تفتفه وعدم صفواه للبترول

[مضارب سيارات]

السلام عليكم

اخواني الكرام عندي البترول 4500 بخاخ غير صافي وفيه تفتفه وعدم صفواه وتم تغيير البواجي والصفاية واسلاك بواجي اصلي ووزن البلوف لكن للاسف لم يصفي



هل للحساس دخل لاني اذا فصلت الفيش يصفي ويرتفع صوت المكينة والاهم الحساس وش بديله اذا اردت شراء جديد

لاهنتم ووفقكم الله

[hzam1111]

صباح النور





حسب خبرتي في الباترول اول شي تروح المحطة وتحصل عندهم علبة تصفة بخاخات وتركبها مع البنزين بس لازم يكون بانزينك على الربع ثاني شي تروح للصناعية وتغير صفاية البانزين تحصلها تحت الكرسي اللي خلف كرسي الراكب بخمسين

وتاكد من فلتر الهوى لازم تغيرة كل 40 الف كيلو اذا كنت راعي بر واذا كنت راعي بلد كل 60 الف كيلو

شكل صفاية البنزين



https://encrypted-tbn0.gstatic.com/images?q=tbn:ANd9GcQWdAxt1b1ieeaCNye3VcgXBXExhjcPy J_PNq4BczMi9ECmxSsZNA



شكل فلتر الهوى



https://encrypted-tbn0.gstatic.com/images?q=tbn:ANd9GcSfKOQz5KKXFinlo456Dy9Ge-6JNm6YDH8nVqo_rhrC8DzS1J_XkQ



علبة تصفية البخاخات وهي انواع كثيرة

اهم شي يكون النوع امريكي





https://encrypted-tbn3.gstatic.com/images?q=tbn:ANd9GcQmhgg3BdjEWEDhEDCGJgHSshbOSMTc9 EPMU1jjjwpJu895bbUO



وشكرا ...

[مضارب سيارات]

سلمت اخي حزام

كلها سويتها ولاش فايده

[hzam1111]

ومن قال سالم
فيه ورشة في صناعية السلي قبل حقين الحطب اسمها الضبيب متخصص نيسان
اعتقد 650 ريال يضبط الخلل اللي عندك
اسم الورشة الضبيب لوحتها قديمة لدرجة انك يالله تقرى الاسم
مره وشف عسى الله ينفعبة ...

[صباح القايله]

دامك تقول اذا فصلت الحساس يصفي اجل منه
وأي حساس الي فصلت

[مضارب سيارات]

حساس الهواء اللي عند القربه

[أبو الوليد 14]

فيه بخاخ خاص بتنظيف الحساسات يباع في ساكو
ابحث عن صورته في النت

بالتوفيق

[مضارب سيارات]

يالربع نظفته ومغير الخرطوش الاسود ومضبط كل شي والبخاخات منظفها عند بترومين لكن ماعلم وش هالامر اللي فيه

الحساس وش رايكم اغيره واشوف وهل حساس المكسيما يركب عليه لان حساسه غالي حصلته ب1250

[صباح القايله]

حساس المكسيما يركب للفتك
ما يركب على ٤٥٠٠
١٢٥٠ جديد ولا مستخدم
شف التشاليح ممكن تحصل

[ابوعبدالله172]

المشكله عندك والعلم عندالله طرمبة البنزين ضعيفه او عندك لي خرطوش الهوا ء فيه تنسيم شيك وعطنا علم حتى نفيدك اكثر الله يسر لك امرك

[مضارب سيارات]

الخرطوش مغير جديد
اما الطرمبة ماشيكت عليها

الملاحظ الان بدأ يطلع ريحة كربون وينزين قوية اذا كان واقف والتفتفه اذا صار شغال صلنصير

[ابوعبدالله172]

مادام فيه ريحه زايده فهي ريحه نقص الها يدركربون اقول مرة اخرى شيك على طرمبة البنزين

[سارق الكحل]

عندي حساس هواء اذا لك نظر
حق مكينة 4500 بخاخ موديل 2005

رغم اني شاك ان مشكلتك واحد من البخاخات لا يعمل او يصب بنزين بزيادة في السلندر( فالت )

[مضارب سيارات]

ابشوف الطرمبة

طريقة التشييك على البخاخات كيف يالربع

[سموو الروح]

شف يالامير
اذا انت ببريده افحص كمبيوتر
معي باترول 2013 فتك وصارت
فيه تفتفه وطلع من حساسات الاوكسجين
الي بالقزوز
شيك عليهم
ولو تفحصه كمبيوتر عند كهربائي العثيم
لانه الصراحه مارتاح الا لهم