اصاحب الخبرة الاندكروزر جزاكم الله خير ساعدوني

[المسافر2004]

اعتقد الاند كروزر و الكزس نفس الشي

المهم لدي جيب لكسزlx470 مديل 2000

كان تبديل القير الاتوماتيك زين

ولكن الان يتأخر التبديل من نمره الى الاخرى وخصوصاً في البداية

تطلع صوت المكينه ثم يبدل.

قال الميكانيكي توضيب القير وهذا يكلف

وميكانيكي اخر قال غير الزيت والفتر واذا ماصلح وضب القير

افيديوني بأرائكم جزاكم الله خير.

[رفيع المقام]

أخوي أولاً تأكد من كمية الزيت ولونه ورائحته

أما سالفة توضيب القير دون الكشف على الاشياء الثلاثه اللي فوق ودون الفحص . يعتبر تشيخص خاطئ وربما لسرقة ما بجيبك .

افحص اولا كمية الزيت ولونه اذا اسود وفيه ريحة كريهه ربما تظطر لتوظيب ..

وأقول لك كما قال لك الميانيكي الثاني غير الزيت والفلتر بزيت وفلتر وكاله ابدا بالاسهل . وشووووف

واذا غيرته لاتحاول تدعس عالسياره يعني خله تبدل على راحتها

[المسافر2004]

رفيع المقام الله يرفع مقامك



اكثر من خمسين مشاهد ولا فيه خبير

ساعدونا جزاكم الله خير يالخبراء

[ابوراكان تبوك]

أولا
كم مشيت على الزيت الحالي ؟؟؟ ( حده 80 الف اذا لم تغيره فغيره في أسرع وقت ) لكن اذا الزيت قديم مره أستشير اكثر من مهندس في طريقة تبديله بعضهم يستلمه كل شهر يسحب 2 لتر ويضيف 2 لتر جديد تدريجي حتى مايخبط القير وبالاخر يغيره مره وحده
ماهو لون الزيت الآن وكيف لزوجته ؟؟ ( لازم يكون نظيف مثل ماذكر الاخ رفيع المقام )
من متى ظهرت المشكله ( هل بعد اصلاح أشياء ثانيه في السياره )

فيه أشياء اخرى مهمه جدا جدا تؤثر في سرعة التبديل ماشفتك جبت طاريها
1- نوع البنزين يؤثر في سرعه تبديل التماتيك فالافضل 95 ( يجيك واحد اللحين يعارض ويتفلسف مستعد أقنعه ومن بعير لبعير:eek:)
2- الصفايه وما ادراك ما الصفايه اذا كانت تحبس البنزين فطبيعي جدا يتأخر التعشيق
3- البواجي
4- فلتر الهواء هذا قصه الحاله يلعب في الموتر لعب وخصوصاً التماتيك
5- نظافة الثروتل ( تقدر تنظفه بنفسك أبحث عن تقارير تنظيف الثروتل للفكسار نفس اللكزس )
6- تماتيك المروحه اذا فيه خلل يلعب في سرعة تبديل التروس للسيارات التماتيك
7- كمية هواء الكفرات اذا كانت اقل من 25 تثقل السياره فتتأخر في التبديل
8- نقص زيت القير
فيه أشياء اخرى متعلقه في القير لكن هاذي الاكثر أسباب

مع اني اشك في نقاط رقم 2 -1 - 4 أكثر شيء

عموما لاتخلي شيء افحص وافحص وافحص ولاتفك القير الا لما يوقف الموتر
اذا الزيت توه مغير ونظيف ولزوجته زينه اتوقع 95% ان مشكلتك في النقاط اللي ذكرتها لك وكل هذا اجتهاد شخصي مني قد أصيب وقد أخطي


مووووووووووفق أخي

[Wa7shne]

الي اعرفه ان فيه منظم حق التعشيق جرب شيك عليه

[يالبى الهلا]

السلام عليكم ورحمة الله وبركاته وبعد
اللي أشار لك بتوضيب القير اسمحلي اقولة سباك لايفقة في أمور الميكانيكية الي عندك مشكلة في المنظم الثروتل يحتاج إلى تنظيف وممكن انت تنظفة أو اوا تستفيد من شرح مهندسنا الفاضل أبو أصيل فيها من الدروس المستفادة في عالم السيارات ومشاهدة اليوتوب ومقاطع كيف تنظف الثروتل انا منظفة قبل أسبوع ونفس الأعراض التي كانت في موترك في موتري طبعا بعد تغيير الزيت مع الفلتر لاصلي مع استبدال الطرمبة البنزين مع الفلاتر الاصلي
الخلاصة والاستفادة لاتوضب القير القير اللكزس والفكسار صنع ليخدم فترة أطول طبعاً مع الصيانة الدورية

[عبدالرحمن فكس]

ابي افتح موضوع ماني عارف جديد على المنتدى . معي جيب فكسآر 2001 قير عادي 8 سرندل
الطبلون حق السرعه الي بالكيلو تعطل اشتغلت لمبة المكينه ومادري ايش العلم الي له خلفيه بالموضوع يفيدني
ويتواصل معي على الرقم تكفون 0534261413

[ابوعبدالله172]

بالنسبه لخراب العداد ياصاحب الفي اكس ار عندك ترس العداد اللي بالدبل يحتاج تغيير وترس العادي يختلف عن التماتيك للتنبيه

ياصاحب الجي اكس ار شيك على تماتيك المروحه لانه احيانا خراب التماتيك يسبب تاخير التعشيق

[المسافر2004]

مشيت عليه حوالي 130 الف كيلو وانا غلطان المفروض50 الف واغيره
بالنسبة للبنزين اعبي 95

جزاك الله خير

[1824]

المكينة يبيلها خرط وتغير بساتم وعمود كرنك والروس لا تنساها وتبيع الجنط اليسار الي ورى ولا تنسى العكوس الامامية ضروري تتغير ولا تنسى بعد الشمعة الامامية يمين والكرسي والي ورى لا تنسى ترجعه امزح امزح الزبدة اسمع الكلام زين

غير زيت القير مع الفلتر بزيت تويوتا الاحمر T-IV وامش عليه بشويش كمن يوم وان شاء الله خير اذا تحسن كمل تغيره ثانية بدون فلتر واذا ما تحسن الله يستر علينا وعليك بالتوفيق لك