ابشركم مبيد للنمل الاسود

[تركي الضرغام]

السلام عليكم
صبحكم الله بالخير جميعاً ابشركم بعد الدوران وكثرت السؤال حصلت المبيد اللي بأذن الله يقضي على النمل الاسود للي كثير من الناس يشتكون من حراره قرصته هذي صوره للمنتج وانا ما نزلت هالموضوع الا لسبب واحد ابي منكم الدعاء
( بخصوص صورة المنتج عجزت انزل الصوره لاني منزل الموضوع من الجوال انقلب راسي للي بيفزع يرسلي رقمه علي الخاص وارسلها له واتس اب ويعدل او ينزل الموضع من جديد )

[دهران]

حياك الله

0555111381

[قوافي ( أم نهار )]

عليكم السلام ورحمة الله وبركاته
جزاك الله خير الجزاء
ننتظر الصوره حفظك المولی
تحياتي

[ابورايف]

وعليكم السلام
جزاك الله خير على طرحك لهذا الموضوع

بعض النصائح قبل أستخدام هذا المبيد المميت

ينبغي معرفه المكان المتواجدين فيه
ثم تعوذ منهم ثلاثاً فألم يخرجو من المكان

فبأمكانك رش المبيد لكن لابد أن تحرص
أن يكون البيت خالياً من الاطفال وكبار السن
أقل شي ثلاثه أيام وهذا حسب شده رائحه المبيد

بعد ذلك حاول أن لايكون بالمنزل أي شي يكون سبب في عودتهم مثل

بقايا الخبز والأكل وغيرها

أتمنى أني قد أفدتك

تقبل مروري وردي

[الكعمي]

أين الصور ؟؟؟؟

[تركي الضرغام]

ننتظر المشرف لاني ارسلتها له

[ذيب الفقارة]

السلام عليكم ورحمة الله بركاته

استعمال المبيدات يحتاج إلى معرفة مدى خطورة المبيد

وكيفية استعماله

كما يجب معرفة الاحتياطات اللازمة

وغالبا ما تكون أضرارها على المدى البعيد

وكلما زاد تركيزها زاد خطرها

ثق تماما أنه بقدر خطورتها على الحشرات


فهي كذلك على الإنسان

تحياتي

[ناصر]

يعطيك العافيه ماقصرت
لو كتبت اسمة يكفي مايحتاج صوره

[محب الجهاد]

مازلنا ننتظر وفق الله الجميع ومن العايدين والفايزين

[تركي الضرغام]

الله يامر المشرف وينزل الصوره
اواحد يرسلي رقمه علي الخاص وارسله صورة المنتج وتس اب ويسوي خير وينزل صور للمنتج في المنتدى

[كاتم الشكوى]

حياك الله

0555111381

هذا اخونا دهران
جزاه الله خير
بانتظارك

[تركي الضرغام]

اسم المنتج ( زار ) (ZAR)

[االجباب]

zars هذا اسم المنتج وهو صناعة المانية

[صاروخ الغطغط]

انا استخدم بف باف بودره امشيها في ساس الغرفه من تحت الفرشه ولا اخلي الاورعان يشوفوني لن الاطفال يقلدون اي تصرفات وممتاز يقضي على النمل بس بعد شهر اشوفه يبداى يرجع وكرر عليه البودره او شي تعوذت منه وقرصته زي الجمره حاره

[جزء من الماضي]

وصفه للتخلص من النمل الأسود خلال أسبوع وليس لها أي أضرار جانبيه
بذور سمسم + بذور كمون
بكميات متساويه
تطحنهم مع بعض وتقوم بوضعه في الأماكن اللي يتواجد فيها النمل


والبذور تجدها في محلات العطاره

[ابو فارس66]

ماخليت شي الا سويته
واستقريت على الجرة عطيت الله
اسحب بأبرة واحطه داخل بيوتهن لين يفلل
والحمد لله قضيت عليهن.
قرصتهن اعوذ بالله قرصة عقرب

تم الإرسال من جهازي SM-N9005 بواسطة تاباتوك 2

[ابو سديم 1]

هذي الصورة من اخوي تركي الله يعطيه العافيه

http://www.mekshat.com/pix/upload06/images/2014/10/mk290836_img-20141011-wa0011.jpg


/

[راعي الرود]

من تجربه مع النمل الأسود اذا ما سكرت الفتحات بالجدران تراهن يبي يرجعن و السم حل مؤقت مهما كان نوعه

جرب هذا النوع تلقاه عند محلات الادوات الزراعيه

http://im26.gulfup.com/2012-07-14/134225709821.bmp


طريقته يخفف بالماء و يرش بالمرش على الأماكن اللي يخرج منها النمل و على الحديقه ان وجد و يتكرر الرش كل اسبوعين مع مراعاة لبس كمامة و دس لليدين و ابعاد الأطفال + عدم استخدامه في اماكن لا يوجد بها تهويه

بعد استخدامه و بعد رشه وسط بيوت النمل استخدم السلقون او الجص لاغلاق الفتحات الصغيره في الجدران

و بإذن الله لن ترى لهن أثر ..

[كاتم الشكوى]

يعطيك العافية

[ذيب الفقارة]

يا ليت وضحت لنا نسبة سميته

ومدى تأثيرها على البشر

تحياتي

[خشكاري]

عز الله ياربع كانوا مأذيني بالشقة أذيه مابعدها ..

وكل شوي ألقاهن مطلعين طعس رمل حول الجحر ..

حطيت بودرة بف باف على الجحور ومافاد .. يطلعون طعس فمكان ثاني ..

تعوذت بالله منهم .. ووالله ماعاد شفت وحده !! إلى يومكم السالفه لها سنة والله العلي العظيم ماشفت وحده ..