قدور الكاتم وش افضل الانواع بسعر معقول و عملي و نوع الخامه الجيدة ؟

[الهدد الاشهب]

السلام عليكم




وش ازين قدر كاتم ابيه للعزبه بس يكون اسعاره معقوله مايتعدى 300 اذا غلبت الروم
و المقاس المناسب لطبخه لعدد 5 اشخاص كأقصى حد
و الخامه المناسبه هل المعدن او الستيل ولا المونيوم للطبخات المعروفه الرز والمكرونه ..إلخ
افضل الخامه اللي ماتحرق الاكل ولا يطلع سواد مع الغسيل زي قدر السيف الالمونيوم

عذراً لطرح السؤال قد يكون مكرر كثير بالمنتدى لكن مواضيع قديمه و القدور بالسوق متجدده مابين فتره والاخرى

[144771]

سب استيل ولاغيره

[Moha Bin aziz]

انا عندي كاتم برتغالي ممتاز جدا وحجمه ٨ لتر يكفي ثلاث دجاجات مع رزهن وقوي وطعمه ممتاز وسعره ٢٨٠ ريال

[ali a s]

تبي رخيص ويكد ماتجي
البخيل يخسر مرتين
لاكن
اللينيكس الفرنسي سعره في حدود 260 ل العشره لتر مدري 12 طبعا ستيل وبلفه ستيل
ومن داخل ستيل ومنظره حلو ينفع للعزبه والبيت حفر بالفرنسي ومو عارف عن قطع الصيانه
ارشحه لك لا كن للاسف اغلب الستيل ماينفع للرز الا اذا تحرص عليه على نار هادئه

6 لتر حدود 200 وتحت

والالمونيوم حق الرز لانه يوزع الحراره وافضلها التيربو الالماني بس غالي 9 لتر باخشوين بحدود 695 وبدا يصير نادر
الاغلب بن شيهون وباشماغ وبن شيهون ل 9 لتر حدود 585 وفيه فرق بالرقم على الغطاء من داخل عن باخشوين
الالماني مايسوي سواد رصاص الا قليل مو مثل غيره بسبب جوده المعدن

رابط الفرنسي صوره الفرنسي في مكشات قدر ليو نيكس
http://im31.gulfup.com/26T9H.jpg

http://im32.gulfup.com/73ij9.jpg

http://im34.gulfup.com/Fq0kB.jpg
والعذر من المصور للتوضيح فقط
عدد اربع اشخاص 6 لتر ممتاز
بالتوفيق

[راعي الرود]

اذا تبيه للعزبه خذ السيف ستانليس ستيل رخيص و صحي افضل من المعدن و مجرب و مايطلع سواد اللي يطلع السواد قدور المعدن باغلب انواعها
لكن عيبه يحرق الاكل و تنشب به القراره يتعبك بالغسيل حبتين

اذا تبي شيء ازين مد يدك و خذ تيفال

[مكشاتي مدني]

تبي قدر كويس ويعمر معك وصحي ولايخرب ولاينسم ويكد معك 20 سنة قدام خذ تيفال الفرنسي سب سابقا مقاس 6 لتر يكفي 6 اشخاص تحصلةبشارع السبالة بسعر 420 وتوكل على الله ولاتتردد وراح تدعي لي وبالتوفيق

[ابورايف]

وعليكم السلام

أتمنى أن يفيدك هذا الرابط

http://www.mekshat.com/vb/showthread.php?t=481574

تقبل مروري وردي

[ابو عزيززز]

اخي الكريم
فيه قدر اسباني اسمه ماقفيسا وسعرفي حدود ال320 الى 350 لل 10 لتر وقطع غياره نفس السب الفرنسي القديم
اعتقد انه افضل خيار بعد الفرنسي والالماني

http://www.up.albreah.com/uploads/images2/albreah-2e6f3cb560.jpg

[اصيل نجد]

السلام عليكم بالنسبه للقدور من تجربتي افظلها السب 6 لتر بالنسبه لعدد 5 او6اشخاص امن بععد حفظ الله وعملي وقطع متوفره بكل مكان فيه التربو حلو انا مجرب السته لتر والثمانيه لتر ممتاز بس فيه 3 ملاحظات السعر مبالغ فيه والثقل والعيب الثالث له يد توذيك لاصفيته بالشنطه حقت العزبه عسر بوظعه بالشنطه علشان هاليد تبلش هذا مالدي وربي ييسر امرك ولاتنساني من الكبسه ربي يحفظك .

[أبوسليمان السهر]

و عليكم السلام و رحمة الله وبركاته
حياك الله أخي الفاضل
خذ نصيحتي اكسبرس المغربي أو ماقفيسا المعدن هذا في حالة ما حصلت السب الفرنسي المعدن
الاستيل عيبه ما يوزع الحرارة مثل المعدن
غالباً يحرق الرز،
بالنسبة للعدد الثمان لتر تكفي من ٥ - ٨ أشخاص
بالراحة
بالتوفيق

[wafi4sa]

انا عندي كاتم برتغالي ممتاز جدا وحجمه 8 لتر يكفي ثلاث دجاجات مع رزهن وقوي وطعمه ممتاز وسعره 280 ريال

:good2::good::good2:

[Mohammed5d]

الاكسبريس المغربي ممتاز او البرتغالي

[خالد الخطير]

افضلها !!

مؤكد انه ال seb لكنه انتهى منذو مبطي :D

طبعاً شركة tefal اشترت شركة seb

وصارو يكتبون على الكرتون

Tefal by Seb

والافضل هو الستيل لانه يوزع الحراره بالتساوي على القدر

ويكفيك انه صحي :)

وافضل نوع بالتيفال الي تجي مسكاته كلها سوداء

وهذي صورته

http://www.extrastores.com/ImagesSections/product/98/999269_L_1.jpg

وغيره لا تتعب نفسك و تشتري !!

لان قدر الضغط خطير ،، ولابد تشتري صناعه صح

فيه اشياء ممكن تقول اشتري الارخص او البديل

لكن فيه اشياء خطيره وممكن ينفجر او يفقع بالوجه

هنا تشتري راحة بالك

ويكفيك انه فرنسي :D

طبعاً هذي وجهة نظري الخاصة :)

[مكشاتي مدني]

اخوي لاتتعب نفسك انا جربت السيف الصيني اشتريت 2 والله ماينفع مرة ينسم ومرة ماضبط الكبسة وادنى طيحة ولا ضربة يخرب القدر وينطعج وصلت نص قيمة التيفال الفرنسي وكلها رميتها ماستفدت خسارة نصيحةلاتتعدى الفرنسي قوة ومتانة ويريحك بالطبخ لاتنسيم ولا مشاكل وخذ 6 لتر بكفي 5 أو 6 أشخاص وبالتوفيق

[Abdulkarim]

،
عندي استفسار بسيط
شارع السباله
فرصه قبل الشتاء نرتب العزبه ونشوف النواقص