سواد البريق والدله

[ذئب الصحراء]

السلام عليكم
لايخفى عليكم يا اخوان طعم الشاي والقهوة على النار ومع المحاولات لابقاء البراد او الدله بعيده عن النار الا ان النار تعمل طبقة سواد يصعب قليلا ازالتها من خبراتكم
كيف ازيل سواد نار البريق او الدله

[المتلولس]

عن نفسي مااستانس الا اذا صارت سودا

[جني صغير]

معجون الاسنان
خذ تراب عقب الغسيل بكون طين بس خفيف مابكون متشبع ثمن افرك السواد
فيه معجون يبيعونه بعض المحلات لتنظيف وتلمبع الدله

[tmdmgm]

السلام عليكم انا مثل ماذكر احد الأخوان فوق ماله طعم الا بالسواد خخخخخخخ

بس أي خيمة خارج حدود المدن فيها ناس ترب دلال ترجعها لك وكالة
بالتوفيق

[سعود سالم]

والله مثل ما قال اخي (المتلولس )
إذا ما صارت الدله والبريق سوووود ما صار للقهوه والشاي طعم ولاحتى للطلعه طعم
التنظيف لدلال البيت واباريقه

[ولد الغلباء]

وانا مع الاخوان واول ما اشري البريق لازم اشب عليه بالضو ثلاث الى خمس مرات علشان يمسك اللون والطعم

[ابوسلطان911]

انا اعلمك وانا اخوك الرماد باقي النا لا سمدت خذه وافرك المعاميل فيه بماء

[أعـ ـرابـ ـي]

ماقصروا الاخوان افادوك

[ذئب الصحراء]

شكرا لكم يا اخوان ما قصرتووووووووووو

[أحمد أبوعلي]

شوف شوي طين مع ساك مواعين
بس زي ما قالوا الأخوان مايزين طعم الشاي والقهوة الا بالسواد

[الكهف -]

ماله طعم الا بالسواد

[web]

السلام عليكم

ياخوي خصصلك دله وبريق للبر بس وخلها تسود على كيفها

المهم كنت بتستخدم دله او بريق او قدر ولا ودك يمسك فيه السواد جب منديل وغمسه بزيت وامسح الدله مسحه خفيفه بالمنطقه الي توصلها النار ولا توصل الزيت فوق خله من النص وتحت جهت النار فقط وحاول ان طبقه الزيت ماتنمسح لين تنوي تغسلهم امسح بمنديل يطلع معك اللون كااامل

[ali a s]

كم تدفع

روح لاقرب بنشر وخذ بخاخ اي سي ديلكو الاصلي ب 13 او 15 ريال

بالتوفيق
ولا تكتب اي رد الا بعد التجربه

[خالد الخطير]

انا اعلمك وانا اخوك الرماد باقي النا لا سمدت خذه وافرك المعاميل فيه بماء

زي ماتفضل اخوي ،،

باقي الرماد ،، خذه واخلطه مع شوي ماء وبيدك او بليفه وافرك فيه الدله و البريق

بثواني يروح السواد !!

بس البس قفازات بلاستيك لان يديك راح تنشف وتجف !!

ملاحظة / اذا دلة او بريق فيه لمعة من برا ،، بليفة ناعمة علشان ماتتمخش

[mohdabusaleh]

نقعه في سفن اب

[ابوهايلكس]

نقعه بكلوركس 10 دقايق وحده بوحده انا مجرب ورجع جديد

[بيت الدرجه]

مع احترامي لكلام الجميع
الا ان الأمر هذا سهل جدا
لكن يبدو ان الغالبيه لم يسبق ان وقفوا في مطابخ بيوتهم وغسلوا المواعين :D

لا يخلوا غالبا منزل من (صابونة الوزير)
وهي صابون مربعه لونها ابيض تستخدمها كثير من ربات المنزل الكبيرات
لجلي وتلميع القدور المعدن

هذه هي افضل واسهل طريقة
ماعليك الا بليفه ناعمه وبعد بلها بماء تمريرها على الصابونه ومن ثم
جلي وصنفرة اي شيء تريده حتى للستيل ممتازه وتزيل سنا النار وتعيد تلميع القدور

صابونه قويه جدا

[bbaass]

نقعه بكلوركس كم ساعه وبعين غسله

واذا كنت تبي تطبخ بقدر ضغط على النار حاول انك تمسح القدر بزيت او شحم

وتلاحظ انك لما تغسله يروح السواد معك بسرعه

[راعي سمحه]

نقع الدلال في سطل وكب عليها بيبسي حجم عائلي لمدة يوم كامل 24 ساعة ..... وفية طريقة عجيبة في تنظيف الكروم يمكن واكيد تنفع ؟؟؟؟؟؟؟؟ وهي تغطيس وتنقيع نفس المدة الزمنية في دبس الرمان ...... ونبسط طال عمرك

[العآلمي]

فيه بخاخ في محل ابو ريالين يقال له . موبي لتنظيف السواد.
بخ على السواد وانتظر شويات وينظفه لك كانه جدديد. بس للتنظيف الخارجي.

[ابو ايمن]

في رأيي الشخصي ورغبتي

بأن تبقى الدلة والابريق باللون الاسود افضل بكثيير من النظيفة

لها طعم خاص هذا اولا

ثانيا الطبقة السوداء خاصة اذا اجتمع الكربون فتحمي القهوة والشاهي من لهيب النار

وتحتفظ بحرارتها وقت اطول

والابريق والدلة اذا كانت نظيفة تتعرض القهوة والشاهي بحرارة النار الملامسة للحديد مباشرة

هذا رأي ورغبة شخصية

تقبل مروري بصدر رحب

[الذحاح]

عندك حلين ياترشه بخل وتدلكه بليفه في خل او انك تعبيه مويه وبالدافور الشعله على البراد من برا على البراد داير مادار الين يروح الكربون لكن لازم يكون في البراد مويه عشان مايذوب ان كان مصنوع من الالمنيوم اي واحد من الحلين راح يفيد بالغرض

[ابوفيصل54]

السلام عليكم ورحمة الله وبركاته .
سفن اب واسفنجه وفرك الدله او البريق وسلامتك وتجد ان شاء الله نتيجه كويسه .

[قناص الوعول]

اذا بغيت تنضف المواعين من السموم نقعها في كرولكس وتفرك بسفنجه . واذا بغيت تطبخ على النار انك تدهن الماعون بزيت عافيه او اي زيت طبخ او صابون فيري وبعد ذالك لا يعلق السموم في الماعون وهاذي الطريقه معروفه عند كثير من الناس ، وانا من الناس الي يفضل المعون اسود من النار لانه يكون له نكهه خاصه

[نفود حلوان]

السواد هو الثمره
قال الشاعر الضلماوي
حنكية ماتنجلي لو نربه..بلغودها تلقى سنا النار صابي
والثاني ابن عون يقول
والرابعه ملقامة لونها اصهب ..حيث انها لنار دايم تصالي

[طالب المعرفه]

ما عليك من السواد الخارجي


اهم شي يكون داخل الابريق والدله نظيف ولا يكون اسود

وعليك بالكلوركس منظف ممتاز لداخلي


والخارجي اذا انت خايف يخرب العزبه حطه بكيس قبل تحطه بالعزبه

[أبو شيري]

السلام عليكم انا مثل ماذكر احد الأخوان فوق ماله طعم الا بالسواد خخخخخخخ

بس أي خيمة خارج حدود المدن فيها ناس ترب دلال ترجعها لك وكالة
بالتوفيق


وش ناوي عليه

الظاهر ناوي تجيب العيد بالرجال ... بكرا يدرعم على اقرب خيمه خارج حدود المدن ... ع قولتك

[rami52]

اللي عنده غسالة الصحون لايتعداها عن تجربة وطلعت مذهلة