 AM

:) اشكركم على تفاعلكم

رد وشلون يطلعوووون بطونهم

يعني بالمختصر المفيد الجنس الثالث:dance:

دار منيخ

19/12/2006, 06:35 AM

الكونترولCONTROL

19/12/2006, 06:40 AM

ان شاء الله يشبكون عليها و تصير محمية
=====================================
و الخكارية ـ أعزكم الله ــ مزعجين الناس في رمضان في مكة حول الحرم !!!! افضل شهر و أفضل بقعة !!!!!!!
======================
فكيف تبي الفكة منهم !!!!!!!!!!!!!!!!!!!!!!!!!!!!
=================================================
عندي لك اقتراح !!!!!!! تصنع لك (( منجنيق )) ضخم في بيتك .... و تحط فيه السيارة
و يقذفك عن الرياض 80 كم في أي اتجاه !!!!!!!!!!! حتى ما تمر بمظاهر تخلف أبدا !!!!!!
------------------------------------------------------------------------------------------------

نيتروجين xp

19/12/2006, 07:32 AM

الله يهديهم إن شاء الله

بكل مكان الشباب الله يهديهم بس خلهم يستانسون . .

والبر مب قاضي إن شاء الله السعودية كبيرة . .

تحياتي للجميع

ابوفهد5599

19/12/2006, 10:14 AM

لازم الثمامه مهوب لازم 0 عندك المزاحميه ممتازه 0 طريق الدمام احلى واحلى 0 المفروض تسمى القمامه بدل الثمامه (اعزكم الله)0 واذا انك مصر الا الثمامه :no: بعد التفتيش وكل ما تبعد احسن وانظف و اهداء:j 0

الشقردي

19/12/2006, 12:55 PM

[QUOTE=راس المال]الثمامة منذ مبطي وهي ميب زينة <مجمع سمرمد>

بس فيه نفود الرثمة بعده بحوالي 20إلى 15 كم وفاضي ونظيف
وذلك لمن يرغب في بيالة شاهي بالنفود[/QUOTE
كلام سليم وخاصة اذا دخلت شوي في العرق

الثمامة اذا تبي القريب رح لها غير نهاية الاسبوع من جهة العاذرية ولا مالك الا مثل ما وصفوا الشباب

قلب الداهيه

19/12/2006, 06:00 PM

اللي يزودك قهر الشباب اللي معهم سيارات جديدة ويلعب فيها لعب بهالطعوس
ويحرقها حرق ويخرب النفود ويشوه منظرها آه آه آه آه آه يالقهر

شباب الله يصلحهم ويهديهم 00
اللهم آمين

MAP330

19/12/2006, 06:26 PM

الثمامة من زمان و هي بؤرة للفساد و السفلة أصبحت قذرة و لاتنبت و لا تطاق ..

الله يجمعهم فيها و لا يجعلهم يتعدونها و يفسدون غيرها .

ولـد الدوادمي

19/12/2006, 06:37 PM

معك حق والله يا اخوي ليالي مكشات بس لاتعم الله يهديك الشباب كلهم لا يخوي فيه ناسن تحطها على الجرح وتبرا وفيه نس ودك تكب عليهم قاز وعود كبريت

وسع صدرك وانخوك هذا حال الدنيا تعال تقوه باتسر تقهو معنا ومع شيانا عند البل وشبه ضو يحبها قلبك والدعوه عامه نتعرف عليكم وناخذ علومكم

تقبلو تحياتي واسف على الاطاله

ولد الدوادمي

القويعي

19/12/2006, 06:48 PM

اقول الهادي الله

بهار

19/12/2006, 06:49 PM

فعلا كلام سليم
الحياء نزع
حرمة تسوق دباب قدام الناس !!!!!!!!!!!!!!!!!!!!!!!!!!
متى صار هذا ؟؟؟؟؟؟؟
يارب لاتؤاخذنا بما فعل السفهاء منا
اللهم اهد امة محمد يارب العالمين

الخافي أعظم ، و الشرهة على أهلهم

اللهم أهد ضال المسلمين