سؤال الاهل الحماد وعرعر وطريف استفسار

[قناصص الششمال]

السلام عليكم ورحمة الله وبركاته
كيف حالكم ممكن تفيدوني بخصوص الحماد الطير وين اكثار الاماكن متواجد فيها يعني علىالرجوم ولا على الحجر ولا الارض المنبسطه انا بنسبه لي اقنص الساعه 5الفجر الرجوم والارض المنبسطه والحجر المتفرق لين الساعه 10 والعصر نفس الطريقه بس ماشفت شي ولا ماهو مقسوم وهل فيه فايده من الحمام بالقاع وقت الظهر واغلب الاوقات وين يكون الطير وهل يصير حواله عقبان ولا حقبيات ولا نوع من الطيور ممكن تفيدوني وشكرا

[المضلي]

الله يهداك تراك غادي
الحماد المقصود به نفس الاسفلت بين حزم الجلاميد وطريف
اللي يقنصون ماينزلون من الاسفلت وقنيصهم يتشوفون الطير على اللوحات الارشاديه بالمسافه ولوحات التحذير بجانب الطريق من اليمين واليسار واذا شافوا الطير دقوا بوري طار الطير ولحقوه وهدوله
قنيص الحماد قمة الراحه
ملاحظه انتبه للطريق وانت تمقنص خشية الحوادث اذا معك شخص ثاني خله يتشوف وانت خلك في الطاره

[بوردي عرعر]

ارزاق يوزعها الرزاق وشو اارض المنبسطه وشو السفلت اذا لك رزق تطرحه باي مكان

[قناصص الششمال]

يا اخوان ههههههه وش ازفالته انا ماقالت زفالة ولا ذكرته بس المضلي يعلق قصدي بالارض المنبسطه السهله بعض الاخوان مايعرفون السهله واقول الارض المنبسطه على اساس يفهمون وشكرنا لكم جميعا والله يرزقنا
ويرزقكم بالنادر

[الروقي نت]

الله يرزقك ويرزقنا من واسع فضله
الصقور عابره في طريقها للهجره ومقناصك صحيح 100% وهذا رزق يسوقه الله لكل مجتهد وانت مجتهد وأوقاتك مناسبه لكي ترى الطير
بالنسبه للحمام بالقاع او التحويم وهو ان تطير الحمام اوا السمّان طريقه مناسبه لجذب الصقور انصحك بها وقت الحوم ولا تيأس يااخي أسأل الله لك ولجميع القناصه وافر الحظ
والسلام عليكم

[قناصص الششمال]

يعطيك العافيه اخوي الروقي نت والله يرزقك بنادر ويرزق جميع القناصين بالطير النادر وشكرنا لكم والله يجيب الخير:good2:

[Naif1]

و عليكم السلام و رحمة الله و بركاته
الله يرزقك

[عز الخووي]

الرجال يسال

التعليق ماله داعي

الله يزرقك بالنادر ..

[فراج الجهني]

كل عام والجميع بخير