للاهمية بخصوص تغيير موية الرديتر في بترومين

[سكن اليل]

السلام عليكم ابي اغير موية الرديتر يوكن دينالي كم اغير علبه وكم اضيف موية مقطره لانهم يقول ما نزود مويه مقطره وهل اغير البلف بعد او قبل تغيير المويه لان الموتر فيه حراره بسيطه مع العقبات وهل مويتهم ممتازه ارجو الاجابه واسأل الله لي ولكم الرحمه والمغفره السياره موديل 2007

[GMC89]

انصحك تسوي غسيل للسلندر كامل وتغير الما كله

[الحربي 591]

اخوي الحراره مع العقبات شي عادي لكن ترتفع بشكل بسيييط

اما اذا تعدا الخط اللي بعد النص هنا نقول فيه مشكله
كل السيارات كذا لازم ترتفع لو تحط اللي تحط
مع العلم سيارتي تاهو 2008

[سيف وقلم]

مويتهم جربتها ممتازة

وهي مخلوطة بنسبة ٥٠٪،، تضاف بدون ماء.

[1824]

بترومين ما يضيفون ماء لانه مخلوط وجاهز بالتوفيق لك

[وااضح]

ماء تايوتا وضيف معاه ماء مقطر
اما البلف افضل تغييرة بس اخذة من وكالة او وكيل معتمد
مثل اوتوستار و الضحيان

[صاروخ الغطغط]

كل المويات الرديتر الاصليه معها ماده حافضه تمنع الترسبات والصداى بس لاتاخذ ابو 10 ريال اخذ تايوتا لوت ماه احمر وزد عليه ماعادي مويه المنهل اهم شي تكون الماء حلو

[الحلم الحلم]

فيه ماء رديتر ممتاز ومجرب من موتوركرفت للسيارات الامريكية من وكالة فورد .. واضف عليه اربع علب تقريبا او خمس علب ماء مقطر ..
سعر الجالون تقريبا 80 ريال ومن تجربة شخصية عملي في الصيف والشتاء لسيارتي افلانش 2002

محبكم/الحلم الحلم

[I2.7]

التزم بتعليمات الشركة الصانعه بخصوص سائل الرديتر الموصى به في الكتالوج

[احمد النزهه]

انصحك فيه مجرب على 4مواتر ماء بترومين ممتاز جدا