المساعد الشخصي الرقمي

مشاهدة النسخة كاملة : الي عنده خبره يفزع في GX


فارس بلا خيل
28/09/2014, 12:30 PM
السلام عليكم ورحمه الله وبركاته...مساء الخير للجميع عندي مشكله في GX مديل 2000 فيه تقطيع وتفتفه. وغيره بواجي واسلاك بواجي اصلي من الشركه ونضفت البخخات ورحه التفتفه والتقطيع الحمد الله المشكله ان السياره مكتمه مشيت فيها خط يدوب تجيب 150 وكل مروح ورشه يصرف من عنده ومدري المشكله وين . افزعو يهل الفزعه
ابوعبدالله172
28/09/2014, 01:46 PM
الاخ.فا رس المشكله عند ك يبدو فلتر الشكمان الامامي مسكر لو تلغيه إنتهت المشكلة بإذن الله
عاشق الهدد051
28/09/2014, 03:27 PM
و عليكم السلام و رحمة الله و بركاته
افحص الشكمان كامل لا يصير منسد
ولا فيه عفط و افحص ضغط طرمبة البنزين
و تأكد من حساسات النوك سنسر اثنين تحت الثلاجة
يمين السيفون و تأكد من فلتر الهواء و نظف الثروتل
و بإذن الله تبي تروح علته
فارس بلا خيل
29/09/2014, 06:43 AM
ابو عبدالله بيض الله وجهك وماقصرت الله يعطيك العافيه
فارس بلا خيل
29/09/2014, 06:45 AM
عاشق الهدد بيض الله وجهك وماقصرت الله يعطيك العافيه
ابوراكان تبوك
29/09/2014, 11:48 AM
انت سويت تصفيه كامله لكن بقى عندك الصفايه قيمتها اصليه 130 ريال اذا قديمه غيرها مهمه جدا وتأثر على الممشى
لكن سؤال
1- هل السياره صافيه وهي واقفه ( اذا ماهي صافيه بأشرح لك طريقة فحص الكويلات )
2- القير تماتيك او عايدي


الشي الثاني جرب الموتر وانت فاصل الدبات الثنتين الاخيره انزل تحت الموتر من جهه الراكب الامامي وحل الصامولتين اللي ماسكه الشكمان بدون ماتفك المسامير مره حل شويه لين يفصل الشكمان وجرررررب

لاصار موترك مشيك من صفايه بنزين وبواجي واسلاكها وكويلات وكلتش وفلتر هواء وشكمان نظيف مايرده الا الفصله
فارس بلا خيل
29/09/2014, 12:43 PM
الله يرحم شيبان عقبوك ماقصرت الله يعطيك العافيه السياره ماهي صافيه وهي واقفه .القير عادي
ابوراكان تبوك
29/09/2014, 01:03 PM
الله يجزاك خير

احتمال كبير كويلات

لي عوده اشرح لك فحص الكويلات لاني اكتب من الجوال
ابوراكان تبوك
29/09/2014, 04:13 PM
عدنا

افحص الكويلات بنفسك والكويل الخربان بالعاده له سسته داخليه او فحمه ان مالقيت له اصلاح لازم يتغير كامل لكن الغالب انه له اصلاح

المهم الان تحديد الخلل وحتى ترتاح من سالفه الكويلات هاذي طريقة فحصها

1- شغل الموتر
2- البس يدك جراب بلاستيك احتياط
3- شف المجموعه اللي بالصوره مجموعه اسلاك كل واحد افصله الحاله وركز على صوت الموتر ( اذا تغير وقام يتنافض الموتر معناه الكويل شغال واذا ماتغير شيء بصوت الموتر او تغير خفيف معناه الكويل خربان او من الفيش ماتجيه اشاره او ضعف الكويل ) رجع السلك واشبكه واتجه للي بعده
افحصهم كل واحد الحاله لاتفكها كلها مره وحده


لاحظ الصوره كل كويل عليه سلكين فكه من فوق مع سلك البوجي وليس من الفيش الكبير اللي تحت
http://badermotors.googlepages.com/1fz9.jpg
الصورة مقتبسه من احد المواضيع
هذا مقطع فديو لفحص كويلات فورد نفس الطريقه بس مواقع الاسلاك تختلف انا حطيت لك الفديو حتى تلاحظ الصوت كيف يتغير وكيف تعرف اذا الكويل ضعيف او خربان مايعطي اشاره
http://www.youtube.com/watch?v=rSDXvedhJKI

وللعلم الكويل مهم جدا جدا وكل كويل في اللاند كروزر يغذي سرندلين اذا خرب او ضعف واحد كأنك تمشي على موتر 4 سرندل:)