المساعد الشخصي الرقمي

مشاهدة النسخة كاملة : تقطيع بالكراون فكتوريا على 40 ومع زيادة السرعه


alrahal_ksa
30/09/2014, 11:04 PM
السلام عليكم ورحمة الله وبركاته

اخواني الاعزاء صحيح اني ثقلت عليكم بس تحملوني

اول مره استخدم فورد ومنخرع منه حتى السفر اخاف اسافر عليه

المشكله يالغالين اني اذا مشيت ووصل 40 يقطع ثم يختفي

واذا دعستله زياده او مع طلعه يقطع بقوه

غيرت بواجي وصفاية بنزين

مريت الورش وكلن يتفلسف الي يقول دعسة البنزين والي يقول طرنبة بنزين

والي يقول قير


الي يعرف لا يبخل علي او يدلني لورشه بالدمام
ابوراكان تبوك
30/09/2014, 11:30 PM
عادي يا اخي اكتب اللي يريحك بالعكس نستفيد احيانا من المواضيع ومشاكل السيارات

لكن بأعطيك معلومه عن الفورد وهاذي وجهه نظري الشخصيه فيه

انا استخدمت الفورد 8 سنوات من عام 1426 الى 1434
مشيت فيه خطوط الرياض تبوك ولا 50 مشوار بحكم عملي سابقا
تبوك الامارات ومكه ولبنان صكيته ممكن 350 الف وموديل 96 مابحياتي وقفني بالخط
لاجيت اسافر افحص الكفرات والاذرعه والجويزات والثلاجه واتوكل على الله
لاتتخوف من الفورد بالنسبه لي اقوى سياره استخدمتها ويجملك بمشوارك
بعته واشتريت ماليبو 13 بس للحين الفورد بنفسي ومتحسف عليه الصراحه

خليتني اشطح من عشقي للفورد:D
المهم يا صاحبي التقطيع يا من اسلاك بواجي دامك مغير البواجي تفقد الاسلاك
الصفايه
الثروتل لابد يكون نظيف
واذا بتمشي عليه بحالته افحص زيوت القير والمكينه والاذرعه خصوصا ذراع الشاص والجويزات والثلاجه والكفرات وقول بسم الله ومسكه خط وان شاء الله امورك سليمه
آخر العنقود
01/10/2014, 01:54 AM
هلا اخوي شيك علي الكويلات وطريقة التشييك عليها شغل السياره وفك الغطا الأسود اللي فوق المكينه وافصل اسلاك الكويلات واحد ثم شف اذا تغير صوت المكينه فيكون شغال ما فيه مشكله والباقي طبق عليها نفس الحركه وعلمنا وش يصير معك بالتوفيق.
أبو نقزه
01/10/2014, 12:40 PM
فك الكويل وشيك على جلد الكويلات لايكون يها تشققات لانها راح تهرب شرار

شيك على سست الكويلات لاتكون مصديه ولا مسوده من الحراره ماعاد توصل كهرب زين

مشكلتك اذا ما انحلت
والله اعلم في الغالب تبي تكون طرمبة بنزين لان هذي اعراضها
craino
02/10/2014, 02:50 AM
هل لمبة المكينه مولعه
الزنون
02/10/2014, 03:53 AM
جرب بنزين 95 الاحمر
alrahal_ksa
02/10/2014, 05:17 AM
صبحكـم الله بالخير
الحمدلله امس العصر غزيت الصناعيه
وفحصت كمبيوتر وطلع الكويل رقم 6 خربان
ونقزت وجبتله كويل وركبه والحمدلله تمام
وان شاءالله اليوم اجربه بالخط وشوف

اخوي craino
لنبة المكينه مهي مولعه
اخوي الزنون
انا اعبي احمر من قبل
mechanistic
02/10/2014, 06:55 AM
هههههههههههه
سرقت هذه المهنه والحركة من حمزه عبدالمطلب
نظف الثروتل وتاكد منه
شيك على الكويلات اسحب سلك وخل واحد من الشباب عند الشكمان اذا صار فيه صوت تف تف تف معناه شغال
اذا صار مافيه هذا الصوت معناه عطلان يا الكويل او سلك الكويل