الفزعه يالربع باترول 92 مشكلة في الفرارات

[aziz1791]

السلام عليكم ورحمة الله وبركاته


يالربع انا توي شاري باترول 92 :D

العلم ...وديته وغيرت كل الجلب التحتيه وكان سعرهن !!1500
وشغل يده 1000

ماادري السعر احسه مبالغ فيه مدري ليه؟؟

المهم انا جايب معي فرارات برازيليه بركبهن وركبهن لي ببلاش؟؟

استغربت الصراحه وحسيت اصلا انه اول مره يركب فرارات مع العلم اني سالته قال معلوووم؟؟:D

الوكاد الان بعد ماركبت الفرارات لم اجد اي اختلاف بالموتر وغير كذا الدبل اعشقه ويعشق عادي؟

مع اني حاط الفرار على 4*2 ولاكن يعشق وغير كذا الموتر مايعشق الدبل الثقيييل!!!!!


فزعتكم الله يجزاكم بالخير:)

[صباح القايله]

اذا موترك دفرنسه نضيف مراح يفرق واجد
والدبل عادي يعشق لكن ما يشبك
والثقيل لزم توقف

[ابوراكان تبوك]

ارفع الكفر الامامي اليسار
ولفه شوف عمود الدبل يتحرك معك او لا

جرب على 2*4
واذا تحرك العمود
جرب الفرار على 4*4 وراقب العمود وعطنا النتائج

عموما ما يركب الفرار الا وهو شايل الترس

[aziz1791]

اذا موترك دفرنسه نضيف مراح يفرق واجد
والدبل عادي يعشق لكن ما يشبك
والثقيل لزم توقف


الثقيل عيا يشبك بكل الطرق!!؟

[aziz1791]

ارفع الكفر الامامي اليسار
ولفه شوف عمود الدبل يتحرك معك او لا

جرب على 2*4
واذا تحرك العمود
جرب الفرار على 4*4 وراقب العمود وعطنا النتائج

عموما ما يركب الفرار الا وهو شايل الترس


طلع العامود مايتحرك الفرار تركيبه مزبوط بس الان الدبل الثقيل عيا يشبك بكل الطرق!؟

والله غريبه ؟؟؟

[ابوراكان تبوك]

طلع العامود مايتحرك الفرار تركيبه مزبوط بس الان الدبل الثقيل عيا يشبك بكل الطرق!؟

والله غريبه ؟؟؟

عيا يشبك من العصى ولا يشبك بالعصى ولا فيه تغير؟؟؟؟

[الحميضاني]

السلام عليكم ورحمه الله وبركاته
بالنسبه للثقيل يبي له تنظيف العصا صارت معي

[A6LAL]

للمعلومية الباترول اذا بغيت تشبك الثقيل لازم تصير السيارة واقفة + القير على الفاضي ..

يمكن انك تحاول تشبكه و القير معشق !

[aziz1791]

عيا يشبك من العصى ولا يشبك بالعصى ولا فيه تغير؟؟؟؟

عيا يشبك من العصا؟؟

[aziz1791]

السلام عليكم ورحمه الله وبركاته
بالنسبه للثقيل يبي له تنظيف العصا صارت معي

نزلت تحت الموتر ومعيW40

قضيت العلبه وانا ابخبخ عليه!؟!

[aziz1791]

للمعلومية الباترول اذا بغيت تشبك الثقيل لازم تصير السيارة واقفة + القير على الفاضي ..

يمكن انك تحاول تشبكه و القير معشق !

بصارحه وانا اخوك جربت كل الطرق بس بائت بالفشل للاسف!!

وانا واقف وانا امشي وانا معشق وانا مفضي وانا اريوس حاولت بعد!!!؟

شي غريب صراحه

[الوحش2]

هل المشكلة بعد الفرارات او من قبلاذا من قبل يمكن مو راكب الهلال
حق الدبل الثقيل الي في الجربكس

[aziz1791]

هل المشكلة بعد الفرارات او من قبلاذا من قبل يمكن مو راكب الهلال
حق الدبل الثقيل الي في الجربكس

ممن ناحيت قبل الفرارات او بعد ما ادري لاني اول ماشريت الموتر رحت ركبت فرارات

ولاجربت الا الدبل الخفيف من قبل

والان يوم طلعت للبر عيا يشبك الثقيل؟

ومافهمت وش تقصد ان الهلال مو راكب بالقير؟! وضح لي لاهنت

[ابوراكان تبوك]

الفرار ماه علاقه بمشكلة الدبل الثقيل

[الوحش2]

الهلال الي يعشق الدبل الثقيل في الجربوكس اي يحرك الترس والله اعلم

[الوحش2]

اعذرني اخوي حولت ارفقلك صوره للهلال مو راضي معاي انا اكتبلك من الجوال

[aziz1791]

الفرار ماه علاقه بمشكلة الدبل الثقيل

انا مثلك اتوقع ماله دخل

على العموم جزاك الله خير وشكل المساله تعقدت بعد العيد ان شاء الله اقرب ميكانيكي :(

[aziz1791]

اعذرني اخوي حولت ارفقلك صوره للهلال مو راضي معاي انا اكتبلك من الجوال


معذور يالوحش بيض الله وجهك ماقصرت العلم شكلي بوديه لورشه يشيكه مع اني كاره هالورشات

[ابوراكان تبوك]

انت معك علم ان عصا الدبل تضغط تحت عشان يعشق الثقيل بالنسبه للنيسان والتويوتا تسحب فوق

وحل آخر لاحد الاخوان جزاه الله خير خبير في النيسان انا تخصصي تويوتا:)

ترى يعلق تعليق طبيعي مايشبك معك بالضغط


بعلمك طريقه يعشق بسهوله


حط الدبل N


ابدا عشق الاول وفك الكلتش وادعس كانك تمشي بتشوفه مايتحرك

ثم الثاني والثالث نفس الشي

بعدها فك رجلك لين يهدا المحرك


ثم اضغط الكلتش وعشق الدبل بيلقم معك بالراحه

[aziz1791]

انت معك علم ان عصا الدبل تضغط تحت عشان يعشق الثقيل بالنسبه للنيسان والتويوتا تسحب فوق

وحل آخر لاحد الاخوان جزاه الله خير خبير في النيسان انا تخصصي تويوتا:)

جزاك الله الف الف خير انت والاخوه اشغلتكم بموضوع الدبل

اخر شي طلع زي ماتقول اضغط عليه وعشقه تحت وعشق ابشرك:D

معلييش تراي جديد على النيسان :p

الله يوفقكم ماقصرتم

[ابوراكان تبوك]

جزاك الله الف الف خير انت والاخوه اشغلتكم بموضوع الدبل

اخر شي طلع زي ماتقول اضغط عليه وعشقه تحت وعشق ابشرك:D

معلييش تراي جديد على النيسان :p

الله يوفقكم ماقصرتم

الحمد لله على انتهاء المشكله

معك ثلاث شهور لازم تسير خبير في النيسان :D خذها قاعده ان ماخربت ماصلحت

بالتوفيق يا اخوي وكل عام وانت بخير

[aziz1791]

الحمد لله على انتهاء المشكله

معك ثلاث شهور لازم تسير خبير في النيسان :D خذها قاعده ان ماخربت ماصلحت

بالتوفيق يا اخوي وكل عام وانت بخير



ههههههههههه ازهله من ناحية التخريب :D


وانت بخير وصحة وسلامة