مشكلة بالفتك ذابحتني

[MH404]

السلام عليكم ورحمة الله وبركاته

ياشباب عند ي فتك مديل 2002 توماتيك الموتر من شريته ولا عرفت مشكلته الموتر فيه تفتفه ثواني يصفى وثواني يتفتف خسرت عليه اشياء واجده والآن تطورت الحاله صار يتفتف ويقطع بنفس الوقت هاذا كلها والموتر واقف والحاله تزيد اذا كنت معشق القير بالـ D
او الـ R ولما امشي فيه تقطيع وبعدين يصفى بالسرعات من الـ 90 واعلى يكون الموتر صافي الاشياء اللي غيرتها كالتالي :- :good2:
1- راس مكينة جديده بالكرتون لأن الاس القديم خربان ويرفع حراره ويدخل هواء للرديتر
2- خرطوش الثروتل الكبير
3- حساس الحساس منظم الهواء
4- بواجي
5- كويلات
6- تنظيف بخاخات
7- فلتر بنزين
8-حساس عمود الكام
9- تنظيف الثروتل
10- فلتر هواء
11- وزن الديلكو
12- فحص كمبيوتر كم مرة ولا يظهر شي يطلع سليم :eek:

ومدري هل هو من الكمبيوتر السيارة

[1824]

والله اعلم من الطنجرة يمكن حقت القير اذا المحرك ظهر سليم في صوت من القير يطلع وانت واقف او تمشي بسرعات منخفضة زي الزنة حول سرعة 60 كذا رد لي وان شاء الله بالتوفيق لك

[أبوأسامه...]

طيبفيه حل بسيط فك حساس الاكسجين الي بالقزوز وجرب ان تغير ت السيارة ترا الحساس خربان

[جني صغير]

باقي شي واحد ما فكرة فيه
طرمبة البانزين

[MH404]

اول شي موتر مافيه حساس الاوكسجين
ثانيا القير سليم 1000% مالها دخل القير مافيه صوت وﻻ اي شي
صح كﻻمك يا جني صغير باقي الطرمبه بس الطرمبه شغاله

[مسير عليكم]

اخوي تاكد من البواجي اذا نفس رقم الفتك ولا اصليه ونقطه ثانيه اخر بوجي انت متاكد انه غيره لانه غثيث ويسحبون عليه

[ls1.5700]

طرنبة البانزين
افحص ضغطها قبل تغييره
قد تكون المشكله منها

[ابوس11م]

شيّك على القطعه السوده الكبيره اللي ورى خرطوش الثروتل تلقاه من تحت فيه تكسير ويخلي الموتر ياخذ هوى زايده ويقطع نفس الحاله صارت معاي

[MH404]

اخوي ابوس 11م
الموتر تماتيك مافيه القطعه السوده تجي فقط بالقيرالعادي
امس حصلت واير حق حساس الحراره الكبير لقيته متجرح من حرارة المكينه ويتلامس مع بعض وغيرته صفا الموتر شوي واليوم الثاني رجعت الحاله

[صباح القايله]

شف أخوي نفس الهات أو الثروتل
لها حساس بالجنب
جرب فك الفيش أو جرب بدله مع أحد
نفس المشكلة تقريباً في 4500
وإذ تبي تبدله وماحصلت أحد عطن خبر
أنا اعطيك حقت موتري

[ابو فهد ألعزي]

شيك على اﻷفياش حقة الظفيره ممكن مع الزمن تفككت
واذا كنت في الجنوب مر صناعية ابها كهربائي اسمه الجاوه
علمه بالمشكله وارتاح راح يجيب خبره ويزينه ويضمنه لك

[حمد808]

تأكد من أسلاك الكويلات ممكن فيهن جرح اوقطع

[سوبر مكشات]

حول المشكلة صارت في فتك 2003 وصار أحد البواجي مكسور

بعد ما يركب البوجي ينكسر؟؟
اذا ركب بواجي لا يشدها مره..
هذا الي اعرفه

ووصف المشكله الموتر فيه صوت تقطيعه لكن عزمه ما تغير

[البدر 707]

هلا اخوي فيه موضوع في مكشات عن التفتفه وحلها نهائيا
بوضع بريالين قاز في تانكي البنزين والتانكي وهو فاضي وتعبي عليه 95 بقيمة 25 او 91 بقيمه 20 طبعا والسياره طالفيه وتعبي اول شي القاز ثم البنزين عشان يخلط البنزين مع القاز زين بعدها امسك خط طويل عشان ينظف جميع مجرا البنزين وجربوها ناس كثير وظبطت معهم سياراتهم وهي طريقه ان فادة والا ماظرت ولكن بنفس الكميات الي ذكرتها وبالتوفيق للجميع .